اسكندريه فى الشتا

[مريم السباعى.]

اسكندريه فى الشتا والبحر عالى
بيهدى لما بيتلقو ساعه العصارى
حبٌبٌيه الكورنيش وشَطهُ
والى داق الحب غاوى
دفئها ساعه البروده
مرسى على كف الموانى
ياخدو فيها احلى صورة
يوم 3 ,شهر طوبه
ساكنة قاع البحر موجه
جمب غيرها من الحكاوى
الى كمل والى اصلا
على الكمال مكنش ناوى !
اسكندريه فى الشتا والبحر شايل
فى انتظار الريح توافى
تجلى همه لسحاب
لجل يرجع تانى صافى
والشتا بيرخ مطرة
كل نقطه ضامة قصه
نازلة وبتروى الاماكن
والشوارع حته حته
كل شبر فيه ريحتها
الحوارى والقهاوى
والنواصى وشط بحرى
فيها طعم الماضى اصلى
مطٌلب _درويش وبيرم
لسه اعملهم بتشجى
وشطها سميع قددددديم
للى حابب يعنى يحكى
بس لو فكرت تعدى
اسكندريه ملايه لف
تلففك البر كلو
تسففك رملتها سف
شوف تاريخها على المناره
وكل ذكرى واقفه صف
شاهده على كل الى كان
والى فكر يوم يعادى
ولو هنوصف الف وصف راح تلاقى
اسكندريه البت طايشه بقلب راسى
حلف الى شافها ما شاف زيها فى بلادى
..............................
‫‏بقلم‬ /اشرقت سيف النصر