على باب سفاره كندا لمحت ابليس

[عاشق البلانكو الابيض]

على باب سفاره كندا لمحت ابليس






على باب سفاره كندا لمحت ابليس وفى ايده استماره


قلتله ايه على فين؟ قالى: بص ياهجره يااعاره انا كفرت الاقيش معاك سيجاره


يااراجل دانا خلاص لا بقيت وسواس ولا خناث ولا ليا عيش وسط الناس


خلاص بقالى سنين عاطل وانتو بتعرفو تقلبو الحق باطل وتقتلو القتيل وتسلكو القاتل ومفيش مشاكل


خلاص انا مسافر مهاجر ياراجل دانا بقيت اوسوس بالمقلوب بقيت اقول للحرامى ايييييه انت مش هتوب !


يعنى تعمل كل الذنوب لوحدك وانا ابليس اشتغل ايه ,واعظ ولا كمسرى فى اوتوبيس


زمان كنت استنى واحد بينسى يسمى وهو بياكل لقمته


دلوقتى بصراحه كل اكلكم ملوث والواحد بيخاف على صحته
ده مفيش ضمير اساسا علشان اموته


ياراجل ده كتر ما لطشت معايا مشيت مع الناس اللى بتقول كفايه
وبرضه مفيش فايده