|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
23-10-2008, 10:42 PM
|
||||
|
||||
قالولي بتحب مصر قولت مش عارف
قالولي بتحب مصر قولت مش عارف  قصيدة قولولي بتحب مصر للشاعر تميم البرغوثي ، قصدية أكثر من رائعة وتعبر عن الحالة الإجتماعية والسياسية في مصر بأسلوب أدبي قوي ولهجة عامية بسيطة. تميم البرغوثي هو شاعر شاب من أب فلسطيني و أم مصرية يتميز شعره بالتعقيد نظرا لتعقيد الأحداث السياسية التي يتحدث عنها في قصائده له دوواوين باللهجة المصرية - و أخري بالفلسطينية - و أخري بالفصحي اتفضلوا القصيدة ده من قصائده اللي باللغة العامية المصرية قالولي بتحب مصر فقلت مش عارف أنا لما اشوف مصر ع الصفحة بكون خايف ما يجيش في بالي هرم ما يجيش في بالي نيل ما يجيش في بالي غيطان خضرا وشمس أصيل ولا جزوع فلاحين لو يعدلوها تميل حكم الليالي ياخدهم في الحصاد محاصيل ويلبّسوهم فراعنة ساعة التمثيل وساعة الجد فيه سخرة وإسماعيل ما يجيش في بالي عرابي ونظرته في الخيل وسعد باشا وفريد وبقيّة التماثيل ولا ام كلثوم في خِمسانها ولا المنديل الصبح في التاكسي صوتها مبوظُّه التسجيل ما يجيش في بالي العبور وسفارة اسرائيل ولا الحضارة اللي واجعة دماغنا جيل ورا جيل قالولي بتحب مصر أخدني صمت طويل وجت في بالي ابتسامة وانتهت بعويل قالولي بتحب مصر فقلت مش عارف لكني عارف بإني إبن رضوى عاشور أمي اللي حَمْلَها ما ينحسب بشهور الحب في قلبها والحرب خيط مضفور تصبر على الشمس تبرد والنجوم تدفى ولو تسابق زمنها تسبقه ويحفى تكتب في كار الأمومة م الكتب ألفين طفلة تحمّي الغزالة وتطعم العصفور وتذنِّب الدهر لو يغلط بنظرة عين وبنظرة أو طبطبة ترضى عليه فيدور وأمي حافظة شوارع مصر بالسنتي تقول لمصر يا حاجّة ترّد يا بنتي تقولها احكي لي فتقول ابدأي إنتي وأمي حافظة السِيَر أصل السِيَر كارها تكتب بحبر الليالي تقوم تنوَّرْها وتقول يا حاجة إذا ما فرحتي وحزنتي وفين ما كنتي أسجل ما أرى للناس تفضل رسايل غرام للي يقدّرها أمي وأبويا التقوا والحر للحرة شاعر من الضفة برغوثي وإسمه مريد قالولها ده أجنبي، ما يجوزش بالمرة قالت لهم ياالعبيد اللي ملوكها عبيد من إمتى كانت رام الله من بلاد برة يا ناس يا أهل البلد شارياه وشاريني من يعترض ع المحبة لما ربّي يريد كان الجواب ان واحد سافر اسرائيل وانا أبويا قالوله يللا ع الترحيل دلوقت جه دوري لاجل بلادي تنفيني وتشيِّب أمي في عشرينها وعشريني يا أهل مصر قولولي بس كام مرة ها تعاقِبوها على حُبَّ الفلسطيني قالولي بتحب مصر فقلت مش عارف بحب أقعد علىالقهوة بدون أشغال شيشة وزبادي ومناقشة في مآل الحال بحب لمعي وحلابِسَّة ومُحِّب جمال أروح لهم عربية خابطة في تروللي كإنها ورقِة مِسودّة مرميّة جوّاها متشخبطة ومتكرمشة هيّه أو شلّة الصوف، أو عقدة حسابيّه سبعين مهندس ولا يقدر على حلي فيجيبوا كل مفكّاتهم وصواميلهم ويجرّبوا كل ألاعيبهم وتحاييلهم ساعات كمان يغلطوا