|
||||||
| حي على الفلاح موضوعات وحوارات ومقالات إسلامية |
|
|
أدوات الموضوع | انواع عرض الموضوع |
|
#1
25-03-2011, 11:23 PM
|
||||
|
||||
يا أيها الناس اتقوا ربكم ان زلزلة الساعة شئ عظيم
السلام عليكم ورحمة الله وبركاته يارب تكونوا بخير شوفوا اولا هناقشكم فى موضوع طبعا هو انا نقلاه وزايدة عليه حجات وللحقيقة كان نفسى انا اكتبو فعلا بس لقيتو وافى ومكفى وقلت كمان انا هزيد وافيدكم بيه والموضوع دا ياجماعة بجد تنبيه وتحذير لكل واحد ناسى ربنا وانا مستعدة نعمل حملات توعية ونعمل كذا جزء عشان نرجع لربنا والعبادات والسنن والواجبات وكلو بس اليقولى انا مستعد يامرح وانا معاكم من الالف للياء لاى حد عايز يتغير بجد  شوفوا الخبر دا ياجماعة خبراء ايطاليون : زلزال اليابان أدى إلى إزاحة محور الأرض 10سم حين ينقلب محور الأرض... بشكل كامل ستشرق الشمس من الغرب ! ( قال تعالى ؛ (( يا أيها الناس اتقوا ربكم أن زلزله الساعه شيء عظيم )) ..باب التـــــــــــوبة مفتوح و ماحدش يعرف بعد شويه هايحصل ايه  الخبر وقفت عنده وقولت لازم اكتب توبيك في ناس هيتبعتلها الخبر علي الفيس وهتعمل نفسها مش واخده بالها او مش شايفينه وفي ناس هتقرا وتتاثر شويه بعد كده تنسي وفي ناس هتقرا الخبر وتاخده بجد وتعمل بيه اول نوعين هيخسروا اكيد والنوع التالت هو اللي هيكسب اخرته ويلحق نفسه لحد امتي هنفضل نقول هنتوب بكره ومحدش فينا ضامن بكره ده هيعيشه ولا هيكون فين ليه عايشين مرتاحين اوي كده ومفيش ضمير بيتهز ان ممكن تكون النهايه قربت ما لو انتهت الحياه والحال هو هو مش هينفع نرجع بالزمن مش هينفع نندم وناس تانيه مش فاضيه تسكت ما هو زي ما قادر سبحانه وتعالي يوقفك علي رجيلك قادر ياخد روحك في ثانيه وانت علي معصيه وغفله محدش فاكر ان ربنا سايب فرصه لينا علشان بيحبنا دلوقتي ممكن تكون اخر لحظه في عمري ممكن القيامه تقوم بكره هيجي وقت باب التوبه هيتقفل وخلاص لو مهما نعمل ايه مفيش حاجه هتتغير ومش هنلاقي فرصه ليه بنحب اللحظات الاخيره زي الامتحانات بنفضل طول السنه نهزر ونكبر دماغنا وليالي الامتحان نبقي بنموت ومش قادرين نجمع حاجه طيب علي الاقل ايام الامتحانات بيبقي عندنا يوم معين عارفين ان ده يوم ميعادنا مع الامتحان لكن يوم القيامه مش معروف القيامه بتقرب والتوبه بابها هيتقفل والناس مش بتذيد غير بعد وتعالي الناس بتموت وعلامات الساعه بتظهر والناس بتزيد غفله طيب وبعدين بقي كام يوم في العمر وياتري هنقضيهم ازاي محدش يقول انا صغير ما الشهدا اهم راحوا في ثانيه بس مكانهم في الجنه لكن احنا منعرفش هنروح علي فين لو خبر الزلزال ده كان حقيقي تقدروا تقولولي المفروض نعمل ايه دلوقتي المفروض نفوق لازم نفوق بقي الكلام ده اتقال كتير ومحدش عايز يسمعه انا عايزه افهم الناس مستنيه ايه جايبن راحة البال دي منين ازاي الواحد يومه ميبقاش فيه ربنا ازاي اصحي الصبح مشكرش ربنا واقول "الحمد لله الذي احينا بعد ما اماتنا واليه المصير " ازاي اصحي من النوم مصليش ركعتين قبل ما انزل وعلشان عقد الشيطان تتفك من علي عيني ازاي وانا نازل رايح شغلي او كليتي مقولش "بسم الله توكلت علي الله " ازاي وانا