حقيقة السد الأثيوبى

[ابونرمين]

#مصر25 | د.ياسر نجم :

س1: هى أثيوبيا بتتحكم فى أد ايه من مية النيل ؟
ج1: النيل له منبعين...بحيرة تانا فى أثيوبيا ودى بييجى من عندها زى ما واضح فى الصورة النيل الأزرق وده مصدر فرعى للنيل..بينما النيل الأبيض اللى هو مصدر النيل الرئيسى بيطلع من بحيرة فيكتوريا ويمر فى أوغندا والكونجو..
والاتنين..النيل الأبيض والأزرق بيتحدوا فى السودان وبعدين ييجوا لنا فى شكل نهر واحد..
بيميز النيل الأبيض اللى هو المصدر الرئيسى ان سريان المية فيه ثابت إلى حد كبير طول السنة..بينما النيل الأزرق اللى جاى من أثيوبيا بيتأثر جامد بالتغيرات المناخية..ممكن يقل أوى أو يزيد أوى...
لما بنقول عندنا فى مصر ان النيل منسوبه قليل أو كتير السنة دى..فده بيبقى عادة نتيجة تغيرات فى كمية المية اللى جاية من النيل الأزرق بتاع أثيوبيا.

س2: هل سد النهضة بتاع أثيوبيا ده السد الوحيد على النيل غير السد العالى ؟
ج2: لا...مجموع السدود على نهر النيل حتى الآن 5 غير سد أثيوبيا..
السد العالى..3 سدود فى السودان...وسد فى أوغندا...
مش بس كده...أثيوبيا بتعمل 4 سدود تانية غير سد النهضة ده...منهم واحد شغالين فيه بالفعل من 2009...
وعلى فكرة اسمه اتغير دلوقتى وبقى اسمه: سد الألفية..

س3: امال اشمعنى السد ده اللى عليه مشكلة ؟
ج3: لأنه ضخم جدا..أكبر من السد العالى..هايبقى أكبر سد فى افريقيا ومكان بناه قريب من منبع نهر النيل الأزرق فى أثيوبيا وبالتالى هاتعدى عليه معظم المية اللى جايه من بحيرة تانا..اللى هى منبع النيل الأزرق..

س4: طيب هم هايبتدوا يبنوه امتى؟
ج4: السد ابتدى بناه بالفعل فى ابريل 2011 والمفروض بناه ياخد 4 سنين...يعنى خلص نصه بالفعل..

س5: امال ايه الضجة اللى حاصلة على موضوع تحويل مجرى نهر النيل الأزرق ده ؟
ج5: تحويل مجرى النهر دى خطوة طبيعية بتحصل فى منتصف خطوات بنا أى سد...وحصلت عندنا سنة64 فى منتصف خطوات بنا السد العالى..وبتحصل فى أثيوبيا فى منتصف خطوات بنا سد الألفية الأثيوبى..

س6: طب اثيوبيا ازاى كده تأثر على المية اللى جاية لنا ونسكت لها ؟
ج6: اللى بتقوله أثيوبيا ان السد مش هايأثر على المية اللى جاية لنا..لأن باختصار الغرض من السد مش حجز مية عندهم للرى..الأراضى عندهم مرتفعة عن مجرى النهر زى ما باين فى الصورة..وبالتالى استفادتهم من النيل كده كده فى الرى محدودة..انما هم عايزين السد علشان يولدوا منه كهربا..وبالتالى المية هاتعدى وتيجى لنا عادى برضه بعد ما يتسفيدوا منها فى توليد كهربا عن طريق مولدات الكهربا اللى هايحطوها على السد زى ما احنا عاملين فى مصر بالنسبة للسد العالى..بس المولدات اللى هايعملوها عندهم أضخم بكتير من السد العالى وبالتالى هايبقى عندهم توليد كميات رهيبة من الكهربا وعايزين يصدروها لدول افريقية تانية..منها السودان..ومصر كمان لو احنا عايزين...

س7: امال احنا معترضين ليه بقى مادام مافيش مشكلة ؟
ج7: معترضين لأن خبراء الرى عندنا بيقولوا: ان المشكلة مش فى حجز المية ورا السد..المشكلة ان حجز المية ده هايؤدى لتبخرها تدريجيا وكمان فيه هدر لها هايحصل فى توليد الكهربا..وبالتالى مع الوقت على مر السنين نسبة المية اللى هاتيجى لنا هاتقل تدريجيا على مدار سنين طويلة..

