خبر هام من الجمهورية

[مصراوي موت]

شوفوا الخبر ده وياريت يكون صحيح والله انا مش مصدق بس موجود في الجمهورية العدد بتاع الخميس 22-9-2011


http://www.algomhuria.net.eg/algomhu...e/detail00.asp

[aboaldehb]

بشاير الخير ....يارب يكون الخبر صحيح ويعمل

به من الان وليس فى المستقبل

[wahsh2008]

ربنا يقدم اللى فيه الخير

[youssefsh]

خبر جامد جدا

[mos3d]

يعنى بالعقل كده
هل ممكن تكون الحكومة رفعت الحوافز و لا تبلغ بها المعلمين و لا تبلغ إلا جريدة الجمهورية ؟ على الأقل كانت الحكومة أسرعت بالإعلان علشان المعلمين يبطلوا إضراب .

[رضاك الجنة]

الجمهورية جريدة رسمية ولا اعتقد الكلام يكون غلط لان هناك ارقام مرصودة كمان ربنا يسهل بس لو حصل كدة عفا الله عما سلف ولا نكون طماعيين علشان ظروف البلد وكتر خيرهم

[دكتور/ ياسر زكريا]

يا أساتذة ركزو وافقت المالية بشكل مبدئي ، كلمة مبدئي اعتقد غير مريحة

[dr.mhmud]

مطالبنا عندهم
واحنا مش مستعجلين
براحتهم
إضراااااااااااااااااااااااااااااااااااب

[learnme1000]

ربنا يقدم اللى فيه الخير

[طه السعدني]

يا أساتذة
الخبر صحيح أشار إليه الوزير في لقائه يوم الثلاثاء مع المذيعة لميس الحديدي
وقال هناك محاولات لفصل مكافأة الامتحانات عن الحافز لكن لن يستفيد من استبعاد المكافأة إلا المعلم المساعد و المعلم و المعلم أول فقط ليه ؟
المعلم المساعد 25 حافز +50 بدل معلم + = 75 يتبقى له من 200% 125%
المعلم 25 حافز + 50 بدل معلم + 50 بدل اعتماد = 125 يتبقى له من 200% 75%
المعلم أول 25 حافز + 50 بدل معلم +75 بدل اعتماد =150 يتبقى له من 200% 50%
أما معلم أول أ و خبير و كبير فليس لهم شيئ هو ده كلام الوزير أول أمس
كده يبقى المدرس اللي أفنى طول عمره في التعليم أولاده بيحصلوه و كأن هو ليس عليه أعباء و كبر سن و لا صحة في النازل و لا شيئ يبقى إيه اللي يفرح
و بعدين هذه النسب مقارنة بأساسي الراتب هزيلة من الأصل
كمان يستفيد بصورة مباشرة الأخوة الإداريين ترد لهم نسبة المكافأة كاملة في الحوافز مع الاحتفاظ بالمكافأة
المطلوب فصل الكادر و المكافأة عن الحافز تماما

[mohammed4405]

انتوا ناسين جريدة الجمهورية و الاخبار والاهرام عند تطبيق الحافز ال200% قالوا ايه وارقام ايه وطلع كله كدب

[adel3742143]

متفرحوش قوى دة لايخدم ال فئة صغيرة وهم المعلم والمعلم المساعد والمعلم الاول
اما المعلم اول أ فيما فوق خرجوا من المولد بلا حمص
وبكدة هو ضرب المعلمين فى بعضهم
هى سياسة لم تحدث فى اى وزارة اخرى

[مصراوي موت]

يا جماعة احنا مضربين لحد ما نشوف ايه الي هيحصل مش هنصدق اي حد الا لما يكون كلام رسمي

[عبدالنبي الحداد]

الخبر واضح ان هيتم استبعاد نسبه المكافاه الى بتمثل 85% من الاساسى من جمله ال 200% يعنى الكل هيزيد ال 85% بجانب حافز الاداء الى تقرر من قبل

[سعدفرغلي]

الخبر يقول ان المالية اقرت مبلغ 500 مليون لاضافة 85 فى المائة هى قيمة المكافاة بعد استبعادها من حافز الاثابة وفى السابق اقرت مبلغ مليار واربعمائة مليون جنيه لبدل الاداء الاقل فى النسبة من قيمة المكافاة المفروض المبلغ المخصص لاستبعاد المكافاة يكون اكثر بكثير عن المليار واربعمائة مليون فكيف يخصص مبلغ 500 مليون لحافز 85فى المائة سياسة الكزب والاستخفاف بعقول الشعب مازالت مستمرة