|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
08-03-2009, 02:44 AM
|
||||
|
||||
من يحمينا يا حكومة ؟؟؟
من يومين كده حصل معايا موقف رزل وطويل
ومعرفش ليه حابب ان أحكى عنه استحملوا بقا بواختى وغلاستى كنت بوصل واحدة زميلتى حدائق القبة بعد لما خلصنا محاضرة فى معهد اللغات التابع للقوات المسلحة ده ومامتها مسكت فيا واجبرتنى أنى أقعد وأتغدى مع سها المهم أنا طبعا لما صدقت  أخيرا هشوف الطبيخ تانى ( الوحدة وحشة أوى ) المهم كده كده لقيت نفسى متأخر فقلت أعدى على السراى مول اللى فى ولى العهد ده سمعت عنه كتير بس كانت اول مرة أروح هناك جبت شوية حاجات وانا راجع لقيت الطريق مقفول ولمة كده وزحام فظيع معرفتش اعدى ركنت العربية فى جنب ونزلت لقيت شوية بلطجية حوالى 6 نزالين ضرب فى واحد شكله بلطجى هو كمان لانهم كلهم كانوا واخدين أوسمة فى وشهم الناس واقفة ببتفرج وماحدش قادر يتكلم ودول نزالين طحن فى الراجل بعد شوية لقيت راجل كبير بقولى معاك تليفون يا ابنى قلتله أه قلى اتصل بالشرطة وفعلا اتصلت وقالولى خلاص جايين فضلنا ننتظر ونتتظر وماحدش جه فبسئل واحد بقوله هو قسم الشرطة بعيد عن هنا فقالى لا أبدا انتظرت تانى ماحدش جه المهم الجماعة البلطجية دول شبعوا ضرب فى الراجل وبعد شوية سابوه من كتر الضرب اللى الراجل خده أنا كنت بغمض عينى أنا بلعب فنون قتالية كتيرة زى الجودو وزظى التايكوندو والكاراتيه والكيك بوكسينج ومعايا مراكز متقدة فى الألعاب دى لحد ما ( على فكرة صديقى بطل العالم فى الكيك بوكسينج وهو طالب فى جامعة الازهر ) بس ساعة الموضوع ده حسيت انى اجبن مخلوق فى الدنيا بيقبى احساس صعب أوى لما تحس بالعجز وقلة الحيلة بعد الفوران اللى حصلى فى مشاعرى ده قررت انى أروح قسم الشرطة التابع للمنطقة دى وبالفعل سئلت عليه ورحت هناك ووفضلت برده أنتظر وانتظر لحد ما عرفت أوصل للشخص اللى كنت كلمته هو شكله كده ملازم فبقوله انا كلمت حضرتك وحضرتك قلت انك هتيجى ومجتش والراجل كان هيموت فقالى احنا عارفين شغلنا كويس ودول كده كده هيقعوا تحت ايدينا فقلتله دول شبعوا فى الراجل ضرب قدام كل الناس وبعد كده سابوه ومشيوا ولحد كلمهم وكل ده فى محيط القسم هنا فقالى يا عم كبر دماغك دول شوية بلطجية وبيصفوا حسابات البلطجة مع بعض فقلتله طب ودور الشرطة فين فبصلى من تحت لفوق كده وقالى اسمك ايه فقلت اسمى هانى قالى معاك بطاقة فقلتله لا بس معايا أكتر من إثبات شخصية فقالى ورينى كده طلعتله كارنيه جامعة الازهر والجامعة الاميريكية والجامعة الروسية والمعهد البريطانى ورخصة القيادة وكارنيه عضوية نادى الزهور وعضوية نادى المقاولين العرب وكارنيه حزب شباب مصر فبصلى كده وضحك وقال كل ده فقولته أعتقد دول كفاية قالى بس انت اسمك هنا محمد مش هانى فقلتله سورى أصل كل الناس بينادونى هانى وكتير أوى بنسى محمد ده فقالى انت منين يا محمد قلتله أنا من الزقازيق قلى طب جت هنا ليه قلتله أنا عايش هنا قالى فين ؟؟ قولتله فى الوقت الحالى فى مدينة نصر قالى والدك بيشتغل ايه ؟؟ قولتله مهندس قالى مهندس ايه ؟؟ قلتله حضرتك سألتنى أسئلة شخصيةبحته وملهاش علاقة بالموضوع اللى أنا جاى فيه فقالى بس جاوبنى قلتله مهندس الكترونيات قالى هو عايش معاك فى مدينة نصر قلتله بابا مسافر النرويج قالى طب ووالدتك ؟ قولتله أستاذة فى كلية طب الزقازيق قالى يعنى انت عايش لوحدك ؟ قولتله أه قالى بص أنا خايف عليك والناس دى لو عرفت عنك حاجة ممكن يضروك جامد قولتله ده واجب عليا والواجب على الشرطة اننا تحمينا وتحمى اللى زى قالى بلاش الكلام الكبير ورح يا محمد وانسى اللى شفته علشان ترتاح وفعلا روحت بس للأسف مقدرتش أنسى اللى شفته ومش عارف أرتاح لانه بجد كان مشهد مؤذى جدا
__________________
يا رب
آخر تعديل بواسطة هانى الشرقاوى ، 08-03-2009 الساعة 02:50 AM |
|
#3
08-03-2009, 05:29 AM
|
||||
|
||||
|
كل ده كارنيهات ومفهاش البطاقة >> ساب الموضوع وراح لبعيد
هو فعلاً ساعات تحس الشرطة نفسهم بيخافوا يتدخلوا في الحاجات ده او بمعنى آخر بيريحوا دماغهم من الحوارات ده او ممكن اتعودوا وحفظوا البلطجية دول وازاي ضربوا بعض وممكن يكون فعلاً حسابات وبيخلصوها بين بعض بس ده ميمنعش طبعاً دور الشرطة في الحفاظ على النظام والهدوء بين الافراد |
|
#4
08-03-2009, 01:00 PM
|
||||
|
||||
|
يا عمى طنش تعش تنتعش
وكنت قولى بدل ما انت هبرت الاكل انت وسها لوحدكم ده انت طفس من أعمالكم سلط عليكم ههههههههه
__________________
What do you do when the only person who can make you stop crying is the person who made you cry |
|
#6
11-03-2009, 07:31 AM
|
||||
|
||||
|
لالالالالالالا يا جماااعه اسمحولى انا مش معاكم فى حكايه طنش تعش تنتعش دى
هو بالتاكيد اللى حضرتك عملته ده صح بس من الكلام اللى الظابط قالهولك حاسه انه فى الموضوع حاجه الموضوع مش مجرد بلطجيه بيصفوا حساباتهم و خلاص و الكلام ده ( قالى بص أنا خايف عليك والناس دى لو عرفت عنك حاجة ممكن يضروك جامد قولتله ده واجب عليا والواجب على الشرطة اننا تحمينا وتحمى اللى زى قالى بلاش الكلام الكبير ورح يا محمد وانسى اللى شفته علشان ترتاح ) حاسه انى بسمعه كتييييييييير فى افلام و مسلسلات بس فعلا الموضوع اكبر من خناقه كل شئ جايز و الله اعلم الظابط ليه قاللك كده هو ادرى و غير كده كمان جايز هيقبض عليهم بس بخطه معينه و مش عايزك تدخل فى متاهات معاهم تقبلوا مرورى و اسفه للاطااله |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:33 PM.
