وصايا لطلبة الجامعات

[* dr.sara*]

السلام عليكم ورحمة الله وبركاته
الحمد لله رب العالمين والصلاة والسلام على اشرف المرسلين
انا حبيت قبل ما اسيب المنتدى اترك فيه وصايا اوصيكم بها ونفسى اتمنى ان الوصايا دى دايما نفتكرها ونعتبرها نبراس نمشى عليه ويهدينا للصح
1- احنا عارفين يا جماعة ان الدراسة هتبدا فى وقت العشر الاواخر من رمضان يعنى ذروة العبادة مش عايزين الدراسة تخلينا نبعد عن العبادة ولا العبادة تبعدنا عن المذاكرة لازم تنظيم وقت كل واحد مننا يعمل جدول ينظم ما بين الدراسة والعبادة بمعنى مثلا منجمعش الصلوات ونصليها فىالبيت لا خير الاعمال الصلاة فى اول وقتها
ونصلى التراويح اوعوا يا جماعة تسيبوا التراويح هى مبتاخدش ساعة ونحاول تبقى فى الجامع كمان
ومننساش السنن ونجيب معانا مصحف فى المترو ونقرا بحيث نختم القران على اخر رمضان ان شاء الله
2- اجعل هدفك عالى مثلا دخلت كلية صيدلة خلى هدفك تجيب امتياز اوعى تقول عادى لو جبت جيد جدا لا لازم امتياز وتجتهد اوعى تتهاون فى الدراسة وكمان كل مرة جدد هدفك بمعنى اجيب امتياز و ابقى معيد (ة) و اعمل دكتوراة و اشتغل بره كده وهكذا
3- اجعل هدفك الاسلام يعنى ليه بجيب امتياز مش منظرة لاء عشان اكون قدوة متميزة للفتاة المسلمة او الشاب المسلم
تذكر انه من سلك طريقا يلتمس فيه علم سهل الله به طريقا الى الجنة كما قال الرسول ( صلى الله عليه وسلم )
قال الله تعالى ( انما يخشى الله من عباده العلماء ) وان ربنا رفع الذين اوتوا العلم درجات
لازم تكون نيتك خالصة لوجه الله تعالى
4- كن قدوة فى اخلاقك لا تسب لا تغتاب احدا من الدكاترة او الزملاء ساعد اصحابك ابتعد عن صديق السوء كون شلة متدينة تعينك على المذاكرة وطاعة ربنا
وتذكر ان ( الله فى عون العبد ما كان العبد فى عون اخيه ) لا تبخل بالمساعدة ابدااااااااااا
5-متدخلش فى اى اسرة او نشاط الا لو تاكدت انه مش هيعطلك عن المذاكرة لكن لو نشاط مفيد اشترك لان لازم تنوع ما بين الترفيه والمذاكرة
6- اياك والاختلاط فانه يجلب المعاصى والسيئات والذنوب لا قدر الله فلازم تجتنب الاختلاط وتكون شلتك خالية من الجنس الاخر ومتتكلمش مع الجنس الاخر الا للضرورة الشديدة
7-لا تؤجل عمل اليوم الى الغد تذاكر السكشن او المحاضرة اول ما تاخدها وتبيضها وتسمعها لنفسك وفى اخر الاسبوع راجع على اللى فات
اتمنى ان تكون النصائح دى افادتكوا
لا تنسونى من صالح دعائكم