اول رسمة بالالوان المية من سنين + كيفية رسمها..

[dandan2000]

السلام عليكم اعضاء نادى الثانوية الكرام اهلا بيكو الرسمة لاحد اقرب الناس ليا دى بالالوان المية انا ماستعملتهاش من ساعت الابتدائى نبدا بالرسمة اى كانت اللى برتسمه ابتدى بالوش رسمته وبعديها الجسم وبعدين

الملامح واخر حاجة الشعر او الطرحة ثم الخلفية وبلاش والنبى تعملوا العلامتين زى المدرسين ما بيقولوا عشان تعملوا الوش دى غلط لان نصف الوجه الايمن غير نصف الوجه الايسر والرسمة مش حتكون طبيعية عاوزة كمان اقول يا ريت يبقى فيه مرونة وبلاش الاشكال الهندسية اللى بنعملها دى وش مربع ووش مثلث وناس تيجبلى برجل ترسم بيه ما ينفعش طبعا ويا ريت نبدا الرسم باخف قلم hB وبعدين 2B والباقى لو الرسمة من غيير تلوين



دى الالوان اللى استعملتها


اول ما لونتها كانت بوبع اول حاجة تبتدوا باللون الوش الاغمق خمرى بنى او وايت وبعدين تستخدموا الفاتح فى الخدين المناخير الانف يعنى وبعدين تجيبوا درجة اغمق من الوش الاولانى وتلونوا الفك عضمة الموجنتين والجفن الاعلى وجوانب الانف وتحاول تمزج الالوان بعدين تجيب لون ابيض مع لحسة من لو ن الجلد الفاتح المستخدم وتدمجوا وتلونوا اماكن سقوط الضوء عالى الوش والغمازات لو فيه يعنى وبس ونوصل زى ما بصورة


نيجى للعين لازم فرشة رفيعة على اد ماتقدروا ممكن تجيبوا فرشة وتقصوا شعرها وتنظموه بس ماتخلهاش شعرة يعنى
طبعا العين مش محتاجة اماكن الوميض الخطوط الغامقة فى العين واللون السائد والتحديد دى حاجات مش محتاجة شرح


وبعديها الطرحة والتلوينة الباقى والخلفية وكده تنتهى الصورة وطبعا لازم تسيب بصمتك ايون التوقيع طبعا :




ودى جزء من البهدلة والاالوان المية استعملو معاها بلتة بلاستيك لو فيه حد بيستعمل حاجة تانية ولا حاجة
وادعولى ارجوكم ربنا يرحم جدتى واقرولها الفاتحة

سلاااااااااااااااااااااااااااااااااااااااااااااام: 078111rg3: