ياترى ربنا بيحبك؟!

[*تائبة فى رحاب الله*]

السلام عليكم ورحمة الله وبركاته
:
:
~~
ياترى ياجماعة حد فينا سأل نفسه قبل كدة ياترى ربنا بيحبنى ولا لأ؟؟
طب أنا عملت ايه يخليه يحبنى....!!
طب سؤال تانى هوأنت أصلا بتحب ربنا؟؟؟

ايه الكلام اللى انتى بتقوليه ده...طبعا بحبه ،،ايه الدليل ؟ياترى عملت حاجة دليل على حبك لربنا
ولا انت عمال ترتكب معاصى وبتدعى حب ربنا!!
:
دعوة صريحة مع النفس الامارة بالسوء(الا من رحم ربِّى)...انت تعرف هو احنا لنا لزمة من غير حب ربنا وطبعا انه لاسمى حب...الحب الالهى
اوعى تكون من اللى بيرتكبوا المعاصى وبيدعوا حب ربنا ،،،طبعا دة مينفعش لأنَّ حب الله للعبد لايأتى من راحة ،،لو إنت بتطيع ربنا ورسوله يبقى دليل حبك لربنا وهو الطريق للوصول الى حب الله لك

ربنا سبحانه وتعالى يقول فى محكم التنزيل{ قُلْ إِنْ كُنْتُمْ تُحِبُّونَ اللهَ فَاتّبِعُونِى يُحْبِبْكُمْ اللهُ ويَغْفِرْ لَكُمْ ذُنُوبَكُمْ وَ اللهُ غَفُورٌ رَحِيمْ*قُلْ أطِيعُوا اللهَ والرَّسُولَ فإِنْ تَوَلَّوا فَإِنَّ اللهَ لَايُحِبُّ الْكـَافِرينْ}_آل عمران_
ربنا سبحانه وتعالى وجب طاعة الرسول للوصول لمحبة الله وطاعة الرسول من طاعة الله

وإنى لاتذكر كلام جميل لاحد الشعراء مستنكرا ادعاء العبد حب الله وهو يعصيه

تَعْصى الاله وأنت تظهر حبّهُ هذا لَعَمْرِى فى القياس بديع
لَوْ كان حُبَّك صادِقاً لأطعتَهُ إنَّ المحِب ّ لِمَن يُحبُّ مُطِيع

فعلا لو أنك تحب الله ماعصيته،،ياسلام لو ربنا يحب العبد تبقى الدنيا دى ولا لها اى لازمة حب ربنا اللى المفروض كل مسلم يسعى له...,,لوربنا فعلا بيحبك فأنت غنى عن السؤال فهو مدبر امورك ومسير حياتك
لأنَّ اللهَ إذا أحبَّ عبداً صار بصرُه الذى يبصر به وسمعه الذى يسمع به
اسمع حديث المصطفى خير البرية_جمعاء صلوات الله وتسليمه عليه_قال{إِذَا أَحَبّ اللهُ عَبْداً حَماهُ الدُّنْيَا كَما يَظَل ُّ أحَدُكُمْ يَحْمِى سَقِيمَهُ المَاء}
يعنى ربنا بيحمى الانسان دة من فتنة الدنيا وزخارفها كما يحمى اهل المريض ِالمريضَ من شرب الماء اذا كان مضرا به
ومش دة بس،، حب ربنا منه حب الناس مين بقة دول اهل الارض واهل السماء كمان
ربنا سبحانه وتعالى يقول فى حديثه القدسية {أنَّ اللهَ إذا أحبَّ عَبْداً،دعا جبريل إنِّى أُحبُّ فُلانا فأحبه،قال :فيحبه جبريل،ثمَّ يُنادِى فِى السَّماءِ فيقول إنَّ اللهَ يحبُّ فلاناً فأحِبوه ،فيحبه أهل السماء،،ثم يوضع له القُبُول فى أهل الارض....................}
يااااه كل ده بحب ربنا لعبده والعبد عنده استطاعة للوصول ولكن واخجلاه من انسان لايستحى معصية الله
جربت ترفع ايدك للسماء وتنادى ياالله ،ياالله ،إنى احبك وحاشانى ان اعصيك،،جرب تقولها باعلى صوتك بس صوتك دة يكون من قلبك انت كانه شعاع يطلع من قلبك للسماء ياه لو الشعاع دة يفضل دايما منور وواصل بين القلب وربنا،،أظن كدة هنعوز الدنيا فى ايه؟؟!
::
اللهـم ارزقنى حبك وجب من يحبك وحب كل عمل يقربنا الى حبك
يارب العالمين
وصلى اللهم على حبيبه المصطفى شفيعنا يوم القيامة عليه افضل الصلوآت واتم التسليم

اختكم/
*تائبة فى رحاب الله*