لو صادفك انسان اعمى وطلب منك ان تصف الدنيا ماذا ستقول له ؟؟

[Dr.Rawan M.Fakhry]

السلام عليكم ورحمة الله وبركاته


إخوتي الأحبّة


أحببت أن نقف للحظات مع أنفسنا ونتعرّف عليها
ففي زحمة أحداث هذه الدنيا قد نكون نسينا أنفسنا ,,

دعنا نعيد قراءة أنفسنا من خلال نظرتنا لهذه الحياة,,

كيف نرى هذه الدنيا ؟؟

لا أقصد أن نبحث عن إجابات فلسفيّة أو خياليّة أو افتراضيّة

بل أريد أن نعرفّها تعريف حقيقي وفق رؤيتنا,,

وحتى أزيد الأمر وضوحاً سأختصر هذا الموضوع بسؤال واحد فقط وأطلب من كل واحد أن يجيب عليه بمنتهى الصراحة والوضوح

السؤال هو:
لو صادفك إنسان أعمى ابتلاه الله سبحانه وتعالى بفقدان نعمة البصر وأراد منك أن تكون أنت عيونه التي يرى فيها هذه الحياة

كيف ستصفها له وصفاً تجعله يعيشها كما تراها؟؟

هيّا إخوتي ننتظر كل واحد منكم أن يصف له هذه الدنيا فماذا ستقولون له؟؟؟

[ياسمينايا]

الدنيا دى سلاح ذو حدين ..

الحد الاول :الفساد بكل انواعه والاستمتاع بكل ملذات الدنيا ما تم تحليله وتحريمه ..والعمل في الدنيا وكأن الاخره ليس لها أدنى وجود..

الحد الثانى:الاستمتاع بالدنيا في حدود ما امر الله به ..لان طالما امر بيه ربنا فهو خير لينا ..والعمل في الدنيا للاخره ..وادخار الحسنات ليوم الحساب ..

شكرا ع الموضوع الجميل ..

[Dr.Rawan M.Fakhry]

ميرررررررررررررررررررررررررررررسي علي مرورك

[Dr.Rawan M.Fakhry]

اسعدتموني بردودكم دمتم بود
اختكم
Dr.Rawan M.Fakhry

[Egyptian and proud_riham]

والله انا شايفة ان الدنيا دى ماتستهلش ان اى شخص يزعل على حاجة فاتته فيها لان ماينفعش انسان يفرح دنيا واخره

[memo_man]

عاوزة الصراحة انا لو واحد سالني بصراحة مش هعرف ارد عليه لاني مش عايز حاجة من الدنيا من الاخر مكبر دماغي وسايبها على الله

[amenelhoda]

السؤال ده ملهوش رد
انت تسكت وتقول سبحان الله

[amenelhoda]

قول سبحان الله

[انا مسلمه]

او رد هيكون

يابختك يا حج

احنا عايشين في غدر وخوف من كل شئ صراع على حاجات ملهاش حل

تاني رد

بس ربنا يصبر حضرتك

اصل احنا بقينا في تكنولوجيا حلوه اوي

وفي بلدنا لو حد تعب او حصل مشكله الناس كلها هتجري وراه ومش هتشوف كم الناس الي بيجروا عليه

ومش عارفه اعبر لحضرتك كويس

في رعاية الله

[Nada Ahmed 2050]

هقولوا
بلاش احسن والله ما تستاهل امممممممممممم كده احسن يا بختك انت مغمض مش بايدك انت لو شوفت انت الى هتغمض ينفسك

[اسماعيل البدرى]

هقولو خليك اعمى احسن انت كدة احسن بكتير

[fehasr]

الحمد لله الذى خلقك اعمى حتى لا ترى وجوه الناس

( مقتبسة من طه حسين )

[my life]

لو سألنى هقوله انت فى نعمة بلاش تفتح عينك على كدب وغش وخداع و ظلم انت ربنا بيحبك لأنه مرضاش يعذبك بأنك تشوف دنيتنا
والجانب الوحيد الجميل اللى فيها ان ربنا هو اللى خلقنا عايزنا نفضل فيها بس ربنا عايزنا نعمر فيها مش نفسد وندمر ون*** ونظلم فيها

دنيا عاملة زى جراب الحاوى كل شويه تلاقى حاجة غريبة طلعتلك منها وانتى ونصيبك إما حلوة و دى بقى بتروح بسرعة أو وحشة و دى بتفضل شويه لغاية ما يطلعلك حاجة تانية

والغريبة إن الدنيا لما بتديلك حاجة حتى لو كانت مش حلوة بتاخد منك حاجة قصادها وبعدين ترجع تاخد اللى هى اديتهوليك

يارب إحنا صابرين عليها علشانك إنت بس إرحمنا وصبرنا لحد ما نشوفك وعوض لنا صبرنا خير

[M_Ayat Bahaa]

هوصفهاله بكل صراحة لحد ما أخليه يحمد ربنا على إنه أعمى

[asmaa232]

هقوله الدنيا دى احنا اللى فى ادينا نخليها حلوة زى ما احنا عايزين او نخليها كلها يأس وملل