س8: طيب وايه اللى بيحصل حاليا فى النزاع ده؟
ج8: اللى بيحصل حاليا ان فيه لجنة من 10 خبراء..2 من مصر و2 من السودان و2 من اثيوبيا..و4عالميين محايدين بيدرسوا المشروع نظريا وعمليا ويشوفوا اذا كان فيه فعلا ضرر على مصر ولا لأ..وايه الضمانات والاحتياطات اللى ممكن تتعمل علشان ماننضرش..

س9: طب نفترض انهم لقوا فيه ضرر..هل ممكن يوقفوا بنا السد ؟
ج9: مش هايحصل..اثيوبيا كده كده مكملة فى السد..دول صرفوا عليه بالفعل مليارات..وبيحولوا مجرى النيل..وفيه عقود مع شركات عالمية للبنا والتوريد..وفيه تمويل من بنوك صينية...

س10: طب والحل ؟
ج10: قدامنا حلين..الحل الأول ال***..وده كان الإتجاه أيام النظام السابق..وكان فيه تهديدات لأثيوبيا بضرب السد عسكريا..والتوتر والتصعيد أدى لأن أثيوبيا تعند أكتر وتكمل وكمان رفضت تورينا التصميمات والدراسات اللى هى عاملاها...مش بس كده..مشيت فى الاتفاقية الإطارية سنة 2010 بتاعة توزيع مياه النهر مع بقية الدول الافريقية لأنها متهمة مصر والسودان بأنهم بياخدوا أكتر من حقهم فى مية النيل طبقا لإتفاقية سنة 1929 اللى عملها الإنجليز وبتدى مصر والسودان هيمنة على نهر النيل...ومصر والسودان اعترضوا على اتفاقية 2010 ومارضيوش يمضوها..مصر معترفة ان اتفاقية 29 مش عادلة بس المشكلة ان ماعندناش مصدر تانى يعتمد عليه للمية وابتداءا من سنة 2017 مية نهر النيل مش هاتكفينا لوحدها حتى فى ظل اتفاقية 1929..مابالنا لو نقصت حصتنا من المية..لكن بعد كده السودان اتفاهمت مع اثيوبيا ووافقت على الاتنين..سد أثيوبيا واتفاقية النهر بشكل مبدئى...
التصعيد العسكرى وال*** مش هاينفع لأنك هاتورط نفسك وجيشك..وعندك السد بتاعك اللى ممكن يتضرب برضه وهاتبان قدام العالم انك معتدى..وهم عندهم 4 سدود تانيين غير ده..هاتضربهم برضه ؟ وكل ما دولة تعمل سد هاتضربهولها ؟
الحل التانى هو التفاهم والتعاون والاستفادة...اذا كان فيه ضرر من السد..وده هايبقى بناءا على رأى لجنة دولية فيها خبراء محايدين شغالة دلوقتى..هايبقى موقفك قوى انك تاخد ضمانات واحتياطات..وممكن تاخد منهم كهربا ببلاش أو سعر قليل وخبراءك يروحوا على حسابك يساعدوا فى التعديلات الهندسية اللى تضمن ان مصر ماتتأثرش من ناحية المية..وفى نفس الوقت اتفاهم معاهم فى اتفاقية التوزيع العادل لمياه النهر...وقدم لهم اللى يغريهم علشان حصتنا من المية ماتقلش..
والأهم من ده كله انك تحسن علاقتك بيهم بشكل مستمر وتتغلغل جوه افريقيا بقوة مصر الناعمة علشان الدول دى تحس انك صديق لهم مش عدو...وده اللى كان عبد الناصر بيعمله ومبارك أساء فيه خصوصا من ساعة محاولة اغتياله فى أديس أبابا...وده اللى مرسى بدأ فيه من أول يوم توليه للحكم وحرص السنة دى كمان انه يروح لهم ويتكلم معاهم فيه..رغم انه كان لسه حاضر المؤتمر الافريقى هناك من كام شهر..
وده انعكس على تصريحات كريستوس وزير الدولة الأثيوبى للشئون الخارجية بعد زيارة مرسى الأخيرة لما قال:
«لدينا علاقات ممتازة حاليا مع مصر، لكن النظام المصري في الماضي لم يكن يبذل جهدا في البحث عن التعاون معنا والمصلحة المشتركة للشعبين، ولم يكن هناك أي نوع من أنواع التعاون المشترك الذي يعود بالمصلحة على البلدين، ولم يلعب النظام السابق دورًا جيدًا في تعزيز العلاقات مع إثيوبيا، وجعلها مفيدة».
وتابع أن العلاقات بين البلدين الآن تسير في الاتجاه الإيجابي والصحيح، وهناك تفهم لدى النظام الحالي بأهمية أن تقوم العلاقات بين البلدين على أساس المنفعة المشتركة من أجل ازدهار مصر وإثيوبيا، مشيرًا إلى أنه تم الاتفاق على تبادل الزيارات بين المسؤولين من الجانبين.."

