إتصل بمحمول الرئيس لتحدثه عن غزة..!

[مسيو إيهاب]

إتصل بمحمول الرئيس لتحدثه عن غزة..!

منذ أكثر من عام كتبت موضوع بعنوان رقم محمول الرئيس واليوم اكتب عن نفس الموضوع ولكن هذه الدفعة من المكالمات لم تحدث الرئيس عن مشاكل البطالة والفساد والعنوسة كسابقتها ولكنها تحدثت معه عن ما يحدث في غزة ....
أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :
((إتصل برقم الرئيس ..وإنت وأهلك تهيص .... ))
((إتصل بالرئيس ... يكون لك خير ونيس ....))
ولم تنس الدعاية المرأة في هذه الحملة فكان منها ما يقول :
(( إتصلي بالرئيس .... وبكره يجيلك العريس .... ))
وكان للأطفال أمل الغد أيضاً نصيب فكتبت لهم إعلانات تقول :
(( كلموا عمو الريس .... قبل ما يموت ويفيص ))
هذا خلاف الإعلانات التليفزيونية والكليبات المثيرة التي رصد لها الملايين حتي تخرج الحملة بصورة مشرفة ووطنية ....
وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :
آآآلو الريس فين ... الريس هنا ...هنا هو ... أقولوا مين بيكلموا ...
وذلك لأن هذه الأغنية سهلة وتوحي أن الرئيس قريب ومتواصل مع شعبه ...
وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...
جاءت ساعة الصفر .... وبدأت الخدمة ... وتلقي الرئيس عدة مكالمات :

المكالمة الأولي :
- ألو ....
- أيون ...
- إنت الريس ...
- أيون يا حبيبي ... إيه مشكلتك ....
- أنت ياريس شايف ما يحدث في غزة وكل يوم يموت العشرات ويجرح المئات وأنا متعجب جداً إن حضرتك لم تفعل أي شيء سوي إرسال بعض المواد الغذائية في حين أمريكا أرسلت عدة أطنان من الذخائر لإسرائيل ..

- بص يا مواطن السلام هو خيارنا الإستراتيجي وخيارنا الصوب إنت عايزني أرسل أسلحة لغزة إنت عارف معناه إيه ده ...امريكا حتشيلني تاني يوم وما فيش حد من الشعب حيقف معايا لأني أنا في مكاني ده ليس برغبة الشعب ...أنا أخذت الحكم بالوراثة أو بالتزوير أو بإنقلاب عسكري ..يعني ما حيصدقوا ويكسروا ورايا زير..!


المكالمة الثانية :
- ألو
- أيون
- الريس معايا شخصياً
- أيون ... قول يا مواطن ... إيه مشكلتك ...
- أنا ياريس بموت كل يوم وأنا بشوف أطفال بالعشرات بيموتوا وغزة يتم هدمها علي رؤوس أهلها ممكن ياريس تطرد السفير الإسرائيلي من الوطن أهوه خطوة والسلام ..
-أنا مش عارف ماذا حدث لكم يا مواطنين .. كل واحد عامل فيكم أبوالعريف في السياسة ..إنت عارف حيحدث إيه لو طردت إسرائيل ...؟
امريكا حتشيلني تاني يوم وما فيش حد من الشعب حيقف معايا لأني أنا في مكاني ده ليس برغبة الشعب ...أنا أخذت الحكم بالوراثة أو بالتزوير أو بإنقلاب عسكري ..يعني ما حيصدقوا ويكسروا ورايا زير..!


المكالمة الثالثة :
- ألو ....
- أيون
- الريس حبيبنا معانا ....
- أيون أيوه كده ....إيه مشكلتك يا حبيبي ...؟؟
أكيد حضرتك عارف إن غزة الآن تحمل راية المقاومة للأمة بأسرها نفسي ياريس تعملوا قمة عربية وإن كنتم تأخرتم كثيراً بس خطوة تقفوا فيها وراء المقاومة وأصحاب الحق ...
- إيه يا مواطن الكلام ده مقاومة إيه وهجص إيه ..؟
- إنت عايزني أعمل قمة عربية دون أن أحصل علي الإذن من أمريكا ...!!
- إنت عارف لو عملت كده ممكن يحصل إيه ..؟
- امريكا حتشيلني تاني يوم وما فيش حد من الشعب حيقف معايا لأني أنا في مكاني ده ليس برغبة الشعب ...أنا أخذت الحكم بالوراثة أو بالتزوير أو بإنقلاب عسكري ..يعني ما حيصدقوا ويكسروا ورايا زير..!
-

دبببب ...وتم غلق الخط ....

المكالمة الارابعة ...
- ألو ..صباح الخير ياريسنا يا جميل ...
- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...
ياريس أنا سمعت إن حضرتك خايف تعمل أي تصرف جاد وقوي تجاه غزة علشان أمريكا لا تغضب وتشيل حضرتك ..
- أيوه كده الله ينورك عليكي ..
- طيب في حل ياريس ...حضرتك تترك الحكم بمزاجك لأي مواطن يختاره الشعب يكون لا يخاف من أمريكا ..؟
- أترك إيه..؟
- وأنا إللي بقولك يا جميل ده أنا حخفي خبرك .؟
دبببب ...وتم غلق الخط ....
-

وأخيراً ... حد عايز الرقم يطلب ويجرب ويكلم الرئيس بتاعه عن غزة .....أم أن هناك من هو سعيد بموقف رئيسه مما يحدث في غزة ..!
منقول للأمانة