فهموني.............

[Prayer]

1-دلوقتي لما بتنتقل الموجة من وسط لاخر الطول الموجي والسرعة بتتغير والتردد بيظل ثابت ...........متفقين
طيب في اهتزاز الأوتار عايزة اعرف النغمة اللي بنسمعها دي بتكون
عبارة عن الصوت في الوتر المعدني والا الصوت في الهوا ؟
يعني لما يقولي سرعة الموجة المستعرضة في الوتر كذا وطولها الموجي كذا اعتبر ان سرعة النغمة وطولها الموجي نفس المعطيات دي والا لأ؟
2-الطول الموجي للموجة المستعرضة هي المسافة بين قمتين متتاليتين أو قاعين متتاليين ok
طيب لو كان عندي موجة واحدة يعني بتتكون من قمة واحدة وقاع واحد ازاي ممكن أحدد طولها الموجي وازاي يكون تعريف الطول الموجي لها نفس التعريف السابق ؟
3-تعريف التردد هو عدد الاهتزازات الكاملة التي يصنعها الجسم في الثانية الواحدة ...أو عدد الموجات
ازاي أوفق بين ان التردد عدد الاهتزازات والتردد هو عدد الموجات يعني
مش هو لو انا عندي عشر موجات في الثانية دي هيبئوا هم نفس العشرموجات بعد عشر ساعات امال والا هو كل ثانية هيزيد او هيقل عدد الموجات بمعدل معين يبئا هو ده تعريف التردد والا التردد هو عدد الاهتزازات اللي بتعملها كل موجة في الثانية الواحدة
4-انا فاهمة الزمن الدوري في البندول لكن في الموجات المستعرضة مثلا كل موجة هتطلع وتنزل مرتين عشان تبئا عدت علي كل نقطة مرتين ويعني ايه الطول الموجي هو المسافة التي تقطعها الموجة في زمن دوري واحد يعني هو مش لازم تعدي علي كل نقطة في الموجة مرتين
اسفة للاطالة لكن بجد محتاجة مساعدتكم

[مرام احمد]

1/ الصوت اللي بنسمعه بيبقي ناتج عن اهتزاز الوتر واهتزاز الهواء حول الوتر واهتزاز الهواء داخل التجويف الخشبي لو كانت آلة موسيقية زي العود مثلا بس في المسألة هو يقصد سرعة الموجة في الوتر بس للتبسيط يعني بدل ما نجيب سرعة الموجة في كل ده
2/الطول الموجي هيبقي ضعف المسافة بين قمة وقاع متتاليين
3/اولا الاهتزازات = الموجات تمام ثانيا الجسم بيعمل 10 موجات كل ثانية بمعدل ثابت طالما السرعة والطول الموجي ثابت يعني بعد 100 سنة هتلاقيه بردو بيعمل 10 موجات كل ثانية
4/الزمن الدوري هو زمن حدوث اهتزازة كاملة وليكن مثلا 5 ثواني يعني كل 5 ثواني بتتعمل اهتزازة كاملة الاهتزازة الكاملة دي بتتحرك مسافة = الطول الموجي يعني كل ما يعدي وقت 5 ثواني (الزمن الدوري ) الموجة بتتحرك مسافة طول موجي
والله اعلم

[●Cяαzy Giяl●]

اجابتي نفس اجابه مرام احمد

وعندي توضيح فقط للنقطه رقم 4

دلوقتي لما بنيجي نحسب الزمن الدوري في الموجه المستعرضه

بتعدي 4 ازاحات علشان تحدديه

ولو جيتي تحسبي الطول الموجي لموجه مستعرضه برده هتلاقيها 4 ازاحات

فبالتالي المسافه من اول الازاحه الاولى لحد اخر الازاحه الرابعه هو ده الطول الموجي

وفي نفس الوقت الزمن الدوري

والله اعلم برده ^^"