ايه شعورك ناحية جامعتك

[CrazY Bo$S]

السلام عليكم

من 4 شهور بس.. كنت فى ثانوى .. وكنت بقول يارب أخلص بسرعة عشان اروح للنعيم .. اروح للجامعة

وفجأة
جيت الجامعة
لقيت

وما الجامعة إلا ............ حاجات كتير
وما الجامعة إلا حاجات كتير ملهاش علاقة أبدا بالعلم والنشاط الجامعة ممكن تكون أى حاجة تانية غير الحاجتين دول ..
يعنى
ممكن تكون كافيتريا محترمة أو مكان محترم يتعمل فيه دماغ
ممكن تبقى مكان يتم من خلاله التوفيق بين راسين ومتسألنيش فى الحلال ولا فى الحرام ونشغل رئيس الجامعة مأذون
ممكن تكون مصدر إشعاع لأشعة البلوتوث والموبيل
ممكن تكون معرض أزياء جامد جدا لبس على كل شكل ولون .. أحدث الموديلات العالمية
ممكن يكون وقت المحاضرة .. هو أفضل أوقات النوم
ممكن تلاقى أحدث الأغاتى والألبومات فى أواخر المدرج والشاطر اللى موبيله أعلى
ممكن الجامعة تكون أو مقلب زبالة لقزايز الكانز والبيسبى
تخيلوا جامعة فيها المجارى طافحة
تخيلوا إن طلبة بتضرب بانجوا وبتعمل دماغ حشيش فى المدرج
تخيلوا كده الدكتور بيشرح وكل شوية الميك يصفر يقوم الدكتور خبطه فيسكت
تخيلوا ان مصاريف الدراسة فى كليتنا فى السنة بتعدى 6 تلاف جنيه
تخيلو إن إتعمل محضر بتهمة فرأة القرأن فى المدرج وفى كلية أزهرية

ايه شعورك ناحية جامعتك ؟

[TEMO_KHALED]

يا نهار ازرق ؟؟؟؟؟؟؟؟؟؟؟اتعمل محضر بتهمة قراءة القرآن في المدرج و سايبين البلاوي دي بتحصل؟؟؟؟
انا لسة تالتة يعني فاضيلي بتاع 8 شهور وادخل جامعة ربنا يستر .................
وما ادخل ان شاء الله وان كان ليا عمر هابقى احكيلك ....ربنا يتولانا

[مهندس مساعد]

مع احترامي ليك يا مستر كريييييييزي بوس

ولكن ارجوك لا تخلط الحابل بالنابل

وتهول المسائل على الناس بتوع ثانوية عامة خليهم يخلصو الاول وميحطوش في دماغهم الحاجات دي من بدايتها

الموضوعات دي للي خلص يا جماعه المفروض كنت تكتب كده عشان متبقاش مسؤول عن حد

ولكن برغم اني مصدقك في كل اللي قلته وكل اللي حصلك بس الموضوع ده بيبقى لاسباب تانية حبقى اشرحها بشكل كافي وقت تاني

تقبل مني مروري البسيط دلوقتي عشان اشرح النقطة دي والمرة الاية حيبقى الرد وااااااااااااافي

ةويسعدني لقاؤك

بس هو انت في .................. كليتي بتاعتي ولا هي كل الكليات كده برغم ان انا مش في كلية ازهر ية

السلام عليكم

[TEMO_KHALED]

آسف على التدخل لكن هو كاتب (اية شعورك ناحية جامعتك) يعني هو موضوح ان الموضوع دة للي خلصوا وهو مش مسئول ان اي حد تاني يدخل يعني انا دخلت وهو مش مسئول وبعدين احنا ناس كبار يعني نعرف احنا المفروض ندخل على اية وماندخلش على اية..و عموما حضرتك من حقق تقول رايك بس انا كنت بوضح مش اكتر مشكور.

[CrazY Bo$S]

شكرا لتامر وللمهندس على التعليق
وزى ما تامر قال .. وبرضه مش شرط ان بتوع ثانوى يحطوا فى دماغهم الموضوع .. يعنى حيعملوا إضراب وميدخلوش الجامعة .. ده أمر واقع
أنا مش فى كلية أزهرية .. بس أعرف الشخص اللى اتعمله محضر فى كلية أزهرية ...
أنا فى ج الزقازيق تجارة انجليزى ... ونفس السلبيات

ومستنى تعليق حضرتك الوافى يا باشمهندس

[midoxp]

على فكرة انا فى تجارة عين شمس
ودة هو الا بيحصل بالظبط
شرب حشيش وبناجو لية مكان مخصص
شرب السجائرفى المدرج
البلوتوث حبيبى مجال للتعرف فى قلب المحاضر
الدكتور بيشرح وطبعا كلعادة فى اخر المدرج ضحك فى موبايل صوت قطة اغانية والعادة بتعتة الدكتور المحاضرة اتلغت
ام بالنسبة للرجالة اول لم الواد يتعرف على بنات جديدة يصدع دمغ الا حولة
وهو بيحى مغامرات الشاطر حسن
ام بالنسبة للبنات المتفوقة تختار كدة واحد هداء وتتعارف علية علشان المصلحة والمحاضرات وانتم عارفين الباقى
ياسلام على الحب
ياسلام
كل واحد واخد واحدة على جانب وبيحبوا بعض
ويعنى على الشاب الا مبيحوش قاعد يدور على واحدة يحبه ويتعاف علىالبنات بالبلوتوث
البنات تقولك انا معرفش غيرك فى الكلية وفجاءة وانت ماشى معها تلقى كل شباب الكلية بيسلموا علية
على العموم لسة في شباب وبنات كويسة وملتزمة بالدينا والاخلاق
طبعا شئون الطلبة حببتى قلبى دخلت على مديرة الشئوان مرتين عشان الموظفين مش شيفين شغلهم كويس
وحراس الجامعة الدخلى حبيبى قلبى من جوة الحمدلله كانت هروح فى دهية بسبب زميل لية فى الكلية معملش حاجة وانا طبعا عملت نفسى محامى وانا فى كلية تجارة مليش دعوة بحقوق كانت بقولهم هو ملوهش دعوة قلولى تعالى معه ياحلو عشان تبقى محامى
ربنا يستر ونعدى الجامعة على خير
وبلاش اقولكم على موضوع الموصلات للكلية دة حاجة تانية
ههههههه عملت محضرين فى محطة المترو ههههههههههه

[مهندس مساعد]

بسم الله الرحمن الرحيم

اولا يا كبيرنا

انا بايدك في كلللللللللللللللللللللللل اللي قلته

ثانيا بالنسبة لموضوع الراجل اللي اتهم بتهمة قراءة القران في المحاضرة ده تلاقي كان

ياما بيقرا وقت المحاضرة بالفعل ودول بيتعللو على انه سايب المحاضرة يقرا وهو فين المسجد والجامع ؟

والكلام ده لآخره

او انه يكون بتاع اخوان مسلمين وتلاقيه النوع ده من الناس بقى الدكاترة بيتسللولهم على اي حاجه

ان شاء الله حتى قراية القران بالرغم ان الدكتور عارف انه مش جرم بس بيتسلل بموضوع انه مطنشه يعني بيتعامل زي معاملة واحد مشغل اغاني او بيتكلم في التليفون او بيتكلم مع زميله مع طبعا اختلاف طبيعة العمل ده والاعمال التانية

وكن يا اخي العزيز اسمحلي يعني اسال هو الاسلام امرنا بان نقرا قران في المحاضرة وهي شغالة مهو انا مظنش خالص انه يعني كان بيقرا قبل المحاضرة

وبعدين يعني ممكن تقولي مفي ناس كتييييييييييير بقى بتعمل وبتعمل اقولك حضرتك الراجل ده راجل دين بيمثل الدين بصورة صريحة اما البقية فمهمش قدوة عشان نقول مدول كزا او كزا


يعني انا مثلا في هندسة منوف الالكترونية عاوز اقولكم كمان ان الكلية دي مركزة ومتعمرة بالاخوان المسلمين عندنا واحنا عندنا الولاد دول نشطاء اوي قالبين الكلية يعني لدرجة ان النص اللي فات ده عملو مظاهرة قام جابولهم مش اقل من خمس عربيات امن خاص او مركزي مش فاكر بالضبط و تقريبا 3 مدرعات كمان عشان يوقفو مظاهرة والعيال اختفو من ساعتها ومش عارفين

معلومة كمان احنا عندنا في المنوفية كليات كتير متفرقة على تلات مدن المجمع الاساسي في شبين وفي شوية كليات كده طب بيطري وتربية وتجارة في السادات غير اللي في شبين اما هندسة الكترونية هي الوحيدة اللي في منوف وعشان الاخوان تقريبا

ده ردي في جزئية الراجل بتاع قراية القران

اما باقي الكلام ع الناس فانا اوافقكم الراي في كل اللي قلتوه واللي حتقولوه