أبو تريكة يتقدم على ميسي ورونالدو في استطلاع رأي على موقع الفيفا

[Not Allowed]

بقلم :محمد مدكور (الى هو انا)

الله عليك يابوتريكة مشرفنا والله فى كل حتة دة مش عندنا بس لا دة فى موقع الفيفا العالمى كمان
واتفوقت على مين على افضل لاعبى العالم
حبايبى الحلويين هيقولوا
لا الشعب المصرى دة غلبان بيدخل وبيصوت اكتر من مرة
بقولك لا يا ضنايا زوار مصر فى موقع الفيفا
بيمثلوا 3.3%
يعنى ميجوش حاجة ودة مش كلامى

المهم خلينا فى الموضوع طبعآ انا مش فرحان كدة علشان ابوتريكة اهلاوى لا انا هقولك لية

Mohamed Aboutrika (EGY)

فخمتوا قصدى ولا لسة موصلتش لا لسة يا مدكور
طيب انا هقولكم اية قصدى
مكتوب كدة فى اليمين من نحيتك كلمة egy
طب يعنى اية الكلمة الغريبة دى

اثبتت الابحاء والعلماء قالوا ان الكلمة دى موجودة فى المعجم بمعنى مصر

واحد مبيشربش لبن وهيدخل يقولك لا الكلمة دى عاملة زى
egyfilm كدة
لا متقلقش هما قصدهم مصر مش موقع السيما الى قصدك علية
بجد فى ناس بتقط الواحد

المهم خلينا فى الموضوع ياعم مدكور ومتخرجش عنة وبطل رغى شوية :D
طيب خلينا فى الموضوع الى هو بتاع ابوتريكة

_________________________________

وضع الاتحاد الدولي لكرة القدم (فيفا) صانع ألعاب الأهلي محمد أبو تريكة ضمن استطلاع للرأي عبر موقعه الرسمي حول اللاعب الذي تتطلع الجماهير لمشاهدته في المرحلة النهائية لتصفيات كأس العالم.

وأدرج الفيفا أسماء الأرجنتيني ليونيل ميسي والبرتغالي كريستيانو رونالدو و الكوري بارك جي سونج والأمريكي لاندون دونوفان والباراجواني روكي سانتا كروز بالاضافة لتريكه.(محمد ابوتريكة يعنى)

وتقدم أبو تريكة في الاستفتاء حتى اليوم متفوقا على ميسي ثانيآ ورونالدو ثالثا.

ويتنافس دونوفان وجي سونج وسانتا كروز في المراكز من الثالث وحتى السادس.

__________________________________________________ _____________________

يعنى دة شرف لينا ان الاهلى راح كأس العالم للأندية
الى يمهنا اسمنا يبقى فى العالم يعنى اهلى او زمالك او اسماعيلى او حتة نادى السكة الحديد
والكلام دة بقولة لرابطة مشجعى ****وكا
كفاية بقى تعصب اعمى ملوش لازمة
ودة كلامى لجماهير الاهلى والزمالك والاسماعيلى وجميع الجماهير المصرية (كلنا واحد)
المهم مين الى يشرفنا

ياعم دة الكورة بقت اهم من السياسة اليومين دول يعنى بلاش فضايح
عمومآ ماتش الاهلى والاسماعيلى جاى وهنشوف الروح الحلوة زى الى كانت فى ستاد الاسماعيليلة

ياريت تكونوا فهمتوا كلامى ويارب نادى الزمالك يرجع تانى علشان ترجع روح المنافسة والدورى يبقى لية طعم مع احترامى للفرق الاخرى

تمشى جمب الحيط ليلتك تعدى على خير تبعد بعيد عن الحيط تجيلك ضربة شمس