|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
25-07-2011, 01:08 AM
|
|||
|
|||
فضيحة فى صيدليات مصر
طبعا أنا مبحبش العناوين دى لكن تقدروا تحكموا دى فضيحة ولا لأ..؟؟
 وإيه نتائجها وعواقبها وأسبابها..؟؟ أنا ساكن فى القاهرة قريب من الحدائق والوايلى وشبرا ((منطقة الزاوية الحمراء لو تعرفوها))  أنا مريض سكر بأتعالج بالإنسولين ((MIXTARD PENFILL 100))  الحكاية إنى النهاردة روحت رحلة مع أصحابى للقرية الأولومبية اللى فى الإسماعيلية ولما روحت ووصلت هناك أتفاجئت إنى نسيت إبرة الإنسولين وكان ساعتها سكرى عالى  ((ممكن يؤدى ذلك إلى قئ مستمر ويليه غيبوبة سكر قد تؤدى إلى الوفاة إن لم تعالج))  والمكان كان شكله منعزل عن بقية العالم  يعنى لو ملقتش إنسولين إحتمال يحصل لى حاجة وأموت طب أعمل إيه وعلى بال مأرجع القاهرة هيكون بالتأكيد حصل لى حاجة  فسألت أنا وأصحابى عامل فى القرية دى عن صيدلية وصف لنا طريق وخرجنا من القرية الألومبية ولقينا إن اللى حوالين القرية عبارة عن منطقة ريفية شديدة التأخر وتنعدم فيها أقل الخدمات  (((ملاحظة:: أنا عشت فى مناطق ريفية وكانت أكثر تحضرا من ناحية توافر لخدمات الأساسية اللى بيحتاجها أى إنسان عشان يعيش))  وأعدنا نسأل ناس كتير عن مكان الصيدلية ويقولوا لنا أمشوا على طول ومشينا كتير جدا وإحنا شايلين شنطنا وفى غاية التعب والإرهاق المهم وصلنا أخيرا لصيدلية  لقيت شكلها كويس كده وكمبيوتر ومتنظمة  قلت الحمد لله فسألت البنت اللى واقفة فيها فى إنسولين .؟؟ mixtard 100 penfill قالت لى لأ قلت لها طب إنسولين Actrapid penfill قالت لى معرفش!! قلت لها طب عندكوا إيه ((ولا اللى بيشترى زبادى)))  قالت لى طب إستنى وأنا هأجيب لك كل اللى عندنا وأنت تشوف  فجابت أنواع غريبة أول مرة أشوفها((يمكن عشان أنا متعود على نوعين بس)) فلقيت وسطيهم mixtard 30 العادى مش penfill يعنى فى أنواع مهمة من الإنسولين المعروفة والمتداولة مش موجودة أصلا.!!! قلت الحمد لله إنى لقيت على الأقل نوع أعرفه  فقلت لها طب أنا عايز سرنجة جابت لى سرنجة وحاولت أملاها وأطلع الهوا ((ولازم أطلع الهوا من السرنجة وإلا هيسبب فى توقف ضربات القلب وأموت برضه)) لكن لأنى متعود على نظام الpenfill  اللى هو بيعتمد على نظام أتوماتيكى بضغطة زر فكان صعب على أطلع الهوا من السرنجة طلبت من أصحابى الإتنين يجربوا لأنهم عندهم خبرة سابقة بسبب إن أهاليهم عندهم سكر برضه فمعرفوش لأن السرنجة سنها طويل فجت لى فكرة ما دام أنا لسه فى الصيدلية طب مأقول للصيدلانية اللى واقفة إنها تعدل السرنجة..!!! قلت لها لكن المصيبة اللى أكبر من اللى فات كله إنها قالت لى مأعرفش إزاى  أومال مين اللى مفروض يعرف...عم حودة الحلاق مثلا..!!!  بعد محاولات مع نفسى ظبطها وأعدت أدعى ربنا وأنا بأخدها لا قلبى يقف وأموت مطرح ما أنا واقف لكن الحمد لله ربنا سترها وكملت اليوم بتوفيق كببييييييير جدا من ربنا  مع العلم إنى أخذت إنسولين 30 بسرنجة 100 ((وللأمانة أنا اللى طلبت منها سرنجة 100لأنى بقدر أعرف تقديرها على الأقل)) الفضيحة هنا يعنى إيه نهتم بالعواصم والمناطق المهمة فى البلد ومناطق الريف فى الإسماعيلية على سبيل المثال تعانى من قلة الصيدليات وعدم تأهيل اللى واقفين فيها للتعامل مع المرضى حتى فى إعداد السرنجة طب مش الناس دولة بشر ومتعرضين للإصابة بأمراض مختلفة كتيرة أقلها السكر اللى أنتشر كتير جدا فى مصر وفين خريجى الصيدلة من كل دفعة.؟؟ بيروحوا فين وليه الدولة متهتمش بكده فين وزارة الصحة..؟؟  ولا دولة مش مصريين زينا زيهم؟؟  أحمد ربنا إنى قدرت أتصرف وأتعامل مع الإنسولين اللى قدامى وفضلت عايش لغاية ما أكتب الكلمتين دول 
|
|
#3
25-07-2011, 02:20 AM
|
||||
|
||||
بجد عندك حق
والحمد لله ان ربنا ستر وحمد الله عل السلامة
__________________
قال رسول الله صلى الله عليه وسلم :
