|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-01-2009, 08:40 PM
|
||||
|
||||
رحلة فى اتوبيس العاصمة
ف يوم من الايام وانا واقف مستنى الاتوبيس   رقم 2554 المتجه الى ...فجأة يظهر الاتوبيس بعد حبة ـمش كتيرـ طبعا عشان انتوا عارفين الاتوبيسات اليومين دول مش بتاخر  وصل الاتوبيس بعد انتظار حوالى 4 ساعات حمدت ربنا طبعا وشكرته انه متأخرش وجه بسرعة  و اتضايقت اوى عشان انا كنت نازل من البيت بدرى قولت عشان لو اتاخر واللى حاجة والحمد لله كانت المحطة شبه فاضية يعنى من 70  ?3: شخص بس واقفين مستنيين الاتوبيس يوصل عشان اللى يعرف يركب يركب والباقى اهوا منهم شافوا الاتوبيس واطمنوا عليه  وبكل بساطة ونظام قدرت اركب الاتوبيس اد ايه الناس متعاونة فى الموضوع دا بالزات المهم ركبت ورميت بعينى كدا نظرة معرفتش اجيب فيها الاتوبيس لا من اول ولا اخر لقيت عالم تانى ودنيا تانية واخيرا لقيتلى مكان كدا فى ماصورة يادوبك امسك بايدى ورجلى واحدة على الارض والتانية مش لاقيها خيط وبكرة طبعا وانا كنت اتمنى اللى انا فيه دا اجمل حاجة بقى لاحظتها الهدوء  اللى كان يعم المكاناد ايه كان كل واحد فى حاله يعنى تلاقى الناس كلها بتتكلم فى وقت واحد اللى يعرف بعضه  واللى ميعرفش ناس عشرية نعمل ايه بقىوطبعا الكلام دا مش على الفاضى كدا وخلاص لا كلام كله هادف يعنى مثلا تلاقى فى الكرسى الاول مكتوب عليه بالبنط العريض للمعوقين فقط/للسيدات فقط/ ممنوع التدخين مغرقة الاتوبيس كله دا القول بص للفعل تلاقى جوز شباب شحطة قاعدين ولا فى دماغهم الناس  اللى واقفة كبير من صغير من حريمما علينا اسمع بقى الحوار اللى داير بين الشابيين س ،ص س :شوفت امبارح البرنامج بن... ال ايه جايبيين الواد بن ... بتاع النادى الاحمر وبروح امه بيتكلم على الدورى ومش مكسوف وهما عمالين يتغلبوا كل شويةص :ايوا شوفته دا حتى كان شكله خربان طينةس :ياراجل هوا بيشرب مخدراتص :يابنى دا اساسى مش لاعيب كرةس :بس ياجدع هوا النادى بن.... هوا السبب الواد كان كويس قبل اما يروح هناك انا عارفهص :فعلا النادى دا شكله فيه حد كبير من اياهم مش عايزيه يكسب وعايزين يدمروا النادى واللاعيبةبس انت تعرف الواد دا منين انت بتشتغلنى دا انت اخرك تشوفه فى التليفزيون س :مش مصدق طب استنى اكلمهولك على الموبايل ص :خلاص ياجدع متحلفش مصدقكاقفل بقى الحوار دا احسن انا اتخنقت من النادى ومن الكرة ومن الفيفا نفسها يطلع صوت من الناس الواقفة عند اقرب ماصورة من شاب كروى فى الدورى المظلوم شده الكلام عن الكرة ع:لا ياعم كلمه احسن شكلك فييس بوء انت وهوا اصلا ولا بتفهموا فى الكرة س :وانت مالك ياعم الامور انت رامى ودنك ليه اصلاع:يابنى انت اللى صوتك واصل لاخر الدنيا متوطى صوتك ياعم صدعتنا ص :ونوطى صوتنا ليه هوا فيه حد ليه عندنا حاجة ناس غريبة صحيحس :سيبهولى انا هاتصرف معاهص :لا متعصبش نفسك على واحد زى دا انا هاتعاملوطبعا بهدلوا الراجل  وعملوا اللى ميتعملش والناس بقى تتفرج والاتوبس اتقلب خناقةودا كان اول كرسى معانا انتظروا باقى الباص منقول انا شايف ان الهدف منها مش انها مجرد قصة او حدوتة
بس ياريت اللى بيقرا يركز كويس ويبص على السلبيات والايجابيات الموجودة بين السطور ونتناقش فيها ونفيد بعض
__________________
 آخر تعديل بواسطة همس ، 16-01-2009 الساعة 07:22 AM |
|
#2
12-01-2009, 08:49 PM
|
||||
|
||||
|
هههههههههههه مستنيين بقيه كراسيك يازوووم
__________________
 |
|
#3
12-01-2009, 09:08 PM
|
|||
|
|||
|
السلام عليكم
حقيقى موضوع جامد جدا ومميز جدا جدا وفى انتظار باقى الكراسى
__________________
الذكريات مش مجرد كلام بتبقى حاجه محفوره فى القلب |
|
#4
12-01-2009, 10:00 PM
|
|||
|
|||
