اجابة رقم 2 في اختياري القطعة

[علا]

اجابة رقم 2 في اختياري القطعة

[مصري أبن مصري]

الإجابة بتاعتها هتبقي
at the end of the attack
لان اخر حاجة في القطعة الآتي
or eventually you can use your force
eventually = في النهاية

[from_sinai]

انا عملاها تانى اختيار اللى هى
as a second solution

[نورسين محمود]

انا كمان عملتها as a second solution

[from_sinai]

طب ماهى اتاك اصلا يعنى هجوم يعنى استخدم قوته البدنيه من زمان
ازاى بأه نقول فى النهايه هيستخدم قوته البدنيه
المفروض نقول كحل تانى على اساس انه معرفش يهرب

[koko2510]

و انا عملتها تانى اختيار برضه,يا جماعة الاجابة دى غلط فعلا

[مصري أبن مصري]

هو قصدوا الهجوم اللي بيحصل عليك
و القطعة في اخرها
بيقولك في النهاية نستطيع انك تستخدم القوة " or eventually you can use your force "
يبقي الإجابة
at the end of the attack
هو قعد في اخر paragraph من القطعة يقول حاجات كتير تعملها و بعدين قال في النهاية تستخدم القوة
لو إجابتكوا صح انها تاني حل
تبقي ايه هو اول حل إذا كان هو قعد يرغي في حاجات كتيرة
بقي الحاجات الكتيرة دي كلها هتبقي اول حل
و القوة هتبقي تاني حل ؟؟؟؟؟؟؟؟

[he2a]

iهوة مين حضرتك عشان تقولى ان الاجابة دى صح
موبعدين حضرتك مش واخدة بالك من (or)

[ahmed_vip]

at the end of the attack

[مصري أبن مصري]

المشاركة الأصلية كتبت بواسطة he2a

iهوة مين حضرتك عشان تقولى ان الاجابة دى صح
موبعدين حضرتك مش واخدة بالك من (or)

أنا إسلام طالب في الثانوية العامة - مرحلة ثانية
اهلا بيك
ايه فايدة or ؟؟؟
اولا : اخر paragraph في القطعة كلوا حلول تقدر تعملها
فيه حوالي 4 حلول
و اخر واحد مكتوب فيهم استخدام القوة
يبقي ازاي هيكون تاني حل ؟؟؟؟؟؟؟
واللي مجاوب تاني إجابة يا ريت يقولنا الدليل بتاعها من القطعة ؟؟؟؟؟؟؟

[علا]

يا جماعة مش معناها تاني حل second معناها الحل الاخير بعد استننفاذ كل الحلول الاخري

[الغزالى وبس]

رقم اتنبن فى القطعه هى الاجابه رقم 2 وأى حاجه غير كده غلط

[مصري أبن مصري]

المشاركة الأصلية كتبت بواسطة الغزالى وبس

رقم اتنبن فى القطعه هى الاجابه رقم 2 وأى حاجه غير كده غلط

ايه الدليل من القطعة علي كده
مش الإجابة بتبقي علي حسب القطعة برضه وفهمنا ليها
أيه الدليل من القطعة انو الإجابة هتبقي رقم 2 ؟؟؟؟

[areej.m]

يا جماعة بالراحة هيا مش خناقة انا بصراحة عملتها الاجابة التانية على اساس ان الحل الاول هوه استخدام العقل وبعد كده يبقى يستخدم القوة الجسمانية انا فهمتها كده وفيه بنات صحباتي كتبوها الاجابة الثالثة على اساس كلمة eventually وانا شايفة اللي هيحدد كده هيبقى نموذج الاجابة

[مصري أبن مصري]

المشاركة الأصلية كتبت بواسطة areej.m

يا جماعة بالراحة هيا مش خناقة انا بصراحة عملتها الاجابة التانية على اساس ان الحل الاول هوه استخدام العقل وبعد كده يبقى يستخدم القوة الجسمانية انا فهمتها كده وفيه بنات صحباتي كتبوها الاجابة الثالثة على اساس كلمة eventually وانا شايفة اللي هيحدد كده هيبقى نموذج الاجابة

مش مخناقة ولا حاجة
مفيش دليل في القطعة يقول انوا القوة هتبقي تاني حل
لان اخر جملة في القطعة بتقول ان القوة هتبقي اخر حل مش تاني حل
لان فيه قبلها كذا حل
لو حد يقولنا دليل من القطعة علي انها تاني حل يا ريت
او مدرس يتفضل و يشرحلنا الجزئية دي