انا بجد نفسيتى تحت الصفر....ياريت تساعدونى

[شموخ مسلمة]

السلام عليكم و رحمة الله و بركاته

بصو يا جماعة انا بجد مش عارفة اكتب ايه بس انا بجد مدمرة نفسيا ..............مش عارفة الناس مالها يمكن انا الغلط فيا بس بجد انا تقريبا دلوقتى بقيت خايفة من الناس خايفة اتعامل معاهم دايما مش بيراعو شعورى دايما بيبقو قاسيين دايما بيجرحو ..........مش عارفة هما اللى وحشين و لا انا اللى وحشة

المشكلة الكبيرة انى مش بعاملهم بمعاملتهم لانهم بيصعبو عليا ........مش عارفة ازاى بيصعبو عليا بس مش بقدر اعمل فيهم اللى هما عملوه فيا و لو فكرت انى اعمله بقعد اعيط و مش بعمله

بنات كتييييير جداااااااااااااااا كل ما اتعامل معاهم اكتشف بعد كده انهم بيخونونى و ارجع اقول مش كله زى بعض بس برده بتصدم تانى و تالت و رابع ............و كل مرة اقول مش هتعامل مع حد كفاية اانا بنسلم ع بعض من بعيد لبعيد من غير ما اقرب من حد عشان مش اتجرح .........بس برده بخاف اظلم حد يعنى بخاف تكون فى واحدة فعلا عايزة تبقى صديقة ليا بجد و انا ابعد عنها .........

صديقتى الانتيم هى متدينة جدااااااااااا بس لما بيبقى عندى مشكلة مش بلاقيها جنبى .........فى افعال برده بتنرفزنى جدااااااااااااا و بتزعلنى جداااا جدااااااااا و قبل كده قعدنا شهر كامل مافيش كلام بينا غير السلام عليكم و بس عشان موقف و برده لازم بتكرره فكرت اسيبها بس خايفة اظلمها و صراحة مش عايزة اسيب واحدة متدينة لان انا عارفة ان صعب انى الاقى زيها

مش عارفة بس بحس ان مافيش حد قادر يفهمنى مش هقول يفهم تفكيرى بس يفهم مشاعرى يفهم اللى بيضايقنى مش يعمله انا عارفة ان مافيش حد كامل بس مش للدرجة

بصو انا يمكن مش قادرة اوضح لكم انا حاسة بايه او ايه المشكلة بالضبط بس انا هسالكم سؤال و جاوبونى عليه

انا بخاف انعزل عن الناس عشان مش اسبب ضرر نفسى لحد عشان مش اخد ذنبهم

سؤالى بقى انا بجد دلوقتى تعبت نفسيا من الناس اللى حواليا بجد عايزة اخد هدنة مش اكلم حد مش اسمع حد خاصة اللى حواليا بس صعبانين عليا

اعمل ايه