انا اكتشفت اننا تافهين جدا

[dr.zomba]

<div align="center">السلام عليكم ورحمة الله وبركاته

اذيكوا يا جماعه وحشني جدا والله

هدخل في الموضوع علي طول

انا النهارده هكلمكم عن موضوع في غاية الاهميه والخطوره
هو صراحه الي فكرني بالموضوع ده موضوع المرشد الي هو بتاعsms

طبعا كلنا شوفنا استار اكاديمي الحدث الجميل المهم والي بيشغل تلات اربع الوطن العربي ولا كانه هيوصلنا اننا نجلي اسرائيل من فلسطين
والي مشفش البرنامج اكيد اكيد سمع عنه

الموضوع ده غريب يعني ذي متقولوا عملين للناس الي بيتفرجوا عليه عمل يخليهم مربوطين علي الكرسي
ده طبعا غير الرسايل الي بتتبعت عشلن يرشحوا الكائنات الي في البرنامج
لا وايه لما حد يخرج من البرنامج يا لهوي ممكن واحد من الناس المدمنين عليه يجيلوا البواسير
وتكون فلسطين بيموت منهم بالعشرات والناس بتبعت بمئات الجنيهات رسالات لترشيح بعض الكائنات التي تتنطط علي المسرح في هبل منقطع النظير ده غير الي بيحصل في البيت الي هما ساكنين فيه وقدام الناس كلها
يعني انا هقولكم علي مثال انا كنت عند ناس قرايبنا
المهم الجماعه دول مدمنين علي استار اكاديمي
المهم انا شايفهم قاعدين وعنيهم هتتطلع علي البرنامج وكانت الحفله قبل الاخيره
ولو راجل المس الريموت
طبعا انا كنت قاعد وجايب اخري في الخنقه فا بقولهم يا جماعه انتوا اذاي طايقين تتفرجوا علي التفاهه دي
بس وعليها كاني شتمتهم او عملت غلطه كبيره كلهم قاموا عليا

المهم وبعد ما البرنامج خلص خالص وطلعت الاخت العزيزه شذى هي الي كسبت ( هما الي بيقولوا)
وكان اليوم الي قبل الحفله الاخيره الاستاذ عمرواديب قال في البرنامج ان لازم كله يصوت لمحمد قماح الي هو المصري
عشان هو بيمثل مصر ولازم ننجحه
انما الجماعه قرايبنا دول كانوا زعلانين جداجدا وبيقولوا ذي ما عمروا اديب بيقول اننا فقريين عشان مصوتناش لقماح


انا مش عارف احنا هنوصل لفين بعد التفاهه دي
ده غير برامج ملكات الجمال والموضوع الجديد الي هو ملك الجمال
بالذمه الكلام ده ينفع
هي دي امة محمد

مستني رايك ومشاركتك
علي رقم 6066 :P
سلام</div>