توقعات تنسيق 2009

[mohaameed]

بسم الله الرحمن الرحيم

ارجو من الاساتذة الافاضل ان يقولو لي انتو بتتوقعوا ممكن التنسيق يزيد ولا يقل ولا يفضل زي ما هو

يا ريت حد يريحني

[dr.saeed]

يا اخى التنسيق بيعتمد على درجات الطلبة
الى غالبا بتعتمد على حاجتين
اولا دراجاتهم فى تانية
ثانيا
صعوبة او سهولة امتحانات تالتة
فى امان الله

[mohaameed]

طب انت دلوقتي لو الامتحانات جت سهلة تتوقع ايه

[mohaameed]

فيين الردود يا جماعة

[محمد جبار]

لو جت سهله اتوقع ان التنسيق يبقى عالى

[mohaameed]

عالي يعني يزيد كام فى المائة كده توقعاتك

[dr.saeed]

عالي يعني يزيد كام فى المائة كده توقعاتك

ما حدش يقدر يتوقع على فكرة فيها اوى
خاصة وان عدد كليات الطب ممكن يقل جامد السنة الى جايه
كل سنة وليها ظروفها
ونصيحة من اول السنة
مش تحط فى دماغك خالص موضوع التنسيق
تحط انا عاوز اجيب كام وعاوز ادخل ايه
فى امان الله

[mohaameed]

طب انا جايب 94% وخدت احياء فى تانية خايف لا ملحقش حاجة

[محسن فكري]

المشاركة الأصلية كتبت بواسطة mohaameed

طب انا جايب 94% وخدت احياء فى تانية خايف لا ملحقش حاجة

فعلا مش هتلحق

[Eslamcooo]

انت و حظك بس خللى بالك كلية طب هيقللو العداد اكتر السنه الجايه و نقابة الصيادله حاولت السنه دى بردو و معرفوش يبقى اكيد هيرفعو قضيه زى طب و يقللو العداد كمان و هما طبعا مجموعة علوم و انت درست احياء يعنى علوم و حاجه اخيره مفيش امتحانات هتيجى سهله بعد كده ففكر كويس

[المشتاقة إلى الجنة]

السلام عليكم ورحمة الله

بالنسبة للتنسيق فده طبعا بيعتمد على المجموع الكلى للطلبة
وأعتقد ان التنسيق لا هايقل ولا هايزيد
ولو زاد فهيزيد بنسبة بسيطة
ده لان اولا مجماع تانية الينة دى كلها فى النازل على الرغم من ان الامتحانات كانت سهلة مافيهاش مشاكل خالص
فربنا يسهل معاكم بقى فى تالتة
ونصيحة ماتحطش فى دماغك الكلام ده خالص
اعمل اللى عليك وتوكل على الله بغض النظر عن مجموعك السنة اللى فاتت او الكلية مش هاتلحقها ولا لأ
انا كنت جايبة فى تانية 96.8 وفى الاتنين جبت 97.19
طبعا انا قليت فى تالتة عن تانية
لكن رغم كده دخلت الكلية اللى انا عايزاها
فماتحطش فى دماغك اى حاجة خالص
وماتسمعش كلام حد
توكل على الله وخليها على الله
واعرف ان ربنا مابيضيعش تعب حد
وربنا يوفقكم

[vampire_3ala2_16]

حول لرياضة وهتلحق هندسة انشاء الله
لكن انشاء الله امتحانتكم هتيجي سهلة عشان الوزارة اتعلمت السنه دي

[fathy 90]

طيب انا ليه وجه نظر مش عارف اذا كانت صح ولا غلط.بالنسبه للى كانو السنه اللى فاتت فى تانيه ثانوى علمى امتحاناتهم كانت عاديه او معقوله والمجاميع كويسهلما دخلو رياضه والامتحانات صعبه المجاميع قلت اوى والنتيجه كده ان التنسيق نزل اوى رغم ان كان ليهم سنه صعبة اوى وسنه معقولة...............واحنا بقى اللى كنا فى تانيه امتحانتا مكنتش سهلة اوى والمجاميع وحشة فلو السنه الجايه الامتحانات وحشة التنسيق هينزل ولو معقوله هيدنوا زى ما هو او هيزيد حاجة بسيطة اوى

[تركى هاكر]

انا اتوقع انى متقليش عن السنة ديه ممكن تزيد كمان

[فوفووو]

المشاركة الأصلية كتبت بواسطة mohaameed

بسم الله الرحمن الرحيم

ارجو من الاساتذة الافاضل ان يقولو لي انتو بتتوقعوا ممكن التنسيق يزيد ولا يقل ولا يفضل زي ما هو

يا ريت حد يريحني

بص يا سيدى وصدقنى والله مفيش حد يقدر يتوقع التنسيق هيقل ولا هيزيد دلوقتى يعن احنا السنه دى كنا خايفين من تنسيق 2007 لانه كان عالى اوى وكانت اعداد اللى جايبين مجاميع عندنا فى 2 ثانوى كبير فكانوا عايزين يصفونا وعشان كده جابولنا امتحان فيزياء متخلف ورياضه بردك كانت وحشه فالمجاميع وقعت وعشان كده التنسيق قل والتنسيق بتاعنا ده منحصلش قبل كده بس فكر وشوف اللى انت هتمشى فيههه اكتر واعمله انا كنت جايبه 96 فى تانيه وكلهم قالولى احول رياضه بس انا مرضتش وفضلت علوم والحمد لله انا دخلت صيدلهع القاهره يعنى شوف وفكر وبعديسن امتحان الفيزياء احتمال كبير يجلكم سهل عشان الهبل اللى عملوه معاناه يعنى ممكن ترفع مجموعك