والله بحبه

[ايام وليالى]

انا هقولكم حكايتى هى حكايه غريبه بس انا بحبها اوى اوى اوى بس مش عارفه هتعجبكم ولا لآ

انا بقالى اكتر من سنه بحب انسان

انسان فيه كل معانى الانسانيه الجميله

محترم ومثقف وحنين وطيب وعاقل وكل حاجه

كل الحاجات دى كانت كافيه انها تخلينى احبه اوى

وزياده على كل صفاته دى انه بيحبنى ومستعد يعمل اى حاجه انا عاوزاها

يعنى انسان واقف معايا خطوه بخطوه فى حياتى وفى مذاكرتى وفى كل حاجه

وبيخاف عليه جدا وحتى من نفسه

عشان كده اول ما عرفنا بعض والكلام ده كان يوم 12/9/2006

وعرفت انه بيحبنى وانا كمان كنت معجبه بيه اوى بس انا كبنت مينفعش اقوله كده بس كنت حاسه بيه وفى

نفس الوقت كنت رفضه اى علاقه تكون بينى وبينه او بينى وبين اى حد

عشان انا بتمتع بثقه كتيره اوى من بابا وماما واخويه وانا مكنتش عاوزه اضيع الثقه دى منهم ولا حتى ثقتى انا بنفسى

وفى مره معرفش ايه الى خلانى وقفت وسمحتله انه يكلمنى بس هو كان محترم اوى فى كلامه معايا

ومن اول مره قالى انا بحبك اوى وقال انه عارف انى حاسه بيه وحاسس انى انا كمان معجبه بيه او بحبه انا نفيت ساعتها انى بحبه نهائى وفهمته انى لا يمكن ادخل فى علاقه حب مع اى حد حتى لو معجبه بيه

ومشيت وسبته من غير ما اسمع منه رد وافتكرت انه كده خلاص مش هيفكر فيه تانى بس الغريبه بقى انه بعدها بيوم

لقيته بيكلمنى على الموبايل

اه نسيت اقولكم هو يعرف واحده صحبتى واخد منها رقم موبايلى

بس انا فوجئت جدا لما كلمنى ومن غير ما يقول اى حاجه قولتله لو سمحت اقفل ومتتصلش بالرقم ده تانى

وانا لسه هقول باى حصلت مفاجأه غريبه جدا

بس دلؤقتى انا هيبكم عشان حاسه انى طولت عليكم وان شاء الله هكمل لما تقروا وتقولولى رايكم

باى