هل ايقنتم ان استفتاء 19 مارس كان خطأ كبير؟!

[محمد.فوكس]

سلام عليكم...
برغم اننا للاسف مش بنحب نعترف بخطأنا عشان ده ممكن يهز صورتنا.
انما عايز اسأل سؤال...
لساننا دلدل و قلنا الدستور اولا .. قالولنا التفاف على ارادة الشعب.
عملنا استفتاء و اعلان دستور بمواد لم يستفتى عليها و كان ساعتها لسه شهر العسل مع المجلس العسكري.
دلوقتي و احنا داخلين على برلمان غير محددة صلاحياته.
و التصريحات الاخيرة اللتي ولدت احتقان بين التيار الديني و المجلس العسكري بخصوص تشكيل اللجنة التأسيسية.
بالذمة و الدين .. لو كنا مشينا زي بقيت خلق الله و زي ما كل اساتذة القانون الدستوري بيقولوه و هو ان الثورة لازم دستور جديد و مينفعش الفرع ينتخب الاصل و الفرع هو البرلمان و الاصل هو الدستور.
بالذمة مش كنا خلصنا نفسنا من وجع الدماغ و الحيص بيص اللي احنا فيه ده؟
لما المجلس العسكري بيقول هيعين 40% ة له حق الاعتراض طب ما كنت عملت من الاول و خلصنا.
انا حبيت بس الفت النظر للموضوع ده لان في ناس ياما نبحت في صوتها و محدش سمعها و افتكروها بتقول كده عشان خايفة من التيار الديني.
و برغم كده انا بطالب الاخوان بالتمسك بحقهم رغم ان العملية كلها غلط في غلط.
لان الغلطة غلطة المجلس العسكري و الاخوان كان طبيعي يختارو الطريق اللي في مصلحتهم و الحق مش عليهم.
سلام عليكم...