كرهت حبك

[Monier]

عارفة ايه المشكلة
مش فى انك قولتى انك لعنيا مستسلمة
وان لاخر يوم هتفضلى مكملة
المشكلة فىكى انتى

مهما حاول قلبى يرضى
افتكرتى انى ميت عليكى
وانى عبد بين ايديكى
وان الكون معمول لخاطر عينيكى
وعملت لنفسك شط يحمى اراضيكى

كم مرة تقولى مكملة وتهربى
وبتفكرى ازاى تمشى وتخططى
لا انا سجان ولا انا قاضى
وحبك ليا كان كلام فاضى

فاكرة لما قولتى بحبك وطلعتى ما بتحبيش
كم مرة اقول مستنى وبرضو ما بتجيش
مهما ابعت فى جوابات برضو مابترديش
قوليلى عندك قلب ولا معاندكيش

يمكن يكون عندك قلب
بس فى حبى عمره ما دب
ولا فى يوم هيقدر يحب

اه بتقولى انك عشقانى
وانك لسه فى حياتك عايزانى
وانك على كلامى مسامحانى

ماشى هقول انك لسه بتحبينى
وانك هتعملى كل حاجة علشان ترضينى
فاكرة لما سبتك زمان
وجيتى تتاسفيلى
وقولتىلى تعالى نرجع وانك خلاص فهمتينى
ومليتى الدنيا عياط وفى الاخر رجعتيلى
علمتينى درس انك ملكيش امان
وان اللى يصدق حبك
يبقى فى الدنيا غلبان