"من قال : لا إله إلا الله ، وحده لا شريك له ، له الملك وله الحمد ، وهو على كل شيء قدير . في يوم مائة مرة ، كانت له عدل عشر رقاب ، وكتبت له مائة حسنة ، ومحيت عنه مائة سيئة ، وكانت له حرزا من الشيطان يومه ذلك حتى يمسي ، ولم يأت أحد بأفضل مما جاء به ، إلا أحد عمل أكثر من ذلك"
|
|
#4
25-07-2011, 03:02 AM
|
|||
|
|||
|
أولا : الحمد لله ربنا سترها مع حضرتك
ثانيا : المشكلة دى مش في المناطق الريفية وبس المشكلة دى هنلاقيها في كل صيدلية في مصر ( إلا ما رحم ربي ) أي حد دلوقتي بيقدر يقف في صيدلية طالما بيعرف يقرأ خط الدكاترة ودة غلط وعدم مسئولية وعدم تقدير لوظيفة الصيدلى الموضوع محتاج وقفة بس ياترى ممكن حد يسمع ؟؟ ربنا يتولانا برحمته ويسترها عى مرضانا ومرضى المسلمين
|
|
#5
25-07-2011, 09:41 AM
|
||||
|
||||
|
مهو للاسف بقي ده العادي
بيبقوا ناس دبلوم تجارة ولا صنايع (مع احترامي الكامل ليهم ) ويوقفوهم فالصيدليه ومتعرفش الصيدلي بيغطس فيييييين؟؟؟ اهو سنة ولا سنتين بقي ويلس نضارة وبالطو ويتقالو يا دكتور ....حاجه املة يعني ولا تعب ولا ثانوية ولا 5 سنين كلية هو احنا عالم تالت من شوية؟؟؟؟؟ بس نصيحة يعني عشانك خلي دايما معاك امبول وسرنجة احتياطي عشان لو حصل اي ظروف كده تعرف تتصرف الحمد لله انك كويس وحمدلله علي سلامتك
|
|
#6
25-07-2011, 12:26 PM
|
|||
|
|||
|
الحمد لله علي سلامتك
|
|
#7
25-07-2011, 12:34 PM
|
||||
|
||||
|
حمدا لله علا سلامتك احمد ربنا
هنعمل ايييييييييييه بس سياسة دولة تيييييييت اساسا الصيدلى دلوقتى ما هو الا بقال طبعا مع احترامى لكل الصيادلة اللى شايفين شغلهم بس بجد بقت حاجة تخنقق وفيه ادوية كتيرة مش بتبقا موجودة فى اى صيدلية فى بلدى فبنضطر نسافر مخصوص للعاصمة عشان نجيبيها اوامل هى صيدلية لييييييييييه عشان الشامبوهات والكريمات بسسس هو ده اللى فالحين فيه ياسااااااااااااااااااتر
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
|
#8
26-07-2011, 12:52 AM
|
|||
|
|||
|
اقتباس:
الله يسلمك يا رب للأسف كلامك صح أنا أعرف ناس أصغر منى بكتير حوالى 16 سنة وواقفين فى صيدليات كبيرة فى منطقتنا..لكن على الأقل بيبقى فيها دكتور مش من غير حد خالص :"( مظنش إن حد هيسمع للأسف نظام مبارك موجود بنظامه الروتينى لسه
|
|
#9
26-07-2011, 01:07 AM
|
|||
|
|||
|
اقتباس:
النقطة هنا...فين الرقابة على الصيدليات...؟؟ الله يسلمك فعلا نصيحة وفكرة حلوة إن شاء الله هأنفذها على طول شكرا ليكى
|
|
#10
26-07-2011, 01:15 AM
|
|||
|
|||
|
اقتباس:
الله يسلمك الحمد لله والله أيوووووووووووة انت جيت عالجرح يعنى إيه الصيدلية كلها شامبوهاااااات اللى بتبقى موجودة فى أى سوبر ماركت وميبقاش فى الصيدلية أدوية مهمة وأساسية بالذات زى ما أنت بتقول ...لازم تسافر للعاصمة طب لا قدر الله لو أنت حصل لك ظروف وعايزة علاج فورى تعمل إيه..؟؟ ربنا يرحمنا برحمته وألف شكر ليكم على ردودكم والله يسلمكم كلكم
|
|
#11
26-07-2011, 05:52 AM
|
|||
|
|||
|
لا تعلــــــــــــــــــــــــــــــــــيق
|
|
#13
24-08-2011, 10:17 PM
|
|||
|
|||
|
الحمد لله ربنا ستر وربنا يرحمنا برحمته ويسترها معانا في الظروف الصعبة
هي فعلا مشكلة بس احنا الجيل دلوقتي لازم نغير طالما النظام لسه متغيرش ولازم كل طالب متخرج من اي كلية يكون مهيئ نفسه ومستعد للظروف اللي موجودة دلوقت وحمد لله على السلامة
|
|
#14
25-08-2011, 05:31 AM
|
|||
|
|||
|
حمد الله ع سلامتك
كويس انها جات لحد كدة والله كله محتاج اهتمام الصيادلة والاطباء والمهندسين والمحاسبين وكله نظام البلد عاوز يتغير بالكامل وحمد الله ع سلامتك مرة تانية
|
|
#15
25-08-2011, 06:00 AM
|
|||
|
|||
|
نو كومنت بس ربنا يشفيك ويزيح عنك يا رب
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:29 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
