جبت 93 علمى رياضة .. ايه الجامعات الخاصة اللى ممكن ادخلها

[samehpc2]

مجموعى 92.8 بالظبط وطبعا مش هالحق هندسة واحتمال مالحقش حاسبات ومعلومات ..

عايز ادخل هندسة خاص ومحتار ادخل ايه بالظبط

ياريت تقولولى ايه احسن جامعات خاصة معتمدة وتعليمها محترم وبتأسس صح ..

فى ناس بتقولى اكاديمية الشروق كويسة وناس بتقولى معهد تكنولوجيا الطيران احسن وناس تقولى ادخل جامعة خاصة احسن من كل ده .. ياريت لو حد مجرب جامعة خاصة يقولى ادخل ايه بالظبط بشرط ان يكون مصاريف الجامعة مايزدش عن 20000 جنيه ..


مستنى ردكم

[المشتاقة لرضا الله]

بص انا دخلت جامعة مش معهد انا دخلت جامعة سيناء بس انا قدمت الاول فى mti عمتا انا لما سالت قالولى الاتنين كويسين بس مصاريف mti 24 الف و400 استيرلينى يعنى 4000 مصرى و1200 تدريب صيفى و1200 كتب ترمين وطلب ب350

جامعة سياء 23 الف و850 ترمين و1000 تامين معامل و1000 رسوم ادارية والطلب 200 دا كل الى اعرفو يارب اكون افدتك

[الاميرة المرحة]

ادخل معهد تكنولجيا الطيران احسن
وعلى العموم هو احسن اجامعات من وجهة نظر جامعة6 اكتوبر ومصر للعلوم والتكنولجيا
وكمان هتلقى اغلب الجامعات الخاصة اكتفت دلوقتى

[tsopel]

6اكتوبر و مصر للعلوم و التكنولوجيا و mti باردو كويسة كلة ماشى بس المعاهد مرشحهاش بصراحة

[Highlevelmath2]

كل الجامعات الخاصة اكتفت. عليك بالشروق. انا رايحها و جايب 92.1%