ويجربوا فيّه بس الأكيد أنهم بيحاولوا في مشاكلي وإنها دايماً أهون من مشاكلهم أحب اقعد على القهوة مع القاعدين وابص في وشوش بشر مش مخلوقين من طين واحد كإنه تحتمس، يشرب القرفة والتاني غلبان يلف اللقمة في الجرانين والتالتة من بلكونتها تنادي الواد والواد بيلعب وغالبهم ثلاثة اتنين أتوبيس كإنه كوساية محشي بني آدمين أقول بحكم القاموس، إن الهواء جماد واشم ريحة شياط بس اللي شايفه رماد عكازة الشيخ منين نابت عليها زناد يسند على الناس ويعرج من شمال ليمين والراديو جايب خبر م القدس أو بغداد قالولي بتحب مصر فقلت مش عارف قطر الندى قاعدة بتبيع فجل بالحزمة أميرة عازز عليها تشحت اللقمة عريانة ما سترها الا الضل والضلمة والشعر الابيض يزيد حرمة على حرمة والقلب قايد مداين زي فرشة نور والفرشة واكلاها عتة والمداين بور اللي يشوفها يقول صادقة حكاوي الجن واللي يشوفها يقول كل الحقايق زور عزيزة القوم عزيزة تشتغل في بيوت عشر سنين عمرها لكن حلال ع الموت صبية تمشي تقع ويقولو حكم السن وسِتّها شعرها أصفر وكلّه بُكَل كإنها مربية فيه اربعين كتكوت ووشها زي وش الحاكم العربي كإن خالقها راسمها على نبوت تحكم وقطر الندى تسمع لها وتئن أصل البعيدة وليّة أمرها، عجبي على الهوا بحجة الكسوة يقيموا له سور أحكي يا قطر الندى والا ما لوش لازمة حكاية ابن الأصول تفضل معاه لازمة فيه ناس بتلدغ وناس ليها البكا لازمة ياللي سطلت الخليفة بجوز عينين وشعور كنت سما للأغاني والأغاني طيور مين اللي باعك، عدوك، بعض أولادك مين اللي كانوا عبيدك صاروا أسيادك مين اللي سمى السلاسل في إديك دِبَل مين اللي خط الكتاب مين كانوا أشهادك وازّاي متى سألوكي "هل قبلتِ به" سكتِّ ومشيتِ يا مولاتي في الزفة لبنان وغزة وعراق فينا العدو تشفى حطوا جثثنا يا حاجة تحت سجادك ووقفت تستنى خيط الدم يبقى بحور قالولي بتحب مصر فقلت مش عارف لا جيتها سايح ولاني أعمي مش شايف بلد علمها انمزع والرفّا في المساجين ومهر مربوط في كارو وباله في البساتين وابو زيد سلامة على كرسي وكيس جلوكوز لجنة مشايخ تناقش فتوة الأراجوز سؤال نعيش أو نموت، فيه لا يجوز ويجوز لو السقوف خايخة نسندها بحجارة وطوب لكن ده لوح القزاز كله ضرب تشريخ لو الولد حرف في الآية، ها يبقى يتوب بس المصيبة إذا الآية اخترعها الشيخ يا مصر كومة حروف إبر المعاني فين إبر بتجرح إيدينا قبل ما بتبان نسرك في بال السما بيقول حدودها منين نسرك بياكله الصدا في بدلة السجان يا قلعة السجن يا قلعة صلاح الدين أنا بقولك وأهلي ع الكلام شاهدين لو كنت حرة ما كناش نبقى محتلين والناس شكاير صريخ رابطين عليها سكوت آهات سَكوتَة كإن الأرض مستشفى مطرودة منها الدكاترة ف سجن أو منفى والناس بتسأل هنصبر والا نتوفى فيه ناس تقول زي بعضه دول نوعين م الصبر وناس تقول زي بعضه دول نوعين م الموت يا مصر بعض التسامح يبقى عار وبأجر إفتكري "لا تحسبّن" مكتوبة فوق كام قبر والتار يبات يصحى تاني