أرجو الإفادة بخصوص دبلوم تربوى في شبين الكوم

[smart4u]

السلام عليكم

ياجماعة لو حد يعرف أي تفاصيل عن التقدم للدبلوم التربوى في شبين الكوم يعرفنا

يعني زى فترة التقديم والمصاريف والأوراق المطلوبة

أنا آداب إنجليزى وعاوز آخد إن شاء الله دبلومة السنة دى

فأرجو ممن يعرف شيئاً عنها أن يخبرنا وله الأجر والثواب من الله سبحانه وتعالي

وجزاكم الله خيراً

[violet.flower]

افضل لو روحتي بنفسك تسألي لان مده قبول التقديم اقصاها 8/9 او 10/9 فافضل تكسبي وقت وتروحي تسالي بنفسك
ومعذره لعدم افادتي لكِ بهذا الشأن

[smart4u]

المشاركة الأصلية كتبت بواسطة أجمل إحساس

افضل لو روحتي بنفسك تسألي لان مده قبول التقديم اقصاها 8/9 او 10/9 فافضل تكسبي وقت وتروحي تسالي بنفسك
ومعذره لعدم افادتي لكِ بهذا الشأن

جزاك الله خيراً

لكنني رجل

بارك الله فيك علي أية حال

[دانة]

هل في جديد ؟؟ والتقديم مفتوح الى الان؟؟

[pretty_memo55]

انا بعمل دبلومة تربوى فى شبين السنة دى وتخصصي اداب انجليزي برضو
وبالنسبه حضرتك للورق المطلوب
انت الاول تسحب مظروف من الكليه
وبدين محتاجبين بيان تقديرات الاربع سنوات
وبعد ما تجيبها يكون معاك أصل شهادة ميلاد كمبيوتر
اصل المؤهل
اربع صور شخصيه
صورة البطاقه الشخصيه
وتملأ البيانات فى الظرف وتقدمه
المظروف قيمته 100 جنيه
والمصاريف والكشف الطبى والطوابع 752 جنيه

[pretty_memo55]

اخر ميعاد لتقديم الاوراق يوم 26/9/2012
ويقال انه ممكن يكون بعدها كمان
حضرتك ممكن تجيب بيان التقديرات بتاعك وتروح تسحب الظرف وتقدم وتخلص فى نفس اليوم
انا كل زمايلى عملوا كده لان ورقهم كان موجود
لكن انا لسه ما قدمتش لان ورقة التقديرات بتاعتى هتاخد 15 يوم على ما تطلع
وانشاء الله هروح الاسبوع ده
بس حاول تنجز لان الدنيا زحمة جدا هناك وفى ناس بتروح ومش بتلحق تخلص
وبالنسبه لموضوع التقديرات فى مكتبه هناك قدام الكليه
موجود فيها الملخصات وكل حاااااااااااااااااااااااااااااااااجة
حتى البرشام
وزمايلى جابوا امتياز هناك
ربنا يوفقك

[دانة]

جزاك الله خيرا وشكرا عالمعلومات الكتير