باحب المقابر

[حمدى حسام]

باحب المقابر , وأموت في التُرب.

هناك, زي حي الغُـناي في الهدوء الجميل,

هناك زي شط البحور, في النسيم العليل.

هناك العجب,

هناك تمشي تسمع لرجلك دبيب عالي يرضي الغرور,

,.....هناك كله راقد, مفيش غيرك اللي واقف فخور

وأما الزهور,

هناك بالمقاطف على الأرض, ياا مْسُورقة يا بتحتضر,

تجيب أدوات العطور,

وتصنعها عطر اسمه مثلاً: عبير العبر.

تبيعه, وتكسب دهب,

وتدهس على العظم, وتقول كلام فلسفة.

وتملا كتب,

ده غير الثواب اللي تقدر كمان تكسبه.

من الفاتحة على الميتين,

فمنها عبادة , ومنها استفادة , ومنها أدب,

ولهذا السبب,

بأحب المقابر ... لكن,

بعقلي الرزين.

بأحب البيوت , واللي فيهم , زيادة.