المصادر:
http://news.nationalgeographic.co.uk/news/2011/07/110713-/ethiopia-south-sudan-nile-dam-river-water/

http://www.ertagov.com/erta/erta-new...ggest-dam.html

http://www.newbusinessethiopia.com/index.php?option=com_content&view=article&id=466%3 Ameles-launches-millennium-dam-construction-on-nile-river&catid=35%3Atrade&Itemid=12

http://www.ezega.com/News/NewsDetail...ds&NewsID=2847

http://www.sudantribune.com/spip.php?article44698

http://www.egyptindependent.com/news...-mubarak-egypt

http://www.sudantribune.com/spip.php?article41839

http://www.voanews.com/content/nile-...74/157711.html

[abomokhtar]

دكتور سرحان سليمان
النظام السابق مسئولاً عن تغلغل إسرائيل بأثيوبيا، وهذه بعض مظاهر زيادة نفوذ إسرائيل بأثيوبيا:
لم يقتصر تركة نظام مبارك الفاسدة التي تولى إصلاحها الرئيس الحالي، على الفساد الذي طال كل أركان الدولة، بل تجاوز لضياع مكانة مصر دوليا وعلاقتها الخارجية وفقدان مصالحها من تلك المكانة، فنظر بتعالي واستكبار للدول الأفريقية، مما جعل دول حوض النيل ودول شرق وجنوب أفريقيا خصيصا أن ارتمت في أحضان إسرائيل والمنظمات اليهودية وأمريكا، لما حققته تلك الدول لها من منافع في غياب مصر، وسوف اذكر التي لم يطلع عليها المصريين في دول حوض النيل:
1- عقدت إسرائيل منذ سنوات اتفاقيات تجارية شاملة مع أثيوبيا، ضمنها أن تقوم أثيوبيا باستيراد كافة احتياجاتها من إسرائيل، وإسرائيل ملزمة بتوفير ذلك وبأسعار خاصة، ومعظمها دعما بدون مقابل.
2- تسليح إسرائيل لأثيوبيا والدول المجاورة بأحدث الأسلحة.
3- تأجير إسرائيل لمئات الآلاف الأفدنة من الأراضي بأثيوبيا ثم تلاها جنوب السودان بنظام الانتفاع طويل الأجل مقابل تسعيرة تحقق للأثيوبيين عائداً ضخماً، خاصة في ظل عدم القدرة لديهم في استغلال تلك الأراضي.
4- إنشاء إسرائيل بورصة حبوب باديس أبابا، لجعل أثيوبيا مركز تجارى للدول الأفريقية وقد حققت في أول عامين نشاطا تجاريا بقيمة مليارين من الدولارات.
5- تقديم إسرائيل كافة الدعم لأثيوبيا وجنوب السودان في كافة المجالات، اخرها إنشاء مدارس زراعية وكليات ومنشات صحية والعديد في جميع مجال الخدمات.
6- استغلت إسرائيل دورها في الحصول على اتفاقيات تنفرد بموجبها على السلع الزراعية والمواد الخام التي تتمتع بها أثيوبيا عالميا كالبن والشاي والتبغ وغيرها بالإضافة إلى بعض المواد المعدنية النادرة.
كل ذلك وغيره، ما تركه النظام السابق، وان النظام الحالي ليس مسئولا عن تراجع مكانة مصر في تلك الدول، ويحاول جاهداً بإعادة تلك المكانة بنظرة جديدة على أساس المنفعة المتبادلة والمصالح المشتركة.
د.سرحان سليمان

منقول

[abomokhtar]

تعليقاً على قرار أثيوبيا..''الجبهة السلفية'': نتجرع السُم الذي وضعه مبارك في النيل


علق الدكتور خالد سعيد، المتحدث الرسمي باسم الجبهة السلفية، على قرار دولة أثيوبيا ببدء تحويل مجرى النيل الأزرق كأولى خطوات بناء سد النهضة، قائلاً: ''نتجرع السم الذي وضعه مبارك في مياه النيل، فقد ضيع مصر اقتصاديًا واسترتيجيًا وسياسيًا، ولابد أن يحاكم أشد المحاكمة ويعقب أشد العقوبات''.

