استفسار هااااام جدا بخصوص Math

[حسين الدوانسى]

السلام عليكم ورحمة الله وبركاته
ارجو من حضراتكم وكل من لدية خبرة فى اللغات وتدريس math ان يفيدنى لانى محتار جدا
انا كنت اخدت شهادة تدريس رياضيات بالانجليزى فى طنطا وكانت مفيده بس مش اوى مناهج زى الكلية دراسة مفيش حاجه عمليه وبعدين ما اشتغلتش بيها فنسيت كل حاجه
بس انا دلوقتى مصمم انى اشتغل لغات فى مدارس عالمية واغير اتجاهى ومستعد اضحى واخد اجازة من المدرسة سنه وادرس بجد عشان اتمكن اوى لانى عايز ادرس فى مدارس اجنبية
فياريت لو اى حد عنده معلومة او نصيحة ميبخلش عليا بيها ويقولى احسن مكان اتعلم وادرس رياضيات بالانجليزى
سمعت ان فى كورس فى عين شمس والجامعه الامريكية
بس دول فى القاهرة وممكن المسافه تكون بعيده واضطر اقعد فى القاهرة السنة دى
وسمعت عن كورس فى المنصورة
وكورس فى الاكاديمية البحرية ف اسكندرية
ياريت تفيدونى وخصوصا الناس اللى شغالة تقولى ع الطريق الصحيح عشان احدد مستقبلى

[roony772000]

انصحك بشدة ان تاخذ الكورس فى اسكندرية لانى اخذتها هناك ولة اصدقائى فى طنطا ولكن غير مفيدة والمنصورة ايضا ليست مثل الاكاديمية فى الاسكندرية شارع 45 الكسندر ابراهيم وربنا يوفقك

[AHMEDMATH4]

اللى اعرفهم جامعة عين شمس والجامعة الامريكية بس لانى من القاهرة ان اخدته فى عين شمس بس عشان الشهادة مش اكتر وانا كنت م>اكر قبلها يعنى انا رايح على الشهادة بس اما بتاع الجامعه الامريكية مدته 9 شهور بس هتستفيد منهم جدا وسواء دة او دة صدقنى تعب ومصاريف اللى هتدفعها هتعوضها فى وقت بسيط جدا وهتشتغل مع فئة تقدر التعليم جدا

[kiko1718]

انا اخدت كورس تدريس الرياضيات باللغة الانجليزية في الاكاديمية باسكندرية
وهو كان مفيد جداً لي حتى المستوى الثالث اللي هو تقريباً حتى نهاية مرحلة التعليم الأساسي اللي هي 3 اعدادي ، المستوى الرابع كان من المفترض انه حيتناول مرحلة الثانوي لكن للاسف كان ضعيف جداً جداً ولم يتنازل أي حاجة من الثانوي غير مصطلحات بس
طبعاً الشهادة مهمة خاصة لو كانت معتمدة نظراً لروتينيات العمل واللي بتتطلب هذه لشهادة ولكن الاحتكاك المباشر بالمواد هو أفضل تجربة وهو فعلاً اللي بيديك الخبرة في التعامل مع جميع المناهج خصوصاً وان المناهج بتختلف من نظام لنظام ومن مكان لآخر