قدرات لكلية الحاسبات و المعلومات !! متتخضوش ههههه ادخلوا بس !

[Analyzer.Mn3m55]

اولاااااااا انا بحب افضفض معاااااااااكم جدااااااااا و ده اللى بيخلينى اكتب اى حاجة تيجى على بالى هنا اهو نخرج الكبت بتعاناا !!

مين دخل مجال و كان نفسه فى حاجة تانيه !!

ابدأ بنفسى انا من صغرى و انا الصراحه نفسى فى الحاسبات حتى لو كان مجموعى جاب هندسة القاهره كنت هختار الحاسبات مش هفكر تفكير انى ادخل اعلى كلية جابها مجموعى مثلااااااا .. لكن محصلش نصيب و جبت 90 % دخلت تجارة و مش انجلش كمان ههههههههه فرقت على درجة و شوية فتافيت كده الحمد لله على كل شئ بقى
و الواحد لو اتكلم و اتكلم مش هيخلص

نيجى للمهم .....!!!!!!

انا كنت بفكر فى حاجة كده ليه مثلا اخد مستوى رفيع عربى و انا داخل تجارة او هندسه و ليه اخد رياضه و انا داخل اداب مثلا ..
انا اقترحت فكره ليه ميعملوش قدرات لكلية الحاسبات زى الفنون و السياحه و الفنادق كده
اعتقد البرمجه دى و انا اصلا بشتغلها من زمااان .. صعبه شوية و محتاجه واحد فاهم مش مجرد انه هيتعلمها و خلاص

يعنى انا مثلا ليا واحد زميلى مش عنده كمبيوتر و دخلها و بيقولى هى دى بيدرسوا فيها ايه !! طبعا هو انسان ممتاز جداا و مجتهد بس مكانه مش الكلية دى !!!

المفروض زى اقسام اللغات فى الكليات ليها شروط يكون جايب 40 من 50 فيما فوق فى مادة الانجليزى
لازم بردوا يكون الطالب عشان يدخل الحاسبات و الهندسات جايب 90 او فيما فوق من مجموع مجموع رياضه 1 , 2
و يكون واخد مستوى رفيع رياضه ..
و اللى عاوز شعبه انجليزى ياخد مستوى انجليزى

و قدرات الفنون تنزل كمستوى رفيع و اللى ينجح فيها ليه الحق يدخل كلية الفنون
و يقولوا علمى من 90 % لحد 100 % ادخلوا القدرات دى و اللى يستحق كلية هيدخلها بمجهوده وتفكيره و حبه للمجال .. انما على سبيل المثال صديق عزيز جداا اتخرج من طب و هو بيكره المجال ده و كان نفسه فى حقوق
اتمنى اكوووووووون وصلت الفكره اللى فى دمااااغى و ياريت الناس تقولى رأيها فيها