|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
21-02-2009, 01:02 AM
|
||||
|
||||
قرب قرب حاجة ببلاش كدة تعالى متفوتش الفرصة من ايديك
السلام عليكم ورحمة الله وبركاته
ازيكم يا جماعة؟ يارب تكونوا كلكوا بخير انا كنت عاوزة اتكلم فى موضوع مضايقنى اووووى بجد  مش عارفة هو لسه فى فى زماننا ده حياااء؟؟؟ انا حسة ان الكمية نفذت خلاص اللى خلانى اعمل الموضوع ده اننا فى الجامعة الواحد بيشوف مصايب بجد والعلاقة بين البنات والولاد اتطورت اوووى لدرجة ماتتوصفش بقت حاجة رهيبة الوضع اتغير ياجماعة البنت اخدت دور الولد اللى بيعاكس وبيهزر والولد هو اللى واخد دور البنت الوسيمة اللى بتتقل كنت زمان بسمع مقولة بتقول يتمنعن وهن الراغبات  انا دلوقتى بعكسها وبقول يتمنعوا وهم مش الراغبون كانت البنات زمان بتتمنع دلوقتى العكس هى اللى بتجرى ورا الولاد ومش بتتكسف والولد بيهرب من البنت دلوقتى لان فى غيرها كتييييير يعنى من ناحية اللبس فى معرض ازياء فى الجامعة واللى مايشترى يتفرج انا حسة لو كنت ولد مكنتش هاتزوج بجد هاتزوج ليييه؟ كل حاجة متاحة قدامى فى كل مكان وبثمن بخس ربنا يسرررررررنا والله البنات هيا اللى بقت بتعاكس الولاد وبردوا الولد بيعتبر البنت اللى قدامه دى مش بنت لا دى كائن زيها زيه يعنى نفس الهزار نفس المعاملة كل حاجة مفيش فرق وانا ماشية فى الجامعة بقى لاقيت ولدين وبنتين مع بعض فعادى الولد بيهزر مع البنت ازاااااى؟؟ هيا بشعرها مسكها من شعرها وفك التوكة اللى فى شعرها ورماها على الارض انا قولت هاتزعل ولا حاجة اتارى انا فهمت غلط وكان بيهزر الله قامت موطية وجابت التوكة من الارض ولبستها وهيا فى منتهى البهجة والسعادة وقعدت تضحك ضحك كان بتقوله هل من مزيد وبردوا بنت فى المدرج راحت قعدت جمب ولد فلاقيتهم بيهزروا فجاة ايديه هاتنزل على وشها وهيا تضحك وبيتسابقوا ياترى هايقدر يضربها ولا لا؟ ايه رائيكوا هايقدر ولالا؟ وبردوا فى اخ بعضلات كدة ماشى ف الجامعة فبنت ماشية وراه فبتقوله انت لابس تيشرت اخوك الصغير ولا ايه(معاكسة يعنى) فبصلها كده وطبيعى جدا جابها من شعرها وطحنها لا بجد شهم ولد مايقبلش المعاكسة هى فوضة ولا ايه؟ وكتير كتير كتير بجد انا مبقتش طايقة حاجة اسمها جامعة من كتر اللى بشوفه والله والله بقعد اعيطلهم بيصعبوا عليا البنات المساكين دول ياه لو يعرفوا وجهة نظر الولاد اللى ماشين معاهم دول ايه مكنوش عملوا كل ده هايهزقوا نفسيهم اكتر من كدة ايه والله بقت حاجة صعبة اوى ربنا يهدى بجدد معرفش هو اللى بيخليهم يعملوا كدة ايه؟ مممكن يكون علشان كل واحدة خايفة من العنوسة  ولا عاوزة تقلل من قيمتها وخلاص؟ ولا عدم وعى وجهل بالدين؟ ولا ممكن بسبب كترة الفرجة على الافلام والمسلسلات؟ فياريت كل بنت تتقى الله وتخاد بالها من نفسها وربنا يسترنا ويحفظنا بجد فى عصر الفتن دى وجزاكم الله خيرا
__________________
 ربى أرنى الحق حقا وأرزقنى اتباعه وأرنى الباطل باطلا وارزقنى اجتنابه
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض الشجري
|
|
جميع الأوقات بتوقيت GMT +2. الساعة الآن 05:26 AM.
