احدث واجمل اسئلة لكادر 2009 ادخل

[اسامه سنجر]

مستعينا بالموبايل و خط بيزنس و قلم اسود و منيل عليك و علي سنينيك الهباب ؟ و سماعة و هاند فري ؟ و نظارة سوده زي الكحل؟ اتنيل جاوب؟

اولا اللغة العربية

لسؤال الأول ….

التعبير
اكتب ما لايقل عن 1967 سطر في الموضوع التالي:-
=====
يدعي البعض انه توجد ازمة صابون ف البلد . فذهب الغلبان الي طابور الخبز من الخامسة صباحا الي الثانية بعد الظهر و ف الأخر أخد صابونه.
============
السؤال الثاني …. النصوص
إقرأ المقطوعة الاتية و اجب لو قدرت ع اللي تحتها؟
فضيت مشنة الدار .. و العيشه زي النار
بوظيفه اخر مرار… وراحت الوليه بكل المهيه السوق … رجعت بكيلو خيار.
أ ) ما المقصود بالمشنه ( سلة خبز- جيب الموظف- عقل الحكومة - دكان الخالة ستيته )
ب ) ما مرادف كلمة مرار ( حسره علينا - حسره عليهم - حسرة ع المرتب - حسره ع اللي بيحصل )
ج ) المهيه ف القاموس تعني ( بدل معيشه - بدل سكوت - بدل فقر - بدل ما نشحت )
د ) مضاد كلمة خيار ( كوسه - كرت سحري - بدنجان اسود و منيل عليك و ع اللي جابك - بديل للحكومة)
=====================
ثالثا …… النحو
طار المدرس المطحون زات يوما و لمح تحت اشعة الشمس اقلام تقصف . و ألسن تقطع . و ايادي يتم بترها . و زمم يتم شرائها .. و ضمائر خربانه .
أ ) اعرب كلمة تقصف
ب) اوجد الفاعل للفعل تقطع
ج ) اضف كلمة استغاثه او منادي للجمله زمم يتم شرائها
======================
رابعا القصة
من قصة (( مدرسين ف الانعاش ))
و لما ارتفعت الاسعار و طارت ف الهوا . و حاول الشعب اللحاق بها . تطايرت الصيحات و تعالت الاهات .. و كثرت الدعوات .. ربنا يهد المفتري.
أ) ما السبب بارتفاع الاسعار ( الحكومة - الشعب- أطفال الشوارع - وزير المبيدات اللي خرب الارض و نقص المحصول )
ب) كثرت الدعوات تدل علي (( قلة الحيلة - الخوف م الكلام - عدم القدره ع الحركة بسبب نقص التغذية - كلنا بقينا شيوخ )
ج) المقصود بالمفتري ( ثقب الأوزون - رغيف الخبز - اللي نايم ف العسل - اللي مكبر دماغه )
ثانيا الرياضيات
)الرقم 1948 يدل علي (( عدد من أعداد النكسة- عدد المدرسين اللي هينتحروا- عدد الوزراء السابقين - مدرسين تحت الكادر))
ب ) عدد السلع التموينية المدعمه هو ( 7 - 12 - صفر - انت عبيط ولا ايه هو فيه دعم اصلا))
ج ) قطعة ارض علي شكل كوره مدوره اتنيل صاحبها و حب يبنيها و يعمل بلكونه عشان يرمي نفسه منها ؟ فاذا كان طول نص قطر الكره 7 متر فاحسب ما يلي ؟
1- سعر القطعة علما بان سعر المتر 50 رغيف خبز
2- السعر الاجمالي للاسياخ الحديدية للعمود الواحد علما بان سعر السيخ فئة 20كيلو يساوي 1000 جنيه بسعر المصنع زي ما قالولنا؟
3- كم شيكارة اسمنت يقدر يشتريها علشان يتنيل و يكمل البيت اذا علمت ان البيت مكون من سبع طبقات و أستك ؟
============================
السؤال الثاني :-
سفينه بحريه (( عباره يعني )) تسير بسرعة المعزه
تم تزويدها بموتور 5 حصان يا دوب يوصلها لنص البحر و تتنيل تقف ولا تغرق مش موضوعنا ؟ اتهبب اجب عم يلي
1- اسم اللي هيغرقها و رقم تليفونه
2- عدد الركاب اللي هيغرقوا؟
3- ما هو علم الدوله اللي ع العباره
4- ما الفرق بين سرعة المعزه و سرعة الحصان و متي تصل طائرات الانقاذ في حالة الغرق
==============================
السؤال الثالث:-
اذا علمت ان مدرس يتقاضي 130 جنيه بالعلاوه و كانت اسعار السلع كما يلي:-
1 كجم خيار 10 جنيه،،، 1 كجم معكرونه 50جنيه ،، 1 كجم لحمة حمير 50جنيه ،، 1 كجم لحمة رأس 100 جنيه ،، رغيف خبز بالمسامير 1 جنيه ؟ رغيف خبز مدعؤ عفوا مدعوم 5 جنيه ؟
احسب مدة بقاء المدرس علي قيد الحياة بالساعة؟
=======================
السؤال الرابع:-
عربيه تستهلك 20 لتر بنزين لتقطع 100 كيلو متر
احسب الفتره الزمنية اللازمه كي تولع العربيه ع اللي فيها اذا علمت ان العربيه ماشيه بالبركة؟
لان البنزين انشفط م السوق ؟
==============================
السؤال الخامس:-
احسب سعر كرتونة زيت تحتوي علي 12 عبوة زيت مستعمل و متهبب من كتر القلية ؟ اذا كان سعر العبوة الواحده 20 جنيه ؟ ثم احسب عدد المدرسين المشتركين ف الكرتونه الواحده
======================================
السؤال السادس :-
اختار المصطلح الرياضي للجمل الاتية:-
1- يتراوح سعر متر الارض بين 5 الي عشرة قروش (( سعر الخصخة للمتر - سعر المحاسيب - سعر المصمصة- سعر مقبرة الضمير ))
2- يتراوح سعر الطن من 8000 جنيه الي 12000جنيه ( طن الدقيق - طن الحديد - طن لحمة الحمير - طن البني ادميين )
3- يضطر البعض احيانا للكسب من وراء الستار (( سعر الخدمة - سعر الفهلوه - سعر بيع الضمير - سعر الفقر ))
4- يدفع البعض احيانا مبالغ طائله علشان ما لوش وسطه و لا محسوبية ( ضريبة الضمير - ضريبة المبيعات - ضريبة السكوت عليه - ضريبة غصب عنه)
========================
انتهت الاسئلة
و علي مهلك و انت بتحل انت مستعجل ليه هو يعني لو نجحت هتاخد الكادر؟؟

أضف الى مفضلتك

[اسامه سنجر]

على فكره هومنقول من منتدى اخر

[Mr. Medhat Salah]

مشكوووووووووور