وأضاف سعيد، في تصريحات خاصة إلى ''مصراوي''، اليوم الثلاثاء، ''مشكلة مياة النيل مع دولة أثيوبيا لن تحل في يوم وليلة بل ستأخذ أيام وشهور، وزيارة الرئيس مرسي لن تحل المشكلة فهي مصيبة من المصائب التي فعلها مبارك، عندما تحالف مع النظام الصهيوني، فلابد أن يعلم الجميع ذلك وعلى رأسها المعارضة التي ليس همها إلا اسقاط الرئيس''.

وتابع المتحدث باسم الجبهة السلفية: ''أثيوبيا والدول الأفريقية كانت تقدس، وطالبت باقامة علاقات معنا في مجالات مختلفة وتنمية الثورات، لكن نظام المخلوع كان يتجاهلهم، وكان يذهب ويشتري اللحوم والموارد من هولندا بأموال كانت تكفي لشراء قطيع من الثروات من هذه الدول، والشعب المصري هو الذي يعاني حالياً مما فعله''.

منقول

[المصري أشرف]

الأستاذ المحترم / أبو مختـــــــــــار
لن أناقش الكلام السابق الذي يبرر ويقلب الحقائق
ويهون من مشكلة كوب الماء إللي بيساوي حياة
وطبعا الأسباب معروفة ( إخـــــــــــــــوان )
ولكن أناقش حضرتك عندما تفتح أثيوبيا أحضانها
لإسرائيل إللي هي عدوك .. اوتضامنها معها
أليست تلك هي .... الحرب بعينها
ولا لسه برضه هانطبطب وندلع
وبذكـــاء فاق كل الحدود والتصورات نبرر العطش
فالحصة من الماء .. والكهرباء بدأنا نشعر بمشاكلها
فمابالنا عندما تنقص حصتنا من المياة
ومش عارف إمتي الناس هاتشغل عقلها وتبطل
المبادئ العقائدية للسمع والطاعة لبشر ممكن
يصيبوا وممكن يخطئوا .. أعوذ بالله
أشكرك أستاذي المحترم

[SwOrD OF JusTice]

مشكور .


بس ياترا ليه التقرير دا مجبش سيره البخر بتاع المياه الى ورا السد ؟؟ نسبه البخر عاليه جدا

[ابونرمين]

هو مافيش سوى كلمة (أذن هى الحرب) فى كل موضوع وكل همسة وكل كلمة
رجاء دعوة للخير مرة ،دعوة للصدق ،دعوة لله

[المصري أشرف]

==========================

بما أنك قصدتني ضمنيا .. فردي عليك
عندما لا أري حرب المياة التي تدور رحاها أمامي
وأتكلم بكلمات ماأنزل الله بها من سلطان
في قاموس خاص بالإخـــوان فلا أجد
سوي أن أشكر الله سبحانه وتعالي علي
إنه لم يجعلني مغيبا منقادا لفكر الجماعة المظلم
حتي لو كانت الحقيقة ساطعة في كبد السماء
ولكنه عمي البصر والبصيرة .. شفاكم الله

[ابونرمين]

لما خرج النبى(ص) مهاجرا من مكة إلى المدينة ،أختفى عن أعين قريش فى غار ثور ،وقد اقتفوا اثرهُ حتى وصلوا إلى الغار ، ولكنهم أستبعدوا أن يكون محمد(ص) وصاحبه أبو بكر دخلاه،لأنهم رأوا على فم الغار حمامتين فى عشهما ،وقد نسج العنكبوت على بابه بيتا ظنوه نُسِجَ قبل أن يولد محمد(ص) فرجعوا حيارى غضابا
فالصِّدقُ فى الغار والصديقُ لم يَرِما** وهم يقولون ما فى الغار من إِرَم
ظنوا الحمام،وظنوا العنكبوت عـــلى**خير البــــــرية لم تنسجْ ولم تحُمِ
عنـــــايةُ اللهِ أغنت عــن مضاعفـــةٍ **من الدروعِ وعن عالٍ من الأُطُم

