ايه اللى عملناه ده انجاز كبير

[ابوامانى]

شوفو يا جماعه ومن الاخر اوعو حد يتكلم تانى عن اعتصام ولا غيره احنا ما نستاهلش نبقى زى التربيه والتعليم اللى اتثبتو ومرتباتهم زادت وبقو اقدميه علينا وعدده يفوقنا عدة اضعاف خللينا جنب الحيط احسن وكمان لو الحيطه وقعت علينا يبقى ممتاز اهو ريحنا وارتحنا اصل كسلانين ومش كدا بس وكدابين كدابين كدابين

[أزهرى وأفتخر]

لا والمصيبه السوده الادارى مرتبه زاد وبقا فوق 400 جنيه
واحنا بقينا زياده جنيه
واللى زاد تلاته جنيه
وهما زادوا 200 جنيه واللى زاد اكتر
احنا بقينا اقل فئه فى التعليم
وكمان كفاية اهانة الكادر دى لوحدها

[ام علاء]

ايوة عندكم حق فعلا نستاهل الى يجرى لينا

[بيبونينو]

السلبية و اللامبالاة و الاعتماد على الغير هى السمة الواضحة لمتعاقدى الازهر
يا رب عفوك و رضاك و حسن لقاك

[ابوعويس]

يا جماعة محدش يقلق بتوع التربية والتعليم خلاص حصلو على حقوقهم وان شاء الله امكن مينسوناش ويطالبولنا على حقوقنا اصلى انا عارفهم دول رجالة مع يقفوا دايما مع الضعفاء والفقراء وابناء السبيل والأزهريين

[النجدى 1980]

اللهم اصلح الحال

[ميرو 16]

الازهرى = كلاااااااااااااااااااااااااااااااااااااااام بس

[بعبشش]

شعار الازهرى
اذهب انت وربك فقاتلا انا ها هنا قاعدون
حسبى الله ونعم الوكيل فى كل من ظلمنا

[الشوكي55]

لا حول ولا قوة الا بالله

[قطر الندى]

هو ايه اللى حصل فين الاستاذ ضويحى اللى كان عامل ترويج للوقفه ؟ هو راح المشيخه ولا ايه بالظبط؟ لان من امبارح بشوف ايه اخبار الوقفه بس لاحس ولا خبر

[ابوامانى]

الراجل راح بس ملقاش رجاله معاه بص لقى نفسه لوحده ومشى حلف مايقعد والمدرسين الازهريين ما كانوش فاضيين كانو فى حصص يا عينى عليهم ناس مجتهدين والضمير مقطع بعضه

[samiro]

اظن الناس اللى بتكلم دى كلها اجمعت ان الشيخ احمد الطيب من افضل الناس اللى مسكت الازهر الازهر وهو امل الازهر يبقى خلاص نهدى شوية ونسيبة يشتغل هو هيلاحق على الاعتصامات اللى عنده ولا اللى اللى المدرسين هيعملوها ولا الموظفين اللى كانو بيسرقو الازهر وهو جاب الفلوس دى عشان يديهلنا نسينا كل ده خلاص وبعدين تانى حاجه الناس اللى عمالة تقول مرتب بتوع التربية والتعليم ذاد وبقى ضعفنا انا عاوز واحد يقولى من الناس اللى بتقول مرتبهم ذاد دى بياخدو كام ..مرتبهم لا ذاد ولا حاجه تالت حاجه بتوع التربية والتعليم ميعتبروش اتثيتو لان معندهومش درجات مالية خالية يتثبتو عليها وبعدين هما عندهم شروط كمان للتثبيت الازهر معندوش شروط يبقى بعد كل ده نروح نهاجم الراجل اللى عاوز يصلح الازهر ولا نسيبو شوية يشتغل وبعد لما نديلة الفرصة نفكر فى الاعتصام انا رايي نهدى شوية طلاما كلنا عندنا ثقة فى شيخ الازهر وبعد كده لو ملقناش حاجه حصلت نبقى نفكر فى الاعتصام بجد وعلى فكرة عاوز اقولكم حاجه بتوع التربية والتعليم دول اللى عاوزين تبقو زيهم اول ناس هيعملو مظاهرات عشان يبقو زى الازهر ومدرسين الازهر وبكرة تشوفو والله ولى التوفيق

[المصارع]

حسبى الله ونعم الوكيل

[hasann22]

ياجماعه أنا مدرس لغة عربية من دمياط احنا كنا النهارده الثلاثاء في المنطقة الأزهرية التابعين ليها صحيح كان عددنا مش كبير حوالي 20 مدرس متعاقد بس ان شاء الله كنا لينا تأثير كبير فقد أصدرنا ورقة احتجاجية على عدم وضوح إجراءات التثبيت من حيث الكيف والكم والميعاد الحقيقي والدرجات المالية وكل النقاط المتعلقه بالمستحقات وفي نهاية الورقة قررنا الامتناع عن دخول أعمال الامتحان سواء النقل أو الشهادات وكذلك أعمال التصحيح وعلقة هذه الوقة داخل جميع المعاهد التابعه للمنطقة الأزهرية بدمياط وكذلك داخل المنطقة الأزهرية نفسها وماكان من وكيل الوزارة إلا أن اجتمع بنا وقام طبعا ببث المل في النفوس والتنويه أنهم قاموا بدورهم في إرسال كشوف بالأسماء إلى الأزهر بالقاهرة وأنهم في إنتظار موافقة وزارة المالية على الأسماء ثم لوح بتعطيل العمل في المدارس وأنه لابد من عدم تعطيل العملية التعليمة في هذا الوقت ومن ثم اقتنع البعض منا ورضوا بما قال حتى يتبين العكس مع التمسك بحقهم في تنفيذ كل ما جاء في الورقة الاحتجاجية إذا لم يجدوا استجابة قبل الامتحانات

[مشرف اجتماعى]

المشاركة الأصلية كتبت بواسطة الوهج الفضى

كلكم مدرسين عيال وعمركم منتم طالين حاجة الحق له اصحابه اللى تدور علية

ممكن اعرف هو حضرتك رحت الوقفة ابارح ولا اية