دايخ والدنيا معكسانى

[تامر الطويل]

دايخ والدنيا معكسانى : واقف مش شايف قدامى

مظلوم من ناس مبترحمشى : ولا عارف أروح ولا يوم أمشى

ليه بس يادنيا تلعبينى : وفى كل مصيبه بتخدينى

ليه ديما كارها حياتى : وكأنك إنتى حماتى

ليه لما أضحك تلومينى : وبجزمه قديمه تدينى

ولا عارف وشك من قفاكى : ولا عارف إيه بعد ده أتى

فى حياتى ثوانى تفرحنى : وسنين وليالى تبكينى

والبسمه أشوفها فى مرايه : وحكايتى حكايه ماهى حكايه

ولا عندى بدايه ولا نهايه : والحب بشوفه فى روايه

وفى قلبى ألام ومعبيه : والجرح نصيبى وشاريه

مش قادر أبيعك وأنساكى : ياجميله ياحلوة ياحياتى

ولا قادر أشوفك قدامى : مقهورة وضايعه علشانى

العيب مش عندك ولا عندى : ولا جرحى ده زمبك ولا زمبى

العيب فى العيب إللى عشانه: دايخ ولا شايف قدامى

بقلم

تامر على الطويل
أمير الجروح