[زكريا مختار]

مش ممكن يعني السد طلع لمصلحة مصر كويس والله سبحان الله

طيب مانسعدهم ولا اقول لكم

نبني عندهم واحد كمان

ينقي النهضة 2

وبعد كدا يبقي الالفية 2

[abomokhtar]

السلام عليكم و رحمة الله و بركاته
ألوم عليك أخي الفاضل المحترم أشرف الرميسي فأنا أرجو منك رجاء الأخ لأخيه ألا يخرجنا اختلافنا في الرأي من مساحة الود الكبيرة بيننا فأنا أحترم عقلك و رأيك و لا أطلب منك أكثر من المعاملة بالمثل و قد لمت علي و على الأخ أبو نرمين مع أن المسألة في البداية و النهاية هي وجهة نظر لكل واحد منا سواء اتفقنا أو اختلفنا و هذا هو لوم الأخ المحب لأخيه الحبيب و جزاك الله خيرا
(بالمناسبة لست من الإخوان و لا أقول إلا ما أقتنع به شخصيا بعيدا عن الانتماء لأي حزب أو تيار سوى تيار عباد الله الفقراء إليه وحده سبحانه المسلمين الموحدين المصريين المخلصين و أعتقد أن أهل المنتدى كلهم مثلي و مثلك بل غالبية شعب مصر كذلك و الله الموفق و الله المعين و هو الهادي وحده إلى سواء السبيل )

[abomokhtar]

نشرت صحيفة "العلم" الإثيوبية أمس الثلاثاء، على لسان مسئولين أن "سد النهضة الإثيوبي الهدف الأوحد منه هو تعزيز التنمية المحلية للدولة دون التأثير على مصالح الدول الأخرى المستفيدة من منبع النيل الأزرق".


كما نقلت الصحيفة عن المتحدث باسم الحكومة الإثيوبية «بريخيت سمؤون» أن "هذا الحدث يتزامن مع احتفالات الجبهة الثورية الديمقراطية للشعوب الإثيوبية (الحزب الحاكم) بمناسبة الذكرى الـ22 لوصول الائتلاف الحاكم إلى السلطة عقب الإطاحة بنظام (منجستو هيلي ماريام) في 28 مايو 1991″.


وعبر "سمؤون" عن شكره العميق للدول الداعمة لسد النهضة وعلى رأسها "إسرائيل والولايات المتحدة والإمارات، والسعودية ".
وعلى الصعيد المصري، أعلنت الرئاسة المصرية في مؤتمر صحفي للمتحدث الرئاسي عمر عامر أن كميات مياه النيل التي ستصل إلى مصر لن تتأثر سلبيًا بما أعلنته الحكومة الإثيوبية من بدء إنشاء سد النهضة الإثيوبي.


وأشار عامر فى المؤتمر الصحفى الذي عقد بمقر الرئاسة إلى أن هناك لجنة ثلاثية تقوم بدراسة ما قدمته أثيوبيا من دراسات متعلقه بشأن بناء سد النهضة موضحا أن اللجنة بصدد إصدار تقرير باكر وأن مؤسسة الرئاسة تنتظر الانتهاء من التقرير للنظر فى الخطوة القادمة التى سيتم إتخاذها.
http://www.elmokhalestv.com/index/details/id/61879

[gmailwan]

مع الاحترام والتقدير لجميع الاراء

اولا : للعلم ليس معني الوضع القائم ان نصبح غدا او بعد غد لا نجد مياة لكن فرض صحة التأثير السلبي سيأخذ ذلك سنوات علي الاقل 8 سنوات

ثانيا : يجب علينا انتظار رد فعل النظام الحاكم بغض النظر عن اتفاقي او اختلافي معه وعدم استباق الاحداث

ثالثا : وهو الاهم هناك ابعاد كثيرة للموضوع غير موجودة في الاعتبار ومنها ان اسرائيل تريد صرف نظر مصر عن سيناء والاهتما م بالجنوب والدخول في حرب انهاك لمصر عامة
رابعا : مصر لديها مقومات كثيرة جدا تسطيع استخدامها لو احسن استخدام اوراق الضغط
لصالحها ومنها علي سبيل المثال لا الحصر

الضغط علي اسرائيل سياسيا من ناحية مع ترك المجال مفتوحا لضرب العمق الاسرائيلي انطلاقا من سيناء لكن هذا بشكل غير رسمي انما بشكل مخابراتي وهي نفس اللعبة التي تمارسها اسرائيل معنا في اثيوبيا

ممكن تبربر رفع اسعار العبور من قناة السويس بالقدر الذي سوف تتضرر منه مصر وهذا سيعود علي العالم كلة بالضرر وبالتالي سيتم الضغط الدولي لصالح مصر في قضايا النيل

من الان فصاعدا اقامة مشروعات تحلية مياة البحر

التلويح دائما بجهازية مصر للتدخل العسكري في حال فشل المفاوضات واعلان ذلك اعلاميا وعالميا ليكون ذلك مبررا لعدم ادانة مصر في حال انمصر اقدمت علي هذا العمل وهي نفس اللعبة التي تمارسها اسرائيل منذ زمن بعيد

وهناكالكثير والكثير والكثير في الجبعة ولكنهم قوم قلقون انتظرو انا منتظرون وعلي الظالم تدور الدوائر

واشهد الله ان هذا الذي يحدث هو بدون ادني شك من تبعات حسني مبارك
وهو الان حلقة من حلقات محاولة اسقاط النظام الجديد بهدف انهاء التاييد الشعبي لمرسي ولكن في النهاية والله غالب علي امرة ولكن اكثر الناس لا يعلمون
وشكرا لكم

[حسن الجبرى]

والله غالب علي امرة ولكن اكثر الناس لا يعلمون

[المصري أشرف]

الأستاذ المحترم / أبو مختار
وهل مداخلتي أختص بها حضرتك .. من أين هذا
مداخلتي أستاذي الفاضل وأرجو الرجوع إليها وماهو
مقتبس أعلي المداخلة لأبو نرمين الذي لايستطيع
المواجهه وكل مداخلاته بالتورية أو الإسقاطات
إحترامي لحضرتك أ/ أبو مختار .. لامجال للشك فيه
وأعتذر عن الخلط في الأمور في المداخلة الأولي
فكان الرد مزدوجا .. لحضرتك وأراء أخري موجهه
كل الشكر علي إدبك الجم وشخصية مهذبة
مثل حضرتك لانستطيع إلا أن نكن لها كل
إحترام وتقدير مهما إختلفنا في الرأي

[المصري أشرف]

=============================

أرجو أن لايعتبر ذلك تعليقا علي رأي عضو .. ولكنه تعليق في صميم الموضوع ورؤية الحلول المطروحة
الأستاذ / درش .....
تلك أربع ردود لأربع مقترحات وأشياء أخري وضعتها في مداخلتك

1) أنت اليوم تعاني من نقص حصة المياة المفروضة للزراعة ومن نقص التيار الكربي المترتب علي ذلك فماذا تتنتظر خلال الثماني سنوات القادمة
2) هل تعلم التكاليف الباهظة لتحلية مياة البحر ومهما كانت لاتعطي النتائج المرجوة من تحلية المياة .. والدليل الخليج كله بالرغم من ثراءه إلا إن إستهلاكهم من المياة المحلاة لاتستخدم بنسبة تذكر في الشرب .. بل لأمور أخري
3) كانت هناك وحدات عسكرية دائما أيام السادات ومن بعده مبارك لمراقبة الأمور وكانت مجهزة دائما لضرب أي مشروع كهذا .. ويوما جاء زيناوي وزير خارجية أثيوبيا يطلب إذن مصر في تنفيذ هذا المشروع المخطط له من الستينات .. فكان رد مبارك كما أسلفت
4) ليس دفاعا عن مبارك .. ولكنها مواقف لانستطيع إختزالها للرجل مثلما لانستطيع إختزال دوره في حرب أكتوبر مع الشكر

فلنلتف الأن تحت راية واحدة .. ولنكن جميعا في نفس الخندق .. ولننسي الأن كل سبل الفرقة .. فاليوم سنعطش جميعا وسنجوع جميعا
وسنموت جميعا ..... أو لنحيا جميعا