|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-02-2009, 05:02 PM
|
|||
|
|||
يومك اسود النهاردة من اوله
اشهر 55 جملة بيقولها الاب و الام في مصر ازاي تعرف انك اتربيت في بيت مصري سمعتها اكيد قبل كده مش كده ؟؟؟؟؟؟ ................................... .......................... ................ ........ .... .. مش عايزة اسمع صوت ماتردش عليا تقعد في اول صف ادام السبورة لو مش فاهم حاجة ارفع ايد وقول للاستاذ متتكسفش اللي بيشيل قربة مخرومة بتخر عليه لوحده و مالها الكتب بتاعة الوزارة؟ بص كويس و انت بتعدي الشارع ماتتأخرش بعد المدرسة وتصيع مع صحابك افرد ضهرك (( و دي اكتر جملة اتقالتلي في حياتي)) بتذاكر ازاي و البتاع ده شغال جنبك؟ ماتمشيش حافي (( و في مرحلة معينة ماكنتش بسمع غيرها الجملة دي )) ربنا يهديك اطفي التليفزيون و قوم ذاكر اقفل صدرك اوعا تاخد من حد حاجة بلاش وقفة الشبابيك والبلكونات لو فلحت ابقا تعالي اعمل بي بي علي قبري ((( جملة فيها خيال واسع اوي ))) كل علي مهلك...امضغ كويس...كل من ادامك...ماتحفش...ماتزلطش.... كفاية رغي في التليفونات ماتقعدش قدام المروحة وانت مستحمي الفيلم مش هينفعك وانت فاكر ان احنا مستنيين منك حاجة؟ ماتعليش صوتك كفاية لعب في الشارع يا بني اللي ذاكر ذاكر خلاص..اطفي النور وقوم نام بقا بلاش لعب بالمقص بيجيب الفقر يابني كلم خالتك العيانة اوعا حد غريب يديك حاجة تاكلها ولا تشربها النوم لحد الضهر بيجيب الفقر اوعا تكدب عليا تاني مرة لازم تاكل سلطة اشرب اللبن..... كمل الكوباية... لو شفت خناقة مالكش دعوة بيها عيب احترم اللي اكبر منك كلمنا لما توصل مالكش دعوة بالسياسة بلاش اكل بره ماتلبسش القميص علي اللحم زي العيال الصايعة يابني انت مسطول ولا ايه؟ انت فاكرنا نايمين علي وداننا وطي المدعوق ده شوية يابني قوم اقرا كلمتين ينفعوك (( الكلمة دي سبب عقدتي م القراية عموما)) ايه الخيبة و الاستهتار اللي انت عايش فيهم دول؟ انت فاكرنا لاقيين الفلوس دي في الشارع و الله مانت نافع وادي دقني اهه ماتصوتش في الحمام اغسل رجلك وسنانك قبل ماتنام ماتلزقش في التليفزيون كده ((ساعتها ماكنش في كمبيوتر)) سلم علي عمك كويس يابني محدش بينفع حد ماطلعش ايدك من شباك العربية هقطم رقبتك...هعقطع ايدك...هقطعلك لسانك..هدبحك عارف اوضة الفيران ....هحبسك ((موضة قديمة)) ربنا يرزقك بعيل يوريك اللي ورتهوني ماتطلعش ع الملاية النضيفة برجليك المعف....... دي ماتقعدش عريان كده قدام اخواتك...ياواد قوم البس حاجة يا واد... اقلب القناة دي بلاش مسخرة وقلة ادب نسيت تشرب نسيت تاكل ..نسيت تاخد المصروف ..نسيت تعكنن علي اهلي؟ طلع ايدك من جيبك وانت بتكلمني يومك اسود النهاردة من اوله عايزة ابص الاقيك ادامي دلوقتي حالا ماتتشقاش في الفسحة وكل سندوتشاتك كلها ادي اللي انت فالح فيه ياللا يا ابو كحكة حمرا...ليك نفس تضحك يا فاشل؟ الكلام ده يا جماعة اتقال للعظماء كلهم في صغرهم ماتتكسفوش تعترفوا ....................... ............. ....... ....
__________________
آخر تعديل بواسطة M.Sherif ، 12-02-2009 الساعة 05:11 PM |
|
#2
12-02-2009, 06:12 PM
|
||||
|
||||
|
افرد ضهرك (( و دي اكتر جملة اتقالتلي في حياتي)) يمكن حضرتك طويل ذى ماأنا طويل ماتلزقش في التليفزيون كده بنفذ كلامهم وبلذق فى الكمبيوتر وانت فاكر ان احنا مستنيين منك حاجة؟ واللى بياكل على درسه بينفع نفسه وماحدش هينفع حد والله دى اكتر جملة بتتقالى شكرا على الموضوع بس أنا باشك أن حضرتك قاعد معانا فى نفس البيت آخر تعديل بواسطة الضوء الشارد ، 12-02-2009 الساعة 06:16 PM |
|
#3
12-02-2009, 06:16 PM
|
||||
|
||||
|
الموضوع دمه خفيف أوى
بس أنا الصراحة مسمعتش الكلام ده قبل كده يمكن علشان أنا فضلت فترات طويلة بعيد عن اهلى ومش مقيم معهم بصفة دايمة بس بجد الموصوع ظريف أوى |
|
#4
12-02-2009, 07:01 PM
|
||||
|
||||
|
بص كويس و انت بتعدي الشارع
لازم تاكل سلطة اكثر جمل قيلت لى موضوع جميل جزاك الله خيرا
__________________
 |
|
#5
12-02-2009, 07:03 PM
|
||||
|
||||
|
الجزء الثاني(اشهر الجمل اللي بتتقال للزوج المعاصر)
اهدي لك اخي شريف اهم العبارات اللي بتتقال في بيتك التاني بعد ما بتتجوز
وبعد ماتسمعها فكر كويس ياتري عباراتك في بيت الاسره ارحم ولا عبارات المودام ؟؟؟؟ *اهو ده اللي انت فالح فيه *خد العيال احلق لهم *عاوزين سباك الحمام بقت ريحته تقرف *انت هتفضل اعد كده لا شغل ولا مشغله؟ *انت كنت فين من صباحيه ربنا؟ *ومالك واخد بالك من نفسك كده مانت طول عمرك مبهدل وحالتك بالبلاه *اه ياني من عينك الزايغه دي *عاوزه اروح للكوافير شعري شوف لي 200 جنيه *فين يا راجل التايير اللي قلت هاتجيبهولي في عيد ميلادي؟ *امي ولدت عاوزيين نروح ننقطها *البيت فاضي مافيهوش لقمه واحده *مين اللي كانت بتكلمك في التليفون؟ *شكلك كده مايطمنش زي ماتكون عامل عامله *بتبص علي ايه يامنيل ...عاجباك ؟ *سناني بتوجعاني عاوزه اروح للدكتور *امي بتسال عليا عاوزه اروح لها..ولازم اخد لها حاجه وانا رايحه *خلي امك تبعد عننا علشان بتحشر نفسها في اللي مالهاش فيه *مصروف البيت مايكفيش نجيب عيش حاف *انت حاطط ايدك في الميه البارده وانا دمي بيتحرق *ياراجل اتلحلح شويه وشوف الدنيا ماشيه ازاي *قرفتني في عيشتي كان يوم اسود يوم ماتجوزتك *اللي خدته القرعه تاخده ام الشعور ******************************** فكر كويس ودي رساله الي كل شاب .. خليك في المضمون...طبعا انا بهزر لان الموضوع كله ساخر من اوله لاخره
__________________
اللهم أني اعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال آخر تعديل بواسطة مسيو وليد عسكر ، 12-02-2009 الساعة 07:22 PM |
|
#6
12-02-2009, 07:09 PM
|
|||
|
|||
|
هههههههههههههه
ايه ده يا استاذ شريف كل الكلام الكبير ده وطلعت فالح واستاذ كمان ما شا الله اكيد طبعا معظم الكلام ده بيحصل فى اغلب البيوت المصريه لان الابناء بيعصبوا الاباء ومش بيسمعوا الكلام ببساطة ربنا يكون فى عون الوالدين ويقدرهم على تربيه ابنائهم احسن تربيه شكرا على الموضوع |
|
#7
12-02-2009, 07:11 PM
|
|||
|
|||
|
اقتباس:
طيب استاذ شريف بيكلم عن الابناء انت دخلت شمال كده فى الزوجة كده هتلاقى هجووووووووووووم وفير من سيدات المنتدى ههههههههههههههه |
|
#8
12-02-2009, 07:14 PM
|
||||
|
||||
|
طبعا السيدات علي دماغنا من فوق وهم النصف الحلو في حياتنا
الموضوع كله ساخر وبنخرج شويه من الموضوعات التقليديه
__________________
اللهم أني اعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال |
|
#9
12-02-2009, 07:20 PM
|
|||
|
|||
|
مو ضوع جمييييييييييييييييييل يا أستاذ شريف ده كلامى لعمر وحبيبة
انا خارجة دلوقتى وللحديث بقية لما ارجع
__________________
Life is so short, so fast the lone hours fly,
We ought to be together, you and I. Miss you every hour and every moment of everyday sweetheart |
|
#10
12-02-2009, 08:29 PM
|
||||
|
||||
|
ههههههههههههههههههههههههههههه
طبعا الموضوع جامد موت ودمه خفيف
وكمان اضافة مسيو وليد "رغم انه متحيز لأبناء نوعه" بس فعلا كنا محتاجين موضوع خفيف بعد كل احداث الفترة السابقة والمستمرة إلى الان واقترح نخليه موضوع مفتوح عن "اشهر الجمل فى البيت المصرى" شكرا استاذ شريف بجد الموضوع جه فى وقته
__________________
يا من تحن إلى غد فى يومه...............قد بعت ما تدرى بما لا تعلم!!!!!!!!!! 
|
|
#11
12-02-2009, 08:35 PM
|
||||
|
||||
|
بعد اذن اخويا شريف هرد على رسالة مسيو وليد في الاول اقتباس:
__________________
 |
|
#13
12-02-2009, 08:43 PM
|
||||
|
||||
اقتباس:
ههههههههه ردك زي العسل وتعليقك اظرف ربنا يرزقك ببنت الحلال
__________________
اللهم أني اعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال |
|
#14
12-02-2009, 08:58 PM
|
||||
|
||||
|
اقتباس:
الموضوع كله ضحك وهزار وتغير لحده الموضوعات السابقه خالص شكري لمرورك العطر
__________________
اللهم أني اعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال |
|
#15
12-02-2009, 09:01 PM
|
||||
|
||||
|
اخى شريف ا الايام دول
هانت ربنا يتمملك بخير وتجوز قريب وتكعبل بالعيال وهتلاقى نفسك من غير ما تحس بتقول حوالى 50 جملة بس من دول زينا دلوقتى بالظبط وابقى افتكر كلامى ولاخونا وليد طب والله بالرغم من انه هزار بس فى شويه كلام منه بيتقال وسبحان الله متعرفش النوم بيكبس عليه سعتها ازاى بقدرة قادر الله المستعان وربنا يقوينا على العيال وابوهم |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:41 AM.