|
بكام الرحلة ده ياكبتن
|
|
#6
13-01-2009, 02:12 AM
|
||||
|
||||
|
تسلم ايدك يا عم والله
احنا تعبنا مع بعض فى الثانوى ودلوقتى برده عشان نعيش مرحلة الاتوبيسات دى ركبنا فيها اتوبيسات وطبعا جزم كتير اتلمعت في بنطلوناتنا ونار سجارة وقعت علي القمصان واللي بياكل لب في ودانا انا عارف الاتوبيسات كمل باقى الكراسى اما نشوف الركاب بس بجد تسلم يا زووم وفي تقدم مستمر ان شاء الله تقبل مروري
__________________
|
|
#8
13-01-2009, 02:12 PM
|
||||
|
||||
|
يعني ايه سبليات واجابيات تقريبا كلمة اجابيات ملهاش دور في التوبيك بحاله
__________________
 |
|
#9
13-01-2009, 09:44 PM
|
||||
|
||||
|
استنى بقيت الكراسى اكيد هيبقى فيها ايجابيات
الناس كلها مش زى بعضها
__________________
|
|
#10
14-01-2009, 01:24 AM
|
||||
|
||||
|
المقعد التانى
تانى كرسى فى الاتوبيس اختلاف السماء والارض عن اللى قلبه اد ايه كان هادى يعنى تلاقى بنت وولد قاعدين فى منتهى الهيام والهدوء الايد فى الايد والكلام من القلب للقلب  تلاقيهم قاعدين ولا كانهم فى بيتهم مالهمش دعوة بالناس اللى معاهم ولا يحترموا ان فيه مثلا طفل صغير شايفهم يقول ايه ويكبر يعمل ايه واللى شكلهم ادام الناس اللى شيفاهم ايه كنت زمان ممكن تشوف المشهد دا فى الافلام العربى القديمة تلاقى الحوار على اد انه فيه كتير سلبيات بس مضمونه ايجابى يعنى تلاقيهم يتناقشوا مثلا فى الشقة هنلاقيها ازاى وهندفع الخلو بتاعها منين والجمعية اللىانت عاملها خلصت واللى ادامها كتير ومعلش احنا ممكن ناجل موضوع الخلفة شوية لحد اما ربنا يسترها وحاجات زى كدا اسمع بقى الحوار دلوقتى شكله عامل ازاى الولد :على فكرة انا زعلان منك اوىالبنت  :ليه ياحبيبى بسالولد:جت امبارح الاغنية اللى بحبها على الاف ام وانتى ولا عبرتينى برنة واحدة احنا مش متفقين انك ترنى عليا لما الاغنية دى تيجى لا انت مبقتيش تحبينى زى الاول البنت :معلش اصل كان عندى شغل كتير فى البيت  وانت عارف لازم اسمع كلام ماما اليومين دول عشان بن خالتى دا اللى عايزة تجوزهولى ياه دا انا مش طيقاهالولد:يادى بن خالتك دا مش هنخلص بقى يابنتى ما انا قلتلك نرمى عليه البت ... انتى عارفها هتوديه ورا الشمس  البنت:لا مش هينفع يابنى دا مش زى الشباب بتوع اليومين دول دا دقة قديمة الولد:مش مهم انا عارف انك ادها ومش هتقبلى الجوازة دى وهتقفى ادام اهلك البنت:دى بس وغيره وحياتك ما انا عاملالهم فى البيت البنت المجتهدة دى اللى مش عايزة ترتبط الا لما تخلص الدراسة الولد:طب شدى حيلك بقى واسقطى سنة كدا واللى اتنين لحد اما اظبط نفسى واخلص واخش الجيش والكلام دا وفجأة يقطع حوارهم مكالمة تليفون تيجى للولد ويرد الو ايوا ياحج ازيك......ايوا زى ما اتفقنا...الساعة 10 ماشى متقلقش هاعدى عليك.....سلام بقى دلوقتى البنت:مين الحج دا الولد:دا واحد صاحبى متعرفيهوش كان عايز منى مصلحة كدا هاقضيهاله البنت:لا انا سامعة صوت واحدة بنت هيادى البنت....اللل قلتلى انك خلاص مبتكلمهاش وقطعت علاقتك بيها الولد:يابنتى لا الموضوع دا خلص خلاص البنت: لا انت بتضحك عليا وبعد خناقة كبيرة قلبت جو الهدوء اللى كان سايد المكان
تجرى البنت عند اول محطة وتنزل من الاتوبيس وراها  الولد وهوا بيحاول يبرر موقفهمنقول
__________________
آخر تعديل بواسطة همس ، 16-01-2009 الساعة 07:21 AM |
|
#11
14-01-2009, 12:35 PM
|
||||
|
||||
|
موضوعك جميل يا حازم
