فاكرة يااما؟(رانسى)

[محبة الله]

السلام عليكم
ازيكم يا بناويت ازيكم يا اولاد
عاملين اى فى الامتحانات
انا جايبة لكم شعر جديد عليا النظام بتاعو الصراحة
زى اشعار سيد حجاب والابنودى وكدا يعنى
ودى محاولة للتغير
لانى نويت اغير كل حاجة فحياتى
يعنى تقدروا تقولوا مش عارفة
يعنى غيرت استايل لبسى
لون شعرى وجارى تغيير اسمى
بخلص فورقو
واسمى الجديد رانسى
على الله يعجبكم
عشان كدا غيرت التوقيع





يمكن اكون نسيت ذكريات طفولتى
ويمكن كمان اكون مش عارفها
بس عمرى مانسيت يااما
ان انتى اول مخلوقة حبيتها
عمرك ما قلتيلى ابعد وسيبنى
ولا قلتيلى اشك انك حاببنى
ابدا مااحتجت وما لقيتك
فاكرة يااما؟ فاكرة يااما؟
يوم ماحبيت بنت وسابتنى؟
جريت على حضنك وضمتينى وضميتك
لسه سامعك وانتى بتقولى
هتاخد اللى احسن منها
وهتختار كويس زى ما انا ربيتك
ورحتى لبنت هادية وقولتيلها
ابنى اختارك وانا رضيتك
وكان اختيارك هوا الاختيار
وجت اللى حبتنى وسابتنى
تقوللك انا بنهار
قولتيلها دمع ضنايا ماهوش فضار
فاكرة يااما ؟
احكى عنو لابنى اللى على رجلك
قوليلو حبى لابوك
حب عمرو ما كان لو زى
اصل ابوك تربيتى
وانا احسنت الاختيار


R.M
18/1/208