ياارض انشقى وابلعينى........انا مش قادر اكمل امتحانات

[That Moment]

لو قلتلكم انا زعلان ليه حتعذرونى لأنى وقعت فى امتحان ا لفيزياء فى خطأ ميغلطش فيه اغبى غبى فى العالم كله.

عارف حتقولوا عليا عبيط لأن اللى مش عارف حاجة فى المادة اصلا حل السؤال ده صح وانا اللى غلطت الغلطة الغبية دى

انا كنت طالع من امتحان الفيزياء مبسوط وفرحان الامتحان ساهل ...لحد انهاردة الساعة 8 بالليل واحد صاحبى بيتصل بيا بيكلمنى واثناء الكلام قاللى : انت عارف ان فيه ناس افتكرت ان سؤال الوحدات فى السؤال التالت كل واحدة لوحدها وكل واحد عملولها 3 وحدات متكافئة يعنى مفهموش السؤال صح...انا سمعت كده والكلام ده وقع على قلبى زى الصاعقة..عارفين ليه؟ لأنى عملت كده برضه..........عارف انها غلطة غبية ........بس ده طبعى ومش جديد عليا الغباء قمت مسكت كل وحدة وجبتلها 3 وحدات مكافئة وسبحان الله كنت ملاحظ كل وحدتين شبه بعض وبرضه من غبائى مش ملاحظ فكرة السؤال....وعلى الرؤغم انى حليت ال5 اسئلة بس فيه اسئلة شاكك فيها.....ضيعت مستقبلى بسبب غلطة فى سؤال انا عارفه بس جاوبته غلط علشان انا غبى كالعادة ....انا مليش نفس اذاكر احياء ومش عارف اعمل ايه والسؤال دلوقتى....

هل حيحسبها كلها غلط ولاحيدينى عليها حتى لو نص الدرجة لأنى اعتبر مجاوب على السؤال اللى هو عاوزه بس مزود وحدات من بره للأسف وبطريقه غير مباشرة .