لازم نصلح التعليم الفاشل ده

[ahmed ali12345]

ازيكو يا جماعة
انتوا اكيد فهمتوا المقصود من الموضوع
ايووووووووووووة
التعليم فاشل ...فاشل .....فاشل
وكل لما يقولوا هنصلح التعليم يغيروا الغلاف بتاع الكتب ويحطوا رسمتين فى الكتاب
ااااااااادى اللى بيعملوه
بالعكس ده بيهبلوا مش بيصلحوا
....................المهم ..................
انا تبع الدفعة اللى رايحة 2 ث
وهما بيقولوا هيصلحوا التعليم بعدينا يعنى اللى رايحين 1 ث دلوقتى
وايه التصليح اللى هيعملوه .......موضوع السنه الواحدة
انا مش هقول نغير مناهج ولا نظام امتحانات ولا بطيخ
لان اصلا والله العظيم التعليم فى مصر هيفضل فاشل للابد
مهما عملوا هيفضل فاشل
واقولكوا مصر كمان عمرها ما هتتصلح ابدااااااااااا ابدااااااااااااا وادينا بقولهالكوا
المهم مش هندخل فى السياسة
ايه المطلوب بقى!!!!!!!!!!!!!!!!!!!!!!!
يا جماعة فيه شوية حاجات لازم نعملها فى الوقت ده علشان مستقبلنا ميضعش. فيه ناس بتتظلم فى التصحيح.وناس بتروح الامتحان مش بتلاقى مكان ليها وناس بيروح تعبها على الفاضى من الغش
سبق وذكرت ان مشكلات التعليم فى مصر كتيرة جداااااااااااااااااا واكيد كلكوا عارفينها يعنى
(يا رييت تقصر يا عم الحاج )
حاااااضر .بصوا بقى لازم نعمل المطالب دى والكل يشارك فيها وياريت حد يعملها جروب على الفيس بوك .انا مش بحبه بس تقريبا البلد بقت ماشية بالفيس بوك
وناس كتيرة تشترك فيه كتير اوى .....اوى ......اوى
ونوصل المطالب دى للوزير علشان بس يفوقوا شوية
مش هقول منع الغش والدروس الخصوصيه ولا الحاجات دى. هقول حاجات اعتقد معظمكم متفقين معايا فيها
( انجز فى السريع)
1- بقى نذاكر السنة كلها وبعدين نروح نمتحن فى 2 ولا 3 ساعات .فيه ناس بطيئة فى الكتابة وناس بتتوتر من الوقت فبيأثر عليهم وناس مش بتلحق تخلص. المفروض يذودوا الساعات شوية يعنى هما وراهم ايه. خلونا مطمنين واحنا بنحل مش قاعدين متوترين الساعة فى ايدنا والقلم فى الايد التانية.يعنى العربى مثلا كدة 4 او 5 ساعات . واللى عايز يطلع يطلع براحته .وبالنسبة للمدرسين.دول بيبقوال قاعيد رجل على رجل مش تعبانين فى حاجة .احنا ادينا بتبقى هتتكسر من الكتابة .مفيش راحة اصلا .
2- مش بقول يسهلوا الامتحانات ولا يصعبوها بس يحطوا حاجات يبقوا هما عارفين اجابتها.مثلا امتحان اللغة الانجليزية 3 ث المستشار كاتب اجابه فى نموذج الاجابه وبعد كدة قام مصححها .طيب افرد مكنش صححها كان العيال هيروحوا فى خبر كان. مش بتعرفوا تحطوا امتحانات بتحطوها ليييييييييييييييييه
المفروض الامتحانات تبقى 25% للطالب الضعيف.30% للمتوسط.25% فوق المتوسط.20% للممتاز (ده مجرد رأى خاص).ويبقى ده على كل الامتحانانات مش امتحان يبقى فى منتهى الصعوبة .وامتحان يبقى فى منتهى السهولة.لازم تتطبق فى جميع الامتحانات .
3-الغش يا جماعة والموبايلات اللى بتبقى مع العيال دى والورق اللى بيتسرب ده .نقول ايه بس
4- المصححين بيبقوا قاعدين يصححوا ولا كانهم بيدوك الدرجة من جيبهم .ده ايه ده امال الفلوس اللى بياخدوها دى ايه والله حرام عليهم كدة .عندنا والله ناس كتيير جدا بيتظلموا فى التصحيح .ودى كمان ثانوية يعنى تحديد مصير مش لعبه يعنى . ثم سمعت ان مفيش حاجة اسمها يصححوا من تانى هما يشوفولك الدرجات اللى جوة الورقة نفس اللى برة ولا لا.شوف الاستهبال
5- اهم حاجة بقى الكليات الخاصة دى. مش حرام والنبى .ايه هو يعنى واحد يذاكر طول السنه وممكن يتظلم .وواحد تانى حاطط رجل على رجل ويدخل اى كليه عاوزها بالفلوس .امال الدكاترة والمهندسين الفاشلين فى مجالهم دول بيبقوا جايين منين؟؟؟؟؟؟؟
6- المدارس اما يحكموها كويس واى مدرس ميشرحش بضمير يتعاقب بالفصل على طوووووول .اما انهم يخلونا نغيب بقى نروح نعمل ايه احنا؟؟؟؟؟؟؟؟؟
7-مفهوم ان المواد لازم اجابتك تبقى بالنص زى نموذج الاجابة دى. المفروض تتصلح طبعا.هو مش فى كل المواد بس المفروض يتصلح فى المواد اللى عايزة ان كل واحد يعبر عن اللى فهمه باسلوب علمى ولغوى صحيح.
يعنى مثلا ميكنش اعراب كلمه مبتدأ .وواحد كاتبها خبر (ليييييه؟ ) لانه شايفها كدة ههههههه. لا طبعا مقصدش كدة. واكيد انتوا فاهمين اللى اقصده .مش عايز اطول بس
8- المناهج (الحاليه ) فيها حاجات ملهاش اى 70 لزمة بندرسها كدة وخلاص احفظ والصق .طيب ميحشوها من علينا طيب .هى بواخة وخلاص؟؟؟؟؟؟؟؟
بصوا اللى هيجيب عيوب التعليم المصرى مش هيخلص .لانه مليان .
وانا والله عندى افكار تخلى التعليم فى مصر ملهش مثيل وهيكون فيه استجابه من الطلاب وحب للتعليم والبحث ومصر هتبقى عال العال .بس هتقول لمين وتعيد لمين بس
على العموم دى حاجات لازم نلحق ونحققها قبل مندخل 2 و3 ث والكلام ده موجه لدفعتى ودفعة 2 ث السنادى اللى هما بيمتحنوا السنادى. وبعد كدة عايزين يصلحوا .يبقى يصلحوا براحتهم وعلى الله يعرفوا يعملوا حاجة فى البلد الخربانه دى
عايز الكل يدخل والموضوع يكبر ....يكبر .......يكبر .......وبعدين
ييجوا يقبضوا علينا هع.زهع.هع
يلا سلااااااااااااااااااااااااااااااااااااااااااااااام

[zamalek1]

منتظرش اى تغيير او اصلاح فى التعليم غير لما يجى رئيس معين بحكومة معينة ببرنامج معين يمشى عليه اى عملية تغيير او اصلاح بجد فى التعليم بتاخد من 4الى 5 سنوات على الاقل عشان ينزل المنهج الجديد للمدرسين فى كلية التربية او الاداب عشان يدوا للطلبة

[Ahmed_Alex1]

هى جت عالتعليم
ما كله خربان فى مصر

[هالة محمد 2]

والله صح كلة خربان وناس كتير مستقبلها ضاع بسبب كدا
يعنى فى ناس تفضل تذاكر وناس تانى مش بتفتح كتاب وفى الاخر نلقى الى مش بيفتح كتاب بيجيب مجموع اكبر
احنا نتمنا انا التعليم يتصلح والواحد يطلع من الثانوى عارف كل حاجة وعارفة التخصص بتاعة هيكون اية

[THE CodeR]

ولا في الاحلام ....
صدقني يابني حلّ المشكلة دي ان الطلاب تلاقي شرح للمنهج احسن من المدارس و الدروس
ساعتها محدش هيجري ورا الدروس .. و ساعتها المدرسين هيشدوا حيلهم في المدارس عشان يعرفوا يدوا دروس .. و الله اعلم ممكن يحصل ايه تاني
كلامك ده صدقني مش هيفيد بحاجة ....اعمل حاجة !!