النقابة تتظاهر السبت

[ياسر ابراهيم التومي]

أعلن د. أحمد الحلواني نقيب المعلمين عن تنظيم النقابة بمجلسها والنقابات الفرعية البالغ عددها 53 نقابة لوقفة احتجاجية رمزية أمام مجلس الوزراء في تمام الحادية عشرة من صباح السبت القادم.



وأكد ان هذه الوقفة تأتي ردًّا على مماطلة وزارة المالية ومجلس الوزراء في اعتماد قانون كادر المعلمين بتعديلاته الجديدة، مشيرًا إلى وجود حالة من الغضب بين المعلمين.



وأشار إلى أن هذه الوقفة تمثل بداية، وأن هناك وسائل احتجاجية أخرى إذا لم يعتمد الكادر، مؤكدًا أن النقابة ستعطي رئاسة الوزراء مهلة أخيرة حتى الأربعاء القادم موعد انعقاد اجتماع مجلس الوزراء.



ونفى الحلواني صحة ما ردَّده بعض المعلمين من أن هناك مشروعين للكادر أحدهما خاص بالحرية والعدالة والآخر خاص بالوزارة، مؤكدًا أن الاثنين مشروع واحد، وأن الفرق الوحيد هو في جدول الأجور فقط؛ حيث طالبنا في مشروعنا بأن يكون كادر المعلم مثل كادر هيئة التدريس بالجامعة.



وأضاف: أريد أن أقول للمسئولين في الدولة إننا كمعلمين مستعدون أن نصبر، ولكن بشرط أن يصبر الشعب كله بجميع فئاته، وأن تلغى جميع الكوادر الموجودة في الدولة لنتساوى ونصبر جميعًا، فليس من العدل أن يكون هناك كادر للشرطة وللمالية وللجامعات؛ فمن المفترض أن ثورة 25 يناير قامت من أجل العدالة الاجتماعية.

[العبد الفقير الى الله]

دى خطــــــــــة قديمة وبايخة
عشان مرسى ورجالته تتدخل لحل المشكلة المصطنعــــــة
وبكده يزغرط المعلمون بـالـ50% العبيطة ويبقوا ضحكم علينا
يقوم الحلـــــــــوانى وأنصاره وبعض المعلمين الطيبين يقولوا
عاش مرسى نصير المعلمين # # # عــاش الرئيس البطل
وبالهنا والشفا
بطل ضحك على غقول المعلمين ... من يومين كنت بتتكلم بلسان الحكومة
اية اللى غيرك؟؟
لما لقيت مفيش فايدة والاضراب قادم قادم
جيت فى صف القوى
ولعبتكم مكشوفة قوى
الفيلم الهندى القادم
يوم السبت وقفة رمزيه لاعضاء النقابة ...يوم الاحد قرار جمهوري بتعديل بعض احكام قانون كادر المعلمين... علشان يوم الاتنين ما يبقاش في مظاهرات والناس ترضي باللي هيدوهولهم الريس مرسي
وهيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ه
يحيا مرسى نصير المعلم الغلبان

[هشام الضبع]

يعنى المعلمين كلهم حيقفوا وقفة يوم 10/9/2012
وانت عاوز تقف لوحدك يوم8/9/2012

[rouny]

على فكرة واضح ان نقيب المعلمين بيحب الروقان علشان كده رايح هو وحبايب قلبه يقفوا لوحدهم ........هو فاكر ان دى رحله

وهو معزور ماحدش وضحلوا يعنى ايه اضراب وليه!!!!!!!!!

[رحومة عدولة]

دى حركة قديمة من بتوع الاخوان عشان يضربوا الاعتصام

[fahdalfahd21]

كادر الاطباء و الشرطة و اساتذة الجامعات .لانهم مساكين و فقراء و يحتاجون الكادر للإنفاق على ابنائهم بخلاف المعلم الذى يجب عليه ان يقسم القسم الاعظم قائلا اقسم بالله العظيم ان اضحى والاولاد والبيت من اجل ان يعيش اصحاب الكوادر الاخرى فى سلام وامان

[kabtenM1]

لابد من وقفة وإثنتين للوصول إلى الهدف .هدف الارتقاء بالمعلم ماديا ومهنيا.وياريت ماحدش يقول إصبروا وهنقسم لكم الكادر على مرتين .لأن ماحدش صبر غير المعلمين .الشرطة شاورت بالاعتصام لبيت طلباتها والجيش تمت التلبية قبل أن يطلب .وأساتذة الجامعات بتوع الكتب والمذكرات اللى بالشئ الفلانى خدوا اللى هما عاوزينه والاطباء شرحة فلماذا المعلم هو اللى يصبر وهو مش عارف يصرف على ولاده وماحدش يقول بيدوا دروس لأن الدروس لقلة والباقى عايش على مرتبه ..ثم ياحلوانى إنتفض لكرامتك التى أهانها الوزير بالتنكر لتصريحاتك وجعل شكلك سيئ أمام جموع المعلمين الذين أتوا بك نقيبا لتمثلهم وتقف بجانبهم مش ضدهم.

[elbasha20083]

طبعا عايز يقتنص الفرصة ويلحق يكوش وينسب لنفسه اي زيادة تيجي للمعلمين بيخرج قبل ثورتهم لو هو مع المعلمين حقا ما يخرج معانا يوم 10 / 9 ولكن لا يقف جنب المدرسين اللي الوزير بيهددهم لا طبعا يطلع يوم السبت الاجازة هو واخوانه علشان يبقى ليه السبق طبعا حسبي الله ونعم الوكيل من كل مسئول يهمل حال المدرسين المدرس حاله بقى صعب جدا جميع انواع تلاميذه بقوا يقبضوا اكتر منه الفاشل قبل المتفوق اللي بيشتغل عامل واللي متطوع في الجيش ولا الشرطة بقى يقبض اكتر من معلمه انا لم اذكر القضاة و موظفي البنوك و البترول

[علاءمالك]

انته كده فصلت نفسك والنقابه عن باقى المعلمين وانتوا عايزين تشقوا صف المعلمين