استفسار مهم اووى اوووى يا ريت ال يعرف يفيدنى

[ويبقى الأمل]

سلام عليكم يا جماعه
هتكلم بدون ما اطول عليكم انا كنت ماجله نظام قديم السنادى والحمد لله امتحنت بس حصلتلى ظروف كتيره اوى ومشاكل بعدتنى عن الدراسه فتره لكنى دخلت الامتحانات وربنا يسرها الحمد لله دلوقتى مش قادره اتخيل انى ممكن ما احققش حلمى لانى عارفه حليت ايه ومجموعى هيكون ازاى هنقص كتير ومش هجيب الكليه ال عايزاها عرفت ان فى ناس كتير بس ده لنظام قديم بس بعد ما يخلصوا ثانوى ليهم فرصه انهم يحولوا نظام جديد من تانيه ثانوىوياخدوا تانيه وتالته ع النظام الجديد وبصراحه ده فرحنى اوى انه ممكن يكون طريق جديد امشى فيه فانا بسأل هنا قولت ممكن حد يفيدنى يا ريت ال يعرف يرد عليا ربنا يكرمكوا ياااااااا رب

[محمد_العوضى]

موضوع واحد مش هتقدرى تستفادى
اكتبى الموضوع ف كذا قسم عشان الناس تشوفه وتقدر تساعدك فيه

[ويبقى الأمل]

المشاركة الأصلية كتبت بواسطة محمد_العوضى

موضوع واحد مش هتقدرى تستفادى
اكتبى الموضوع ف كذا قسم عشان الناس تشوفه وتقدر تساعدك فيه

عملت كده بس للاسف مافيش فايده يا رب حد يرد عليا

[محمد_العوضى]

مفيش فايدة
انا لو اعرف هفييدك والله
بس مش هقدر اكلمك عن حاجه وانا مش اعرف عنها حاجه

[مروة محمد فراج]

انا السنة اللى فاتت كان معايا فى اللجنة ولد كان اكبر مننا بردو كان نظام قديم واجل وكده وفى الاخر حول نظام حديث بس فعلا بدا من سنة تانية
ف انتى ممكن تروحى المدرسة وتسالى وربنا ان شاء الله يسهلك امورك