لو يشيب الدهر والتار حصان غير لصاحبه ما يلين ضهر والتار تار العرب وعشان كده تار مصر قالولي بتحب مصر فقلت مش عارف لا جيتها سايح ولاني أعمى مش شايف ولاني هايف اردّ بخفّة وبسرعة وكل من رد يا كذاب يا هايف أصل المحبة بسيطة ومصر تركيبة ومصر حلوة ومُرَّة وشِرْحة وكئيبة دا نا اختصر منصب الشمس وأقول شمعة ولا اختصر مصر وانده مصر يا حبيبة يا أهل مصر اسمعوني واسمعو الباقيين إن كنت انا رحّلوني كلنا راحلين يا أهل مصر يا أصحابي يا نور العين يا شنطة المدرسة يا دفتر العناوين يا ضغطة البنت بلكراسة ع النهدين ترقص قصاد المراية، واحنا مش شايفين
يا صحن سلطان حسن يا صحن كحك وتين يا ألف مدنا وجرس، لألف ملّة ودين يا أهل مصر اسمعوني، والكلام أمانات قلتولي بتحب مصر فقلت مش عارف روحوا اسألوا مصر هيّه عندها الإجابات
__________________
 
|
|
#3
23-10-2008, 11:38 PM
|
||||
|
||||
|
الله على جمال هذه الكلمات
كلمات فعلا رائعه ميرسى جدا على احضارك لنا هذه الكلمات ولو انها طويلة شوية
__________________
 ... if i die don't cry just look at the sky and say bye bye
|
|
#4
23-10-2008, 11:40 PM
|
||||
|
||||
|
بجد جميلة والكلمات حلوة طويلة بس رائعة
__________________
احساس لا يوصف...........أن تقف فوق قبر إنسان تحبه كثيراً وقد كان يعني لك كل شئ يعني لك الكثير ثم تحدثه ، تحاوره ، تصف له طعم الحياة في غيابه ولون الأيام بعد رحيله .. وتجهش في البكاء كطفل رضيع بكاء مرير من أعماق أعماقك حين تتذكر إنه ما عاد هنا .... بيننا ....؟؟؟؟؟؟؟؟؟؟؟
|
|
#6
24-10-2008, 01:31 AM
|
||||
|
||||
|
بجد بجد مع انه طويل بس بجد
تمتعت بقراءته كم انتى رائعه فى انتقائك للمواضيع هايل التوبيك الى الامام
__________________
ليس المهم ان تكون صديقى ولكن المهم ان تكون صادقا معى
|
|
#7
24-10-2008, 12:44 PM
|
|||||
|
|||||
|
اقتباس:
نورتني بردك ومشاركتك اقتباس:
جزاكم الله كل خير علي مروك اقتباس:
مرورك هو الاجمل اقتباس:
مرروك اسعدني كثيرا لكم مني جزيل الشكر اقتباس:
الاروع والاجمل هو مرورك ومشاركتك جزاكم الله خير الجزاء
__________________
|
|
#8
25-10-2008, 03:37 PM
|
|||
|
|||
|
أخى العزيز \ دعنى أعترف بأن الشاعر له أسلوبه الخاص جدا والذى ينم عن نضوجه الشعرى \ ولكن اسمح لى أن أعترض على المضمون والذي يشي بنكة تحريضية على الوطن الذى شئنا أم أبينا ( اليه ننتمي ) وهو أيضا صاحب فضل على الشاعر وكان له المآوى والمعين والحافظ له من بطش الاحتلال في وطنه الأم \ عموما هي قصيدة جديرة بالقراءة ( على المستوى الفني ) وأنا فى انتظار المزيد
|
|
#9
25-10-2008, 08:25 PM
|
||||
|
||||
|
اقتباس:
كل واحد وليه رائيه وبجد انا بحب اي نقد بناء زي نقد حضرتك واختلاف الاراء لايفسد من الود قضيه
جزاكم الله كل خير سيدي الفاضل
__________________
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 05:02 AM.