بره اسمع الاذان ومروحش اصلي ازاي قبل ما انام مسلمش روحي لربنا "باسمك ربي وضعت جمبي وبك ارفعه فان امسكت نفسي فارحمها وان ارسلتها فاحفظها بما تحفظ بيه عبادك الصالحين " ازاي يومي ميكونش فيه قراءان او ادعيه او اذكار الصباح والمساء ازاي يومي ميكونش فيه صلاه وتسليم علي اشرف خلق الله سيدنا محمد عليه الصلاه والسلام ازاي ابقي فرحان بحياتي وهي مليانه معاصي وذنوب وتلاقي كل واحد بيتباهي قدام التاني بمعاصيه وقد ايه هو خليفه للشيطان ده انا بشوف ناس فعلا تقول للشيطان قوم وانا اقعد مكانك لو كانت المعصيه ليها ريحه كل معصيه وليها ريحتها كانت الناس هتخاف تعصي علشان كل واحد كان هيبقي مفضوح هو ده بقي ردنا علي ستر ربنا لينا هو سترنا واحنا مصممين نفضح روحنا ايه الجبروت ده ده احنا منجيش ذره في ملكوته ده ربنا بيسبح له ويسجدله كل مخلوقاته وانت يا انسان ما غرك بربك الكريم هو كرمك وانت مصمم تهين نفسك وفي الاخر مش هتكسب حاجه مليون ازاي وازاي ماشين بقلب جامد في الحياه ومش خايفين من اللقاء رسايل وتحذيرات بتيجي والعمر بيجري يا تلحق نفسك يا اما هتندم في وقت مينفعش فيه الندم فكر في الخبر وشوف ازاي ناوي تبدء من جديد وتصلح من نفسك وياريت ميكونش يومين وخلاص وترجع زي الاول عايزين تغير بجد وكله في الاخر لمصلحتك احجز مكانك في الجنه باعمالك وبلاش تروح النار برجيلك كل واحد دلوقتي بقي يقول اصل انا نيتي صافيه ربنا رب قلوب بس يوم القيامه هيتفتح كتابك ومش هتلاقي فيه اعمال تتوزنلك ولما تطرح في النار النيه مش هتنجيك ما هو مينفعش يبقي واحد بيعمل كل المحرمات ويقول ربنا رب قلوب طيب ما مدام انت عارف ربنا اوي كده معملتش ليه ليوم لؤقاه سلعه الله غاليه وسلعه الله هي الجنه وعلشان توصل للجنه لازم تتعب وتعب الجنه طعمه حلو انا ضد اسلوب الترهيب في الدعوه للعوده لطريق لربنا مش بحب اسلوب التخويف والعذاب بس بجد في وقت لازم نشوف الامور علي حقيقتها ونعرف فعلا ان رضا ربنا سبحانه وتعالي محتاج عبادات كتيره مننا علشان نوصول للرضا والبركة في حياتنا ربنا ادنا حقوق كتيره اوي وحاجات مكنتش تيجي في بالنا وليه علينا واجبات ياريت منقصرش فيها ده لو قضينا عمرنا كله عباده برضه هنبقي مقصرين وهنحتاج عمر تاني نعبده فيه الصحابه لما كان بيفوتهم قيام ليل كانوا بيمرضوا من الحزن واحنا بيفوتنا قيام الليل والفجر وعبادات تانيه كتيره ربنا يهدينا لاقرب طريق لهدايته ويثبتنا علي دينه بجد ياقلب كل واحد فيكم ناسى ربنا وغاضبه ياقلبكم بجد ياقلبكم مش معقولة نلاقى حد يحبنا واحنا نعصيه لا واييييييييييييةو دا مش حد دا خالقنا يابشر بجد مش عارفة قلوبكم دى اية ربنا يهدى حقيقى ع البشوفه ها مين هيقول انا معااكى ؟  هل ياترى حد هيغير نفسو فيكم بتخافوا من اليوم دا بجد ولا؟ ياريت تقولولى رايكم لان التوبيك نقاش وفى نفس الوقت تنبيه وتحذير ومساعدة لكل واحد عايز يغير نفسو وقولوا احنا مستعدين وكلنا نتعاون مع بعض لمساعدة بعض وربنا يوفقكم    الصمت الحزين FARH
__________________
رمضان كريم 
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
جميع الأوقات بتوقيت GMT +2. الساعة الآن 06:56 AM.
