الحد الادنى للاجور وتصريحات صريحة من وزير المالية

[ابراهيم فليفل]

كل واحد عايز يعرف حيبقى كام الحد الادنى لكل درجة يعنى الفرق بن كل درجة والتى تليها
الدرجة السادسة = 700
الدرجة الخامسة = 700 + 287 = 987
الدرجة الرابعة = 987 + 287 = 1274
الدرجة الثالثة = 1274 + 287 = 1561
الدرجة الثانية = 1561 + 287 = 1848
الدرجة الاولى = 1848 + 287 =2135
وهكذا
والله اعلم
http://www.alqaheraalyoum.net/videos...?vid=49eebb751

[ياسر جلال]

يارب يكون كده

[الجهبذ]

مالناش فى الحد الأدنى وكل حد وانت طيب

وضعت وزارة المالية تصوراً مبدئياً لجدول الأجور الجديد المستحق في أول يوليو 2011 بعد رفع الحد الأدني للأجور إلي 700 جنيه بحيث يتم تحريك جميع الدرجات الوظيفية للوصول به إلي ذلك الحد الأدني يستفيد منه الموظفون المربوطون علي الدرجات السادسة والخامسة والرابعة ممن تنخفض رواتبهم ويصل عددهم وفقا لجدول الأجور 1.9 مليون موظف بحيث يحصل الموظف علي الدرجة السادسة في بداية المربوط ونهايته 700 جنيه مقابل 327 و496 جنيها علي التوالي وترتفع أجور الموظفين علي الدرجة الخامسة كذلك إلي 700 جنيه كأجر شامل مقابل 334 و590 جنيها علي التوالي والدرجة الرابعة إلي 700 جنيه شامل لبداية الدرجة و1018 جنيهاً مقابل 346و740 جنيها لبداية ونهاية مربوط الدرجة الوظيفية وتحقيقا للعدالة الاجتماعية والحفاظ علي الفروق المالية بين الموظفين حفاظا علي الثوابت المجتمعية سيتم اعتبارا من الدرجة الوظيفية الثالثة الموجود بها غالبية الهيكل الإداري للدولة سيتم زيادتها بمقدار 278 جنيها ليصل بداية مربوط الدرجة إلي 700 جنيه 1224 جنيها لنهاية مروبط الدرجة وبالنسبة للدرجة الوظيفية الثانية سيتحرك الأجر لبداية المربوط إلي 700 و1383 جنيها لنهاية المربوط وبالنسبة للدرجة الأولي سيرتفع الراتب لبداية المربوط إلي 980 جنيها و1484 جنيها لنهاية المربوط ترتفع إلي 1168 جنيها للمدير العام و1601 جنيه لنهاية مربوط المدير العام وبالنسبة للدرجة العالية ترتفع إلي 1262 جنيها لبداية المربوط و1672 جنيها لنهاية المربوط.

وأكد د.سمير رضوان وزير المالية علي أنه كلما ارتفع الراتب علي الحدود المتعارف عليها والتي تعني توفير حياة كريمة لهم ستخفض قيمة الزيادة التي سيتم رفع الراتبها وذلك لتحقيق العدالة الاجتماعية.

وعن الحد الأقصي للأجر كشف الوزير عن أن هناك خلافات وتصورات مختلفة عن الفرق بين الحد الأدني والأقصي وهو متعارف عليه بنسبة 1 إلي 36 ضعفاً إلا أن ذلك يحتاج إلي مراجعة حيث إن جدول الأجور بدون المكافآت تظهر أن الفارق مثالي جداً وهو 1 إلي 14 ضعفاً وهو ما سيتم تقليصه من خلال ضبط البدلات والأجور المتغيرة مؤكداً أن الحد الأدني هو خط الفقر الذي يستفيد منه 3.2% من قوة العمل.

وعلمت «روزاليوسف» أنه سيتم استبعاد أصحاب الكادرات الخاصة من أطباء ومعلمين من الاستفادة من الحد الأدني للأجور أو تحريك الدرجات المالية، نظراً لأنه تم زيادتها وتحسين دخولهم بنسب وصلت إلي 100%، كما سيتم استبعاد موظفي عدد من الوزارات لارتفاع حوافزهم مثل وزارات المالية والاستثمار.

[mamdoh.aly]

محدش يصدق كلام روزاليوسف ....
أنا معلم أول من 2008 وبأخذ الكادر (50%+ 75%) ولسا مرتبى 800 جنيه بعد 13 سنة خدمه ل ممكن أتساوى مع عامل أمى على الدرجة السادسة متعين أمبارح ؟؟؟؟؟؟؟؟؟؟

[mfkh2005]

أعتقد أنه لا يوجد خبر واحد ممكن تأخذه من روزاليوسف وزى ما بعض الزملاء ذكروا أن العامل ياخذ 700 والمدرس ياخذ 300 هو ده كلام اذا كان اللي بيتكلم أهبل فالمستمع عاقل

[mostafa_basha]

دة كانت تقوم ثورة ازاى يعنى لان اجورهم اتحسنت انا معلم مساعد وبيطلع عينى وباخد 360 جنية ييجى العامل فى اول تعيينة ياخد 700 جنية دة يبقى هبل رسمى

[alfa]

http://posterous.com/getfile/files.p...o/untitled.xls

[emtaha2010]

ارسلت الي الجهاز المركزي للتنظيم والادارة استفسار بخصوص موضوع الحد الادني

وننتظر الرد ... يارب أسألك الهداية والسداد

[وليد كوم اشقاو]

معتقدش1561 صعب

[mohame abdulla]

اذا كان كلام روزاليوسف صحيح فاننا نطالب بالغاء الكادر اللى ويطبق علينا مايطبق على بقية العاملين بالدولة

[السيدحمدى]

ده لو بجد يبقى لازم ننزل التحرير كلنا ونوريهم عددنا ومدى تأثيرنا
وكل ده لأن مالناش نقابه تتكلم بأسمنا
بس لازم نتحرك

[السيدحمدى]

وزارة الماليه بتلعب بينا امبارح سمير رضوان مع عمرو اديب يقول ان كل درجه ستزيد ب287من السادسه اللى هيه بتبدأ ب700
والنهارده الافندى بتاع الماليه بيقول كلام تانى واضح اننا عاوزين ثوره تانيه

[amrmedhat]

الكلام دا موجود في الاخبار برده احنا خارج الحد الادني

[gana hatim]

بصوا بقي كفايه سلبيه وخلينا واضحين كفايه استهتار بنفسكم وازا كان الموضوع كده يبقي ثوره المعلمين هاتكون ثوره لم تراها مصر لان ده ضد اي عداله اجتماعيه وبعدين اصلا احنا كنا بنطالب بعداله اجتماعيه يعني نتساوي بكل من هو علي نفس درجتنا مش عمال يوزعوا فلوس البلد علي الشرطه والبترول وغيره والله ازا تم كده فانتظروا ثوره المعلمين وهاتكون عارمه

[gana hatim]

المشاركة الأصلية كتبت بواسطة mohame abdulla

اذا كان كلام روزاليوسف صحيح فاننا نطالب بالغاء الكادر اللى ويطبق علينا مايطبق على بقية العاملين بالدولة

احنا لسه هانطالب ويلعبوا بينا تاني يا عم فوقوا لحسن والله المدرسين بشحتوا يعني الفراش في مدراستك ياخد \ي مدرس بقاله 13 سنه في التعليم يا عم رد الرد المناسب كفايه كده حرام عليكم