زيادة الاعباء الوظيفية

[طه توكل]

انا معلم اول أ المفروض اخد 315 دة اللى احنا عرفناه اليوم قبضت 279 وشفت فى الاستماره 10فى الميه اجور متغيرة و10 فى الميه كسب عمل وجنية دمغه اصبح الخصم منى كله 71 جنيه دة كلام ولا فيه خلاف ذالك والخصم كذالك فى باقى الفئات طبعا دة كله ادارة نبروه دقهلية عايز ردود حضراتكم وكل واحد قبض كام ده صح ولا غلط

[ام رمزى]

احنا ادارة المعادى قبضنا 312 من اصل 350

[ezmosa]

أنا معلم اول أ لغة عربية والزيادة اللي حصلت عليها 312.5 فقط يعني تم خصم (37.5)

[eid ahmed 1]

كلامك مضبوط انا معلم اول ـأ وقد استلمت 290.90 فقط وده بيرجع للاساسي فمعي معلم اول ـأ استلم 307.40 لا اساسيه اعلي وكلها حكايه المهم في الشروط هو ده الخطر

[عصام رزق]

علييييييييييييي بركة الله

[zizo-20099]

انا معلم اول أ المفروض اخد 315 دة اللى احنا عرفناه اليوم قبضت 279 وشفت فى الاستماره 10فى الميه اجور متغيرة و10 فى الميه كسب عمل وجنية دمغه
فعلا هو دة الخصم اللى عندنا ايضا فى ادارة ابوالنمرس حوالى 22% خصم
ال350 صففوا على 273 جنية
ياريت ياجماعة اللى دليل او برهان او مستند بقيمة الخصم يلحقنى بيه

[طه توكل]

يا ريت الكل يشارك

[فارس99]

اولا الزياده ليس لها علاقه باساسى المرتب فهى محدده بالقيمه وليس بالنسبه المئوية من المرتب بمعنى ان معلم اول أ المبلغ المحدد له 350 جنيه ولكن الفرق فى الصرف بين الادارات المختلفه هى طريقة الخصم بالنسبه للمعاشات والضرائب فأنا على سبيل المثال فى شرق المحله صرفت 320.50 من اصل 350 جنيه

[السيدالقناياتي]

المعلم الاول أ اللي وصل اساسية 555 لا يخصم منة الا 2 جنية فقط
انا اتخصم مني 2 جنية بس

[shdod]

المشاركة الأصلية كتبت بواسطة السيدالقناياتي

المعلم الاول أ اللي وصل اساسية 555 لا يخصم منة الا 2 جنية فقط
انا اتخصم مني 2 جنية بس

ياريت لو عند حضرتك نشرة بهذا الكلام ترفعها مشكورا على الموقع لانى معلم خبير واساسى 842 وتم خصم 10% + دمغة

[السيدالقناياتي]

مفيش نشرة دا المفروض الاساسي اللي وصل 550 مش 555 لا يخصم 10% والله انا اتخصم مني 2 ج فقط

[shdod]

المشاركة الأصلية كتبت بواسطة السيدالقناياتي

مفيش نشرة دا المفروض الاساسي اللي وصل 550 مش 555 لا يخصم 10% والله انا اتخصم مني 2 ج فقط

شكرا لاهتمام حضرتك بالرد لكن للاسف الماهيات لا تعترف بهذا الكلام وتطالبنا بنشرة رسمية

[محمود خليفة17]

انا معلم اول تعيين 2004 بس مشفتش التفاصيل بتاع المرتب ياريت كل واحد منكم يقول المرتب كامل كام عشان انا عندي احساس اننا كلنا مختلفين عن بعض

[علي العلي]

إدارة السنبلاوين ( معلم أول أ ) قبضنا 287.5

[جبريل ملاك صادق]

عندما يستكمل الـ " معلم أول أ " الحد الأقصى للأجور المتغيرة لن يخصم من الأعباء غير الدمغة
" مبلغ 2.5 لاغير
وسيتقاضى 347.5 وهذا ما حدث معى شخصياً .
جزاكم الله خيراً