رسالة من مقاتل بجيش مصر

[الزملاوى]

رسالة من مقاتل بجيش مصر
بواسطة: مقاتل بجيش مصر
بتاريخ: الإثنين، 7 مايو 2012 - 18:33
انا ضابط مصري عاشق تراب هذا البلد وهذا الشعب الى كل من يهاجم الجيش وينتقده ويقول عسكر..... اللي بيقولوا العسكر ديكتاتوريين ...العسكريين دول أكتر ناس بيسمعوا حتى للجندي المستجد لبعض بس بأحترام وبأدب بدون تطاول وبتسلسل مش غوغاء
-اللي بيقولوا العسكر مابيفهموش ف الحياة المدنية ...العسكريين نجحوا كتير في مناصب مدنية وللاسف اللي فشل كان بسبب عدم حب معظم المدنيين للانضباط وأي حد يكلمهم ع الأنضباط يقولوا عليه غبي أو معقد وعندنا احمد شفيق والسادات وعبد السلام محجوب
-اللي بيقولواالعسكر بياخدوا فلوس ومزايا . كبر رتبة ف الجيش قضى طول عمره ف الجبل وبيغيب عن عيالة بالشهور مابياخدش ربع اللي بياخده مدير بنك او شركة قطاع عام او مدير جامعة قاعد طول حياته في التكييف او حتى قرينه في الرتبة في أي دولة أقل من مصر.... وعلى فكرة نص شعب مصر بيشاركنا ف مستشفياتنا ونوادينا وحتى مجمعاتنا الاستهلاكية وعلى قلبنا زي العسل ...وكلمة حق والله العظيم والله العظيم لوجه الله ..مرة أحد الضباط من سنتين انتقد هذا الموضوع في لقاء للمشير والمشير عنفه وقاله ( ده من خير البلد ..والشعب ده بيدينا من قوته ولازم نردله الجميل ) وحياة أولادي هذا حصل.
-اللي بيقولوا العسكر ماحموش الثورة ....يرجع بذاكرته ويفتكر لما الجيش نزل وكنتم بتسألوا بقلق هو الجيش ممكن يضرب وكنا بنرد ونطمن قلوبكم ونقول أحنا عمرنا مانضرب اخواتنا ...اللي بمجرد مامبارك تنحى وفرحوا بقوا يقولوا العسكر العسكر
-اللي بيقولوا العسكر مش عارفين يديروا البلد ...احنا اللي شعب مش عايز يبص لبكرة ...دايما باصص وراه..دايما عايز اي زيطة تعدي الوقت ومايشتغلش ...دا طبعنا حتى من صغرنا واحنا في المدارس نبقى عايزين أي حاجه تحصل المهم مانروحش المدرسة حلوة بأه أو وحشة مش مهم ..لاعمر التوانسة قالوا هاتولنا زين العابدين اللي بيستجم ف السعودية ..ولا اليمنيين حتى بعد مالجيش عمل اللي عمله قلوا نعدم علي صالح ...ولا حتى الليبيين قالوا مش هانشتغل لحد مانحاكم ولاد القذافي ..احنا اللي عايزين نقف نتفرج ومانشتغلش
-اللي أساسا بيقولوا عسكر مايعرفوش المعني الحقيقي لكلمة عسكر ...وكان يتمنى يدخل أي كلية عسكرية او شرطة بس فشل..انا اسف اني بأقول كده لكن احنا عمرنا ماقللنا من أي فئه عندنا الدكتور له كل الاحترام والتقدير زيه زي أي مهنة شريفة حتى لو (....) وده اللي المجلس حاول يتعامل بيه مع اللي مسميين نفسهم ثوار لكن للاسف ماينفعش.
- احنا بنتشتم وبنسفز من السادة الثوار والمعتصمينمن والمطالب الفئوية و..و...من يوم 1 مارس 2011لحد النهارده ليه مش عارفين ومش عارفين نرضي الناس ازاي كله عايز عايز عايز ...مافيش حد قال انا هاعمل حاجه لمصر... أخيرا إحنا بنحب البلد دي وعارفين اننا هانموت في يوم ما عشان البلد دي...ومهما عملتوا فينا هانصبر ,بس ساعتها ماتتهموناش بالتخاذل واننا حنينيين. والله العظيم كل شعوب العالم بتشكر في موقف الجيش المصري الا المصريين انفسهم .
الى كل من يتفق معي ارجوك أنشرها وكل الأحترام لمن يخالفني الرأي وأرحب بالرد المحترم المهذب

[أحمد علي]

85 مليون تحية لجيش مصر العظيم خير أجناد الأرض

[التوفيق]

تحية لجيش مصر العظيم وتحية لكل الشرفاء .. تحيا مصر .

[walid.safia]

85 مليون تحية لجيش مصر العظيم خير أجناد الأرض

[mutasimsadaka]

ربنا يعينكم علي حماية مصر و85 مليون تحية لجيش مصر العظيم

[ayman24279]

هل تعلم

بان احمد شفيق قام ببيع طائرات مصر للطيران

وعمل عقد استئجار طائرات تنتهي مدته بعد عشر سنوات

حيث حينها لا تمتلك مصر طائرة واحدة