في انتظار رد الاستاذ عصام والسادة المشرفين

[عبقرينومان]

ده نص الرسالة يا استاذ عصام اللي انا طلبت منك فيها تعيين wanda ادارية

ممكن تشوف المشرفة دي wanda
وياريت لو تعينها مشرفة إدارية حسب طلبها 

ويا ريت كمان ما تاخدش رأي المشرفين الاداريين 

ولو عايز تأخذ رأي أحد يبقي انت والاستاذ حسام وأنا فقط

وانا موافق 

والسلام عليك

ده نص الرسالة

اولا انا كنت متوقع انها مشرفة وده باين لما بقولك لحضرتك المشرفة wanda

وكمان انا فعلا طلبت من حضرتك ما تأخذش رأي المشرفين الادرايين كما ورد في الرسالة

وقلت لحضرتك لو هتأخذ رأي أحد يبقي الاستاذ حسام كمدير وحضرتك يا استاذ عصام كمدير وأنا كمدير

بمعني اننا ثلاثة فلازم اثنين يوافقوا وواحد يرفض او العكس اثنين يرفضوا وواحد يوافق

وانا قلت لحضرتك ان انا موافق

وانا موافق لانها ذكرت في رسالتها انها كانت مشرفة في الموقع وانها هتبدأ تشوف المواضيع اللي مش في مكانها وتنقلها في مكانها والمواضيع اللي محتاجة حذف وهتتعامل معها وهتعمل بهمة ونشاط وده اللي خلاني وافقت

فلما حضرتك تعيينها كمشرفة ادارية يبقي معناه ان حضرتك او الاستاذ حسام واحد منكم موافق وانا موافق يبقي صوتين

انما حضرتك عينتها ليه لما انت مش موافق نهائيا

وليه ما قلت ليا ورديت عليا في رسالة انك مش موافق

وعلي اساس تم التعيين بما انا اللي موافق بس

وانا مش رئيس جمهورية يا استاذ عصام واظن حضرتك شفتني في الفيوم شاب لا حول لي ولا قوة

ومش عايز كل الناس تسيب تفاصيل الموضوع وتقولي ليه ما يتمش اخذ رأي المشرفين الاداريين

لاني هرد بسهولة وهقول لحضرتك يا استاذ عصام انك طلبت مني انك تعيين اسلام اداري وانا رفضت الفكرة دي وحضرتك عينته بدون موافقتي وانا لم اتكلم وقلت خلاص لما نشوف شغله

وكمان هل لما تم تعيين اسلام كمشرف اداري تم اخذ رأي المشرفين الاداريين الاخرين وفين هو الموضوع ده

ولما اتعيين الاستاذ مجدي بورسعيدي مشرف اداري هل تم اخذ رأي بقية المشرفين الاداريين وفين الموضوع اللي في الركن الاداري كان فيه طلب تعيين للمرشد او لبورسعيدي

واخيرا الاستاذ (استاذ بدوى الدجوى) لما اتعيين اداري هل تم أخذ رأي المشرفين الاداريين الاخرين

فأنا لست مخطأ قط في طلبي لك استاذ عصام ولو حضرتك ما كنتش موافق ما كنتش عينتها