تصــــــــدقوا انـــــــــا بــــــــدأت أتخنق :*:*

[doha94]

فعلا زى العنوان كده انا اول مره اتخنق طول عمرى متفائله وليا مواضيع هنا بحمس الناس فيها وبحمس نفسى انا كمااااااااان
المشكله انى بدات اتخنق انا بقالى اسبوعين مطحونه ده الكلمه دى قليله كمان بقالى اسبوعين بطبق
ومن امتحان جيولوجيا لفلسفه لعربى وعلى كميات كبيره
انا دلوقتى مخنوقه لانى اتخانقت مع بابا هو مضايقش فى حاجه هيضايق ليه يعنى بس هو ضايقنى بكلامه
اصلا سبب الخناقه انى كنت عاوزه انزل اتمشى مع صحباتى شويه وهو مرضيش ينزلنى رغم ان انا كنت مخنوقه شويه قعد بقى يقولى الامتحانات فاضل عليها شهرين وشكلك هتضيعى السنه دى ومش هتجيبى مجموع اعلى من السنه اللى فاتت مع ان مجموعى مش قليل يعنى 92% ادبى قعد بقى يتخانق معايا وكده

وكمان اللى استفزنى اكتر النهارده صاحبتى عندنا مستوى رفيع فلسفه وهو كتير شويه فهى خارجه مضايقه منه فا بقلها فكى بقى يا ..... كده كده هنذاكرها وهنحفظها ومش أزمه يعنى
قامت رضت عليا تقولى انا مش بهيمه بحفظ وخلاص زيك انا لازم افهم علشان اعرف اذاكر
وانا واقفه كنت عاوزه اولع فيها بس هى كانت متنرفزه وهى لما بتتنرفز مبتشوفش قدامها

وهى عارفه انى بفهم عنها بكتييير دى كانت تفضل تقولى انا مليش فى الفهم انا بحفظ بس
وهى عارفه انى بواجه مشكله فى الفلسفه علشان بفهمها وبعدين احفظها ... فا ممكن كلمه تقع منى عادى يعنى ما هو مش لازم نكتب صم يعنى بس هى بتتحفظ الكلام صم ده لو ضهر الملزمه عليه كلام كانت حفظته وجايه دلوقتى تقول يا فهم وتتريق

هى فاكره ان هى مفيش زيها ومع العلم هى زيى برده ادبى بس جايه 93,5
بس انا بجد اتخنقت معلش بقى بوجع دماغكوا معايا