أنا كرهت السيسي

[عبد الحميد بدوي]

أنا كرهت السيسي من الناس اللي بتدافع عن السيسي
ناس لا عندها عقل ولا قلب ولاضمير ناس بتدافع وخلاص
لا عند امها دم ولا احساس
وكأن السيسي دا منزل من السما
ولا ولي من اولياء الله الصالحين
ولا يمكن يكون اخر المرسلين من رب العالمين
استغفر الله العظيم
ناقص يطلبوا من الواحد لما يجي يصلي يقول نويت اصلي
للسيسي ركعتين
ونسبحوا بحمده ونشكروا فضله انه سيادته بجلاله وعظمته مستحملنا من سنتين
ميكنش السيسي عمل مصر دولة عظمي واحنا مش عارفين
انا عايز واحد منهم يقولي البلد ريحة فين
البلد مغروزة في الطين ويكفي ان البلد عايشة بالدين
وبتستلف بايدها الاتنين وحالها حال
بلدكم يا سادة من الاخر كدا مشيها بطال
والفساد ابوها وامها وهو كل اهلها
البلد دى من كتر ما ادمنت الفساد والنفاق مش قادرة تتوب
والمنافقين في البلد صوتهم مسموع وكلهم فى حالة سبق فى النفاق وقلة الادب والغريب انهم بيتكلموا بالنيابة عن الشعب وعن البلد وكل واحد فيهم بيمثل حال الوطن
انا الموت عندى اهون من النفاق هؤلاء متى يتعلموا ان الوطن اكبر من اى حد
والرئيس مهما كان فهو مجرد فرد وجاء ليعمل من اجل هذا الشعب




الشاعر
عبد الحميد بدوى