السبورة تنشر رد المالية" الصادم" للمعلمين ويحمل "كارثة "

[مستر محمد خليفة]

"السبورة " تنشر " عك" وزارة المالية الذي صدم الالاف من المعلمين وسيفجر ثورة في وجه الوزارة بعدم صرف المكافأة لكل من حصل علي حكم 200 % من المعلمين والذي وصل الي مديرية التربية والتعليم بقنا في 25 اغسطس الجاري

http://www.alsbbora.com/main_edu.asp...6#.VAAS5NJ_vzB

[رفعت توفيق 2]

لا نريد اي مزايدات سياسية عقيمة بالله عليكم انظروا جيدا في المنشور قيام بعض المعلمين باستصدار احكام قضائية بالمخالفة للقانون ( طب تيجي اذاي دي ) تقولوا ايه ايه للعبقري اللي كتب الكلام ده

[العشرى1020]

يارب الطف بنا وفك كربنا يااحكم الحاكمين يارب

[عاشق الأقمار]

يعنى مطالبة سلمية بالحقوق مش نافع ، حكم قضائى من قضاء مصر الشامخ برضو مش نافع
احنا حنلاقيها من وزارة التربية والتعليم ولا من وزارة المالية ولا من الوزارة اللي هى ولا من مين ولا مين ولا مين
ثورتين قاموا في البلد ومفيش حق بيروح لاصحابه يابتوع التعليم انتو وبتوع المالية وبتوع المهلبية
يارب اشوف فيك يوم ياللي كتبت المنشور ده انت واللي في بالي قولوا آمين.

[SAEEDS]

ايه اللى مكتوب ده
باستصدار احكام قضائية بالمخالفة للقانون شىء جميل حكم قضائى بالمخالفة للقانون

[faraglxr]

ماذا يعنى هذا الكلام وهذا الكم من القوانين والأحكام ؟!
هل المعلم يستحق الحافز أم لا ؟
وما معنى كادر المعلم ؟
هل يميز المعلم دون غيره من العاملين أم لا ؟
نريد رأياً واضحاً محدداً ... وبعدها وقفة شجاعة جريئة من المعلمين
ليعرف كل منا موقفه ووضعه الصحيح
وعليه سوف تترتب ردود فعل كثيرة ...

[ymz258]

انظر للرابط
http://www.thanwya.com/vb/showthread...11#post5984211

انتم ما اخذتوش بالكم ان رد وزارة المالية ما هو الا رد على طلب وزيرنا الهمام وزير التربية والتعليم
واللى بيقول فى الطلب ان الاحكام التى صدرت باحقية المعلمين فى حافز الاثابة هى احكام قانونية قد صدرت بالمخالفة للقانون
والكلام لا زال على لسان الوزير ان الاحكام قد صدرت لتقاعس الجهة الادارية فى الدفاع عن حقوق الخزانة العامة
يعنى الوزير الهمام بتاعنا خايف على اموال وزارة المالية اكثر من وزير المالية
وليضرب المعلمين راسهم فى الحيط لانهم يطالبون بحقهم القانونى المخالف للقانون كما يرى السيدالوزير وزيرالتربية والتعليم ذلك وحرصا منه على اموال وزارة المالية

[ranad_hany]

بتيجى عند الغلبان وتقف ومستكتريين علية ياخد حقة حتى بعد مايطلع عينة ويعرف يجيبة هى الدولة كدة مابتقدرش غير علينا اصل احنا بتوع رسالة سامية وسامية ماتت من زمان

[اروع كلام]

( الاحكام التى صدرت باحقية المعلمين فى حافز الاثابة هى احكام قانونية قد صدرت بالمخالفة للقانون)
احكام قانونية مخالفة للقانون!!!!!!!
جمله ما يكتبهاش عيل عبيط في سنه سادسه عبط ( في اخر سنه - نهائى - عبط يعنى )
لكن ممكن يكتبها واحد لص او افاق او نصاب محترف ( اكيد من عصابة ديوان الوزارة مع معالى السيد الوزير) ضارب سجارتين مع اللمبى 8 جيجا بعد ما كبر و بقى 64 جيجا
والمصيبه ان في اخر الورقة توقيع الباحث ( العبيط- طالب نهائى عبط) و مدير عام التفتيش وهو اكيد رئيسه ( و اكثر منه عبطا) و فيه اكيد كام توقيع للاكثر و الاكثر عبطا مش واضحين في الفاكس
اما في اعلى الفاكس هتلاقى توقيع كام أهبل بياشر على اى حاجه باى حاجه المهم يمضى و يقبض
بس الصراحة الورقة في منتهى الدقة و التنظيم الوظيفى و الادارى:-
العبيط يمضى تحت
و الاهبل يمضى فوق
( لتوزيع الاختصاصات و كمان عشان ما يتلخبطوش مع بعض الهبل مع العبط )

((احكام قانونية قد صدرت بالمخالفة للقانون)) ياولاد الـ......................
دى جمله يستاهل كل من وقع عليها العزل من الوظيفة و الحبس لازدرائهم للقضاء و احكام القضاء و لعدم تنفيذهم حكم قضائى و التحايل عليه
الا اذا اثبت انه لا يجيد القراءة و بيمضى من غير ما يقرا زى معالى الوزير صاحب القرار الفضيحة و الشهير بالقرار رقم 449
فعلا الرجاله دى اثبتوا انهم عصابه واحده بنفس الافكار و الثقافة ومستوى التفكير ( عفوا مستوى اللا تفكير ) و العبط
زغرتى يا انشرااااااااااااااااااااااااح

[seeen]

كل شىء ممكن فى مصر الشىء وعكسه وعكس مرة تانية
حقك وبالقانون ومش حتاخده
يقولك اصبر وطالب بحقك بطرق سلمية تطالب يقولك مفيش
تتظاهر يبقى عيب بتعطل البلد
تتحسبن يقولك متدعيش على الظلمة اومال ادعى على مين ؟

هبل فى هبل اى كلام فى اى كلام ...

لو ظروف البلد يبقى الكل يستحمل مش فئة اه وفئة لا مش معنى القضاة والشرطة والجيش والبترول والاتصالات والكهربا مش يستحملوا معانا؟!!

[sadq]

طيب أنا عندى معضلة عويصة دلوقتى
إما الأحكام القضائية شامخة ولا يجوز التعليق عليها ، أو الحكومة شامخة واللى يعارضها يبقى خروف.
حد يقولى يا جماعة إيه العمل دلوقتى هناك تعارض بين الشامخ والحكومة التى هى مصر والوطن ؟؟؟؟!!!!!!!!!!!!!!!!

[ymz258]

سبحان الله وبحمده سبحان الله العظيم