|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
06-12-2008, 04:00 PM
|
||||
|
||||
هذه هى دنيا الأقنعة؟؟!!!!!
السلام عليكم و رحمة الله و بركاته يا رب يكون كل الناس بخير ومبسوطين والحياة بمبي والبلد زي الفل والحكومة مظبطانا والمرتبات عالية ومفيش حد نايم جعان ولا بردان ومفيش جرائم ولا مصايب والمدرسين بيحبو التلاميذ والدكاترة بيدلعوا المرضى ومفيش فساد ولا غش ولا اي حاجة وحشة وكله في السليم. نخش بقى في الموضوع دنيـــــــــــــــــا الأقنعة تفتكر أنا بتكلم عن إيه؟؟ إيه هي دنيا الأقنعة اللي كله بيظهر فيها بوجه مستعار وإسم مستعار وشخصية مستعارة؟؟ إيه هو العالم اللي 90% منه بيعانوا من مرض الشخصية المزدوجة؟ إيه هو العالم اللي أي حد عنده نقص بيحاول يكمله فيه ولو حتى بالغش والخداع؟ إيه هو العالم الذي لا يفصل بيننا وبينه سوى شاشة زجاجية يختفي وراءها الكثير والكثير من الناس ...أطفال....شباب...بنات...أولاد وأحيانا شيوخ؟ آآآآآآآآآآآآآآآآآآآآه بالظبط كدا أنا بتكلم على النت طبعا أنا دخلت دخلة شمال شوية بس مش معنى كدا ان كل اللي ع النت مرضى نفسيين وإلا كان العالم كله مرضى نفسيين انا أقصد إن كل حد فينا عنده نقطة ضعف في شخصيته بيحاول يخبيها بإنه مثلا يدخل بإسم مستعار يداري فيه الضعف دا عندك مثلا ممكن بنت تكون عادية جدا وتلاقيها مسمية نفسها أمورة....او دلوعة أو شاب -يعني سوري -بياخد على قفاه من صحابه ويسمي الكينج أو الباشا يعني بنشوف العينات دي كتير.......وما خفي كان أعظم طبعاً أكيد في ناس هتقول طب ما انتى داخلة باسم مستعار.....ايوة انا عارفة الشعب المصري ارد عليهم واقولهم باسكوتا مش وصف و لا تعظيم و لا تبجيل ده رمز لحاجة معينة فى حياتى لان مافيش حد باسكوتا  ماااااااااااااااا علينا بصرف النظر عن الأسامي لانها حاجة عادية تعالوا بقى للشخصيات تلاقي واحد بيرسم على بنت معينة مثلا في منتدى أو جروب يحاول يدخل للبنت دي من السكة بتاعتها يعني لو هي متدينة يعمل فيها بقى محمد حسان وميتكلمش ف حاجة الا ومعاها شاهد ودليل من القرآن أو السنة....دا شئ كويس والله بس اللي مش كويس إنه في الحقيقة ميعرفش الظهر كام ركعة.....أو بالكاد يكون بيصلي. عندك بقى بنت تحط عينها على ولد وعايزة تلفت نظره....وتلاحظ من كلامه انه مثلا واد روش وبتاع قهاوي....تلاقيها بقى داخلة افيهات وكلام كدا مالوش علاقة ببعضه....كل دا علشان يفهم انها روشة وكول .... المهم وفي أمثلة من كدا كتيييييييييييييير جدا ومعظمها بتكون صدمات لما يتعرف الواحد على حقيقته وتكون نهايتها مستشفى الأمراض النفسية. وسؤال بقى إحنا ليه بنعمل كدا؟؟ هل دا راجع للفراغ المخيف اللي الشعب المصري بوجه خاص بيعيش فيه؟ ولا دا راجع لتفاهة تفكير الشباب المحترم ؟ ولا راجع لإن مفيش حد منهم عارف يكون بيت وأسرة فبيتوهم ذلك وراء شاشة الكومبيوتر؟ بس انا من رأيي إن السبب الأول والأخير هو الفراااااااااااااغ إنتو إيه رأيكم؟؟؟ سبحانك اللهم وبحمدك...أشهد أن لاإله إلا أنت أستغفرك وأتوب إليك |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض الشجري
|
|
جميع الأوقات بتوقيت GMT +2. الساعة الآن 01:10 AM.