بس احساسى بيقولى انك مكرر او منقول  انت كده ظالم الاتوبيسات يا حازم اللى كان بيحصلى قبل ما ماما تصدر فرمان بانها تاخدنى من مكان معين من المترو  كنت استنى الاتوبيس تحت كوبرى (مكان تان غير اللى بركب منه) لاحظت انى كل ما اقف تحته الاقى حاجات غريبة بتقع عليا كانت بداية بحبيبات رملية بعد كده كبرت كبرت لغايت انى بدات احس ان الكوبرى هيتهد عليا  والناس اللى واقفين مقولكش قد ايه لطفاء وحلوين  اول ما الاتوبيس يجى بلاقى مصر كلها ظهرت منين الله اعلم وزحمة رهيبة بسيب طبعا الاتوبيس ده واستنى غيره واصلا بيبقى نادر لما اتوبيس يكون جاى عندنا وبفضل واقفة تقريبا الساعة بتلف كتيير  لما الاتوبيس بيجى بيكون لا فاض ولا زحمة بيبدا يتزحم وبحس ان الناس هتقعد عليا او بيستخسروا الكرسى ورغايين بطريقة صعبة اللى بيتكلم فى الموبايل بيحط مكرفون فى بقه بحس انه مش بيسمع اللى بيكلمه لا ده بيسمع الشعب المصرى كله هو بيقول ايه ده غير اللى شايليين حاجات كتيير وعمالين يلفوا بيها قبل كده واحدة عجوة قعدت جنبى وولادها كبار واقفين رفضوا انى اقوم بعزم عزومة مراكبية  اشيل منهم حاجة احطها عليا وكده لاقيتهم صدقوا وادونى الشنط اللى فى ايديهم كلها بقيت قاعدة انا مش باينة من الحاجة اللى محطوطة والست بتقولى انتى طيبة اوى بصتلها قلتلها اه اوى دى بتحصل عجايب اقول ايه بس ربنا معانا ومع الاجيال القادمة . . . . . . . منتظرة باقى الكراسى
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#12
14-01-2009, 08:55 PM
|
||||
|
||||
|
موضوع مسلي بجد بس تقريبا ملوش صلة بالواقع أو مينفعش نفرضه علي الاتوبيسات بس أو حتي ظاهرة
__________________
|
|
#13
16-01-2009, 01:03 AM
|
||||
|
||||
|
طب عشان شايفكم زهقتوا من السلبيات وعمالين تقولوا ايه دا مش لاقيين اى ايجابيات والاتوبيس كله من اوله لاخره غلط
لا انا باعترض على كلامكم دا انتوا شكلكوا زهقتوا من المشوار بس مش اكتر عشان طويل شوية على العموم انا جيبتلكوا حاجة من الايجابيات اللى فى الاتوبيس وكمان بتستهلك الوقت اللى ضايع فى المشوار يعنى احسن ماتروحوا الشغل واللى اللى رايح مدرسته واللى مروح يستريح فى بيتهم خليكوا فى الاتوبيس احسنلكوا صدقونى يعنى فى البيت مش هتلاقى واحد طالعلك يعدى عليك فلاية تطلع الاملاية............  ايوا العسلية ، حمصية ، لب ، سودانى حجرة قلم حد عاوز ياله اقرى الحادثة ..... فضايح الوسط الفنى...... ادعية للشيخ......... وكمان مش واحد يعدى وخلاص لا دا انت بتلاقى سوبر ماركت متحرك وكل ماتشتهى الانفس بصراحة مفيش بعد كدا راحة اللى عايز يتسوق بعد كدا ميرحش مترو مثلا ولا سيتى ستار ايه الكلام الفاضى دا عليك وعلى الاتوبيس الافتكاسة الجديدة بقى تلاقى واحدة بنقاب وباين عليها كل وقار واحترام تيجى ترمى عليك ورقة تفتحها تلاقى مكتوب فيها انها طالبة اعانة او حسنة زى مابيقولوا  طب انت عايز ايه تانى من الدنيا قاعد فى الاتوبيس بتتفرج مش على فيلم واحد لا دى افلام ومسرحيات وكمان عندك ماركت وبتاخد ثواب بجد لو مش عاجبك يبقى انت بتفترى على النعمة ياريت ياجماعة اللى يعرف حد فيكم مبيركبش الاتوبيس ينصحه ويوعيه انه هيفوته كتير انتظروا باقى المقاعد
__________________
|
|
#14
16-01-2009, 01:26 AM
|
||||
|
||||
|
اقتباس:
الموضوع دا الى كاتبه احمد اخويا wild manفى منتدى تانى منتدى نجوم اف ام هوا الاول كتبه فى كشكول برا ونقله عالمنتدى لو عايزين ااكد لكم واصورلكم الكشكول قولو ماشى:D
__________________
 تعبان بجد لو فيه حد لسه بيحبنى ياريت يدعيلى ان ربنا يهدينى |
|
#15
16-01-2009, 07:19 AM
|
||||
|
||||
|
ما انا فعلا لاقيت واحد اسمه أحمد كاتبه
بس مش عرفت اجيب غير المقعد الرابع بس عموما هو الموضوع جميل يا حازم بس لازم تقول انه منقول عشان تعب الناس الي عملته مش يروح تقبلوا مروري المتواضع
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله  |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:38 AM.
