عروسة لصديقى [ 5 ]

[عادل حسان سليمان]

عروسة لصديقى [ 5 ]
*********************
[ 5 ]
*******************
صاحبى جالى وقاللى بكره هاخطب .........ما تنسانيش
لقيت عروسة مودرن ...................وآيه يا ابنى ماتقوليش
على آخر موضة ماشية ........وجمال زيه يا ابنى ما فيش
روحت معاه وشوفتها صراحة ..........شكلها ...ما عجبنيش
*****************
صحيح زوجة حلوة لكن فكرها معاه ................ما يمشيش
قعدت معانا وبصراحة قالت كلام ..................ما عجبنيش
قال آيه بتمتحنه مين ملك البوب ........ومين بطل الشيش
ومين هو أحسن مطرب حاليآ .........ومين فنه راح يعيش
ومين أجمل لاعب كورة فى الملاعب زيه .........ما تلاقيش
******************
قال وعايزه شرايط لكل المطربين ............وابدآ ما يخليش
تذكرة حفلة ...........الا ويشتريها
وفى أغلى نادى يشترك ويوديها
وعايزه عربية أحسن موديل ليها
صاحبى ضحك .......وبص لأبوها
ووقف وقال يا طنط دعوتى انسيها
لاهاتجوز ولا الدنيا عايز أفرح بيها
وطلباتك وأحلامك ...لغيرى خليها
لا باحب البوب والغنا ماليش فيها
ولانجوم الكورة حتى أعرف أساميها
يارب قنبلة تاخد عيلتك وأفرح فيها
*****************************************
والى القصيدة الزجلية السادسة من ....عروسة لصديقى