هو كدا ده التعين ياريت تفيدونى

[misdodo]

عايزة اعرف انا انهارده كنت فى شئون العاملين الهانم اللى اقعده بعد ماشافت الملف وجبتلها الطلبات اللى هتحضر بيها اقصد اللى هتعين بيها عملت ايه
ادتنى ورقه للتوجهيه وورقه تانيه كدا من كذا صورة منها واحده للتعينات والماهيات والحسابات والمدرسه قال ايه بتقول عليها اخطار تعين مكتوب فيه ايه
نرجو من سيادتكم تعين ...........................( اللى هى انا تقصد) المعين بوظيفه معلم حاسب الى
بمدرستكم بالدرجه تثبيت بقرار المديريه رقم 157 6/9/2011 بتاريخ 28/9/2011 على ان يقدم نفسه فى حوالى خمسه عشرة يوما ومالم يقدم نفسه فى خلال المده المذكورة فسوف تضطر الادارة الى اتخاذ الاجراء اللازم اتجاه المعين مع مراعاه صرف مرتبه على استمارة (132) حتى نهايه السنه الماليه 30/6 على حساب جارى مدينه طرف محافظة القاهرة ( وجزء كدا صغير بخصوص التجنيد ) مليش دعوة بيه

وبكدا ينتهى هذا الاخطار ولا فيه درجه ولا يحزنون وبتقول تثبيت مع انى مما امتحنوا كادر 1/4 ومكتوب القرار التعين من 6/9 وبتاريخ انهارده
بالله عليكم هل هذا هو التعين اللى قالوا عليه
وياترى اقرار القيام بالعمل هيكون بتاريخ 28/9 ولا بتاريخ 6/9 /2011
ياريت تفهمونى لان خلاص مبقتش فاهمه حاجه والله العظيم