**ميلودى تتحدى الملل ام الحشمه والحياء ؟؟!!!**

[The Tornado]

ميـــــــــــــــــلودى تتحدى الملل

عنوان يلفت انتباه اى حد ويشده انه يتفرج ويشوف ايه اللى ورا الجمله دى للاسف هيلاقى اعلانات هابطه ورخيصه

دعايات هابطه وكلمات منحطه كل ده تحت عنوان ميلودى تتحدى الملل

تتحدى الملل عشان تعرض البنت ..... انا بصراحه مش عارفه اقول عنها ايه مفيش كلمه توصف مدى قذارتها وكل ده بردو تحت عنوان ميلودى تتحدى الملل

بتهيألى انها مش بتتحدى الملل دى بتتحدى الحياء والحشمه وبتتحدى اخلاقيات مجتمعنا وعادتنا وتقاليدنا والاهم من كل ده انها بتتحدى ديننا


ومن اعلانتها المستفزة بردو لما تسمع واحد بيقول ( شاكيرااا شاكيرااا ) المصيبه فى البنت اللى ماسكه ........ وبترقص بيه !!!!!!! طب ازاى جاتلها الجرأه انها تعمل كده ؟؟؟؟ بجد انا ببقى فى قمه الذهوول لما بشوفها وده بردو تحت عنوان ميلودى تتحدى الملل

وبردو الاعلان اللى بيقول ان من شده تحدى القناه للملل حصل فتور فى العلاقه الزوجيه وياسلام بقى على البنت ال ..... لما تروح لزوجها وتقوله ( بوس الواوا )وطبها زوجها مش مركز اسااسا وبيقولها ( حطى يود ) !!!!!!!!!!!!!!!!!!!!!!! وكل ده تحت عنوان ميلودى تتحدى الملل

وكمان فى الاعلان بتاع (دانا) من كتر التخلف ملقوش غير المتخلفه دى عشان يجيبوها لا وال ايه ( انا دانا انا دندن فتح عينك تاكل ملبن ) !!!!!!!!!!!!! ومازال كل ده تحت عنوان ميلودى تتحدى الملل



فى النهايه انا عايزة اقول لو كان ده جيلنا فمليوووووووووووون اسف على الاجيال اللى جايه

ولما بسمع حديث الرسول عليه افضل الصلاه والسلام بان كل واحد منا باجر شهيده بستغرب !!!

لكن بجد فى ظل كل الظروف دى اللى بيقدر يحافظ على دينه فهو من الصالحين المقربين واكيد طبعا جزائه عند ربه كبير جدا

لكن دول اللى خرجو عن الدين وعن الحياء فجزائهم جهنم وبئس المصير

( اذا القوآ فيها سمعوا لها شهيقا وهى تفور تكاد تميّز من الغيظ كلما القى فيها فوج سألهم خزنتها الم يأتكم نذير قالو بلى قدجآئنا نذيرٌ فكذبنا وقلنا ما نزل الله من شئ ان انتم الا فى ضلال كبير